Lajme nga vendi

Gjykimi për zjarrin në spitalin modular në Tetovë do të fillojë më 6 shtator

Published

2 years ago

August 22, 2022

Në faqen e Gjykatës Themelore të Tetovës, në kalendarin e gjykimeve, thuhet se gjykimi për lëndën K nr.450/22, gjegjësisht për spitalin modular, është caktuar për datën 06.09.2022 në ora 10:00 para gjyqtarit Jordan Velkovski.

Gjykimi u caktua pasi më 16 gusht, lënda për spitalin modular sipas Sistemit Informativ për Menaxhimin Automatik të Çështjeve Gjyqësore (AKMIS) i është ndarë gjyqtarit.
Pas shqyrtimit të aktakuzës, gjyqtari tani fillon gjykimin.

“Me lëndën për spitalin modular në Tetovë, pas aktakuzës së dorëzuar nga Prokuroria e Tetovës me nr. KO 531/22 me të cilin F.B, dhe A.E akuzohen për veprën penale të krimeve të rënda kundër sigurisë së përgjithshme dhe B.V. për veprën e mosveprimit sipas rregullave shëndetësore gjatë epidemisë, ndërsa personi juridik ISHP Spitali klinik Tetovë për veprat penale të shkaktimit të rrezikut të përgjithshëm dhe mosveprimi sipas rregullave shëndetësore gjatë epidemisë, i caktohet gjyqtarit nga Departamenti Penal me lëndën K nr. 450/22”, njoftuan nga gjykata më 16 gusht.

Ndryshe, në zjarrin në spitalin modular më 8 shtator 2021, humbën jetën 14 persona. Pas hetimit disa mujor, Prokuroria Themelore Publike e Tetovës, më 27 korrik 2022, ka dorëzuar aktakuzë në gjykatën kompetente kundër tre personave fizik dhe një personi juridik.

Lajme nga vendi

Të gjitha ndeshjet do të luhen sot prej orës 17:00, “finalja” shqiptare do të jetë në Shkup

Published

22 mins ago

May 4, 2024

TetovaExpres

Java e XXXI-të në futbollin e Maqedonisë së Veriut do të sjellë një derbi shqiptar në Çair, atë ndërmjet Shkupit dhe Shkëndijës. Të dy ekipet kanë pikë të barabarta,

Ndeshja do të luhet në stadiumin e Çairit, duke filluar nga ora 17:00. Kryesia e ekipit vendas ka vendosur që biletat për këtë ndeshje të jenë falas për të gjithë.

Në të njëjtën kohë do të luhet edhe ndeshja ndërmjet Strugës dhe Gostivarit, si dhe ajo ndërmjet Voska Sportit dhe Sileksit.

Duke filluar prej orës 17:00, do të luhen edhe ndeshjet tjera: Akadmia Brera – Bregallnicës, Vardar – Makedonija dhe Rabotnicki – Tikveshi.

Në krye të tabelës gjendet Shkëndija, Struga dhe Shkupi me nga 58 pikë, ndërsa Gostviari gjendet e gjashta me 40 pikë, ndërsa Voska Sporti e nënta me 37 pikë. Pas kësaj jave, kanë ngelur edhe dy javë tjera, duke përfshirë edhe dy ndeshjet e rëndësishme Shkëndija – Struga (12 maj) dhe Struga – Shkupi (19 maj).

Në sezonin 2024/25 në Ligën e Parë të Maqedonisë së Veriut do të jetë edhe ekipi tjetër shqiptar, Besa e Dobërdollit, pasi arriti të bëhet kampion në Ligën e Dytë në sezonin 2023/24.

Lajme nga vendi

Çfarë nëse VMRO-ja e anashkalon Frontin Europian?

Published

29 mins ago

May 4, 2024

TetovaExpres

Çfarë nëse VMRO-DPMNE-ja, si favorite për të fituar në bllokun maqedonas, do ta anashkalonte Frontin Europian – si fituese në bllokun shqiptar në formimin e Qeverisë së ardhshme në Maqedoninë e Veriut?

Kjo është pyetja që iu parashtruar kandidatit për deputet, nga Fronti Europian dhe kryeministër, Talat Xhaferit nga BDI-ja, transmeton TV21

Xhaferi nuk ka dha një qëndrim, pasi siç tha, për këtë çështje do të duhet të dakordohen dhe më pas të prononcohen partitë e Frontit Europian.

“Për çështje konkrete, pas mbarimit të zgjedhjeve. Organet partiake të Frontit Europian… Ka strukturë udhëheqëse të Frontit… Çështja do të diskutohet… Normal që do të ketë vendim përkatës”, tha Xhaferi.

Lajme nga vendi

Bekim Sali: Takimi në Fushë Topanë që u shndërrua në tubim (FOTO)

Published

33 mins ago

May 4, 2024

TetovaExpres

Takimi me banorët që u kthye në tubim, e quajti takimin me banorët e Fushë Topanës, kandidati për deputet i VLEN-it, Bekim Sali.

“Bashkë me kryetarët e VLEN-it, Afrimin e Izetin, zhvilluam takim me banorët e Fushë Topanës, i cili u shndërrua në tubim. Edhe Fushë Topana i thotë PO ndryshimit dhe programit tonë qeverisës.

Fushë Topana VLEN!”, ka shkruar Sali në Facebook.