Lajme nga vendi
Vota për listën e LSDM-së është votë për Tetovën moderne dhe europiane
Deputetët e LSDM-së dhe koalicionit: Vota për listën e këshilltarëve të LSDM-së është votë për Tetovën moderne dhe evropiane, votoni për numrin 1!
Deputetët nga grupi parlamentar i LSDM-së dhe koalicionit sot kanë qenë në mesin e qytetarëve të Tetovës.
Në takimet me banorët në shumë vendbanime në Tetovë, deputetët e LSDM-së nga afër janë njoftuar me problemet e tetovarëve, i kanë dëgjuar kërkesat e tyre dhe kanë biseduar për masat dhe politikat e realizuara deri më tani.
Deputetët potencuan se pikërisht kjo shumicë parlamentare e ka miratuar Ligjin që Mali Sharr të bëhet Park Nacional, i pari që nga pavarësia e shtetit.
Në bisedat me qytetarët, deputetët theksuan se është e rëndësishme që Këshilli i komunës të formohet nga qytetarë të përgjegjshëm dhe të ndershëm, të cilët do të jenë korrektues të kryetarit.
Ata porositën se me LSDM-në, Tetova do të ndërtohet si komunë evropiane dhe moderne, si dhe ftuan qytetarët që më 20 gusht, ditë e shtunë, të dalin dhe të japin votën e tyre për numrin një, për listën e këshilltarëve të LSDM-së dhe koalicionit e udhëhequr nga bartësi Gligorije Stojanovski.
Lajme nga vendi
U kapën me 599 dokumente të falsifikuara, arrestohen në Greqi dy shtetas të RMV-së
“Dy shtetas të Maqedonisë së Veriut u arrestuan në Greqi dhe më pas u dënuan me burg, pasi policia greke gjatë bastisjes të së premtes në pikën kufitare të Dojranit iu gjet 599 dokumente të falsifikuara bosh”, njoftoi korrespondenti i MIA-s nga Athina.
Policia greke bëri të ditur se dy personat u arrestuan pasi u kontrolluan me hyrjen në Greqi, dhe i’u gjetën gjithsej 440 dokumente bosh (karta identiteti, patentë shoferi, leje qëndrimi) nga vende të ndryshme evropiane.
Gjatë kontrollit të automjetit, në bagazhin e automjetit janë gjetur edhe 159 dokumente të tjera bosh, të cilat gjithashtu janë sekuestruar.
Agjencia greke e lajmeve “ANA-MPA” raportoi se Gjykata Penale në Kukous i shpalli fajtorë të dy të arrestuarit për falsifikim dhe komplot për përfitime ekonomike dhe i dënoi me pesë vjet burg.
Sipas “ANA-MPA”, dy të akuzuarit nuk kanë bërë të ditur detaje nga aktivitetet e tyre gjatë seancës dhe janë mbrojtur duke heshtur.
Lajme nga vendi
“Përplasjet Ahmeti-Mickoski dëmtojnë partitë”
Retorika e ashpërsuar politike me afrimin e zgjedhjeve nuk sjell përfitime për partitë politike por përkundrazi, u sjell atyre pikë negative, shkruan Alsat.
Kështu vlerëson njohësi i zhvillimeve politike Sinisha Pekevski duke komentuar përplasjet dhe akuzat e BDI-së drejtuar Mickoskit dhe koalicionit të mundshëm të tij me opozitën shqiptare VLEN.
“Zhurmën që e bën lideri i BDI-së për momentin nuk çon askund dhe përfundimisht ata duhet ta pranojnë se do të jenë opozitë. E para, qytetarët i dërgojnë në opozitë por e dyta, edhe mbështetësit e tyre në BE ose në SHBA ua bënë të qartë me vendosjen e Ramiz Merkos në listën e zezë se ata janë pjekur për në opozitë dhe se është koha të qetësohet pak gjithë situata”, tha Sinisha Pekevski, analist politik.
Sipas Pekevskit, parimi “fituesi me fituesin” është temë e mbyllur pasi nuk u respektua fillimisht nga vetë BDI-ja.
“Në zgjedhje mund të ketë vetëm një fitues dhe nuk mund të ekzistojë blloku maqedonas, shqiptar, turk, vlleh, rom. Ekzistojnë zgjedhje në të cilat partitë politike bëjnë garë. Fitues i zgjedhjeve me shumë siguri do të jetë VMRO-DPMNE-ja dhe me kë do të bëjë qeveri është zgjedhje e tyre edhe pse oferta deri te VLEN është dorëzuar dhe mendoj se ata tashmë janë marrë vesh se si do të funksionojë ajo qeveri. Parimin e mëhershëm që e imponuan të njohur si “fituesi me fituesin” e shkeli BDI-ja dhe ajo temë më është mbyllur” , u shpreh Sinisha Pekevski, analist politik.
Sipas Pekevskit, pikë negative për partitë në pushtet sjell edhe fajësimi që ditë më parë i bëri LSDM-ja – BDI-së për rezultatin e dobët në rrethin e parë të zgjedhjeve presidenciale, të partisë maqedonase në pushtet./ Alsat.mk
Lajme nga vendi
Mexhiti: Orientimi proevropian kusht i jonë për të qenë pjesë e Qeverisë
Kryetari i Lëvizjes Demokratike, Izet Mexhiti, nga Çarshia e Shkupit, tha se ata sot e kanë shpërndarë programin e tyre me vizitorët e Çarshisë.
Sa i përket VLEN-it dhe hyrjes në qeverinë e ardhshme, Mexhiti, tha se një prej pikave është orientimi evropian i qeverisë.
“Ne nuk duam me çdo kusht të jemi pjesë e çfarëdolloj qeverie që nuk e ka orientimin të qartë drejt integrimeve evropiane”, ka deklaruar Izet Mexhiti, shkruan SHENJA.
Mexhiti tha se ata vlerësojnë se vetëm Levica është parti e tillë, e cila nuk ka orientim proevropian.
Mexhiti tha se ata janë të bindur se do të kenë më tepër deputetët shqiptarë dhe do të jenë fitues të legjitimitetit të shqiptarëve.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve
You must be logged in to post a comment Login