Sport
LIGA E PARË: SHKËNDIJA SIPAS PLANIT, NGECË GOSTIVARI
Shkëndija e Tetovës në përballjen me ekipin AP Brera të Strumicës regjistroi fitoren e 15 sezonale duke fituar me rezultatin e ngushtë 2-1. Fjalën kryesore në këtë përballje e kishte golashënuesi më i mirë në historinë e futbollit të Maqedonisë dhe të Shkëndijës Besart Ibraimi i cili shënoi 2 gola për tre pikë të reja që çojnë ekipin drejt titullit të pestë kampion i Maqedonisë së Veriut. Trajneri Jeton Beqiri pas përfundimit të ndeshjes duke u bazuar në rezultate e ndeshjeve tjera theksoi se ekipi të jetë më në nivel
“Unë pres që ekipi të jetë me kalimin e kohës edhe më mirë fizikisht edhe besoj që do jemi aq vigjilent dhe të mençur që të menaxhojmë situatën deri në fund ashtu si duhet’’ deklaroi Jeton Beqiri.
Ndërkohë me një komunikatë zyrtare të klubit thuhet: ‘’Klubi i futbollit Shkëndija respekton viktimat dhe distancohet nga sjelljet e papërgjegjshme të një grupi të tifozëve distancohet nga sjellja e një grupi të caktuar individësh nuk pasqyron qëndrimin e tifo-grupit, i cili aktualisht është në proces riorganizimi, dhe as të pjesës tjetër të publikut, që në atë moment reagoi me fishkëllima për të shprehur pakënaqësinë ndaj atyre që këndonin”, thuhet pos tjerash në komunikat.
Nga ana tjetër për sjelljet një grupi të tifozëve që nuk e respektuan heshtjen dedikuar viktimave nga tragjedia e Koçanit, Federata e Futbollit e Maqedonisë ka hapur procedurë disiplinore ndaj Shkëndijës. Sipas FFM-së kjo vjen për shkak të sjelljes jo njerëzore të tifozëve dhe mosrespektimit të minutës së heshtjes në nder të viktimave në Koçani.
Kampionati në Ligën e pare të futbollit vendor vazhdon të shtunën dhe të dielën me ndeshjet e xhiros së 26-të. Sipari hapet të shtunën me takimin Struga Trim Lum – Pelisteri
Ndeshjen e javës së 26-të kundër Pelisterit do ta zhvillojmë të shtunën, një ditë më parë nga ndeshjet tjera të kësaj xhiroje.
Përballja mes klubit të futbollit Struga Trim dhe Pelisteri I Manastirit hapin siparin e javës së 26-të në Ligën e pare të futbollit vendor . Vendasit në këtë ndeshje futen pas barazimit 0-0, javën e kaluar me Shkupin, ndërsa Pelisteri vjen pas disfatës 1-3 nga Vardari në Manastir. Kjo është përballja e 9-të mes këtyre dy skuadrave në elitën e futbollit Vendasit kanë 5 fitore, 2 ndeshje kanë përfunduar me barazim ndërsa ekipi nga Manastiri ka vetëm një fitore . Kampioni në fuqi Struga Trim Lum pritet të regjistroj fitoren e 12 sezonale dhe njëherit të stabilizohet në pozitën e pestë q; e mbanë aktualisht me 11 fitore , 6 barazime e 8 disfata dhe 39 pikë të grumbulluara. Për takimin e së shtunës Besmir Bojku I Struga Trim Lum u shprehë optimist se pikët do mbeten në Strugë.
‘’Sigurisht se do të jetë një ndeshje shumë e vështirë. Jemi në një fazë kritike të kampionatit ku mendoj se secila pikë është shumë e rëndësishme për çdo ekip. Por shpresoj se nesër tri pikët do të ngelin në Strugë dhe të vazhdojmë garën për dalje në europë’’ tha futbollisti Besmir Bojku
Pesë takimet tjera të xhiros së 26-të zhvillohen të dielën me fillim në ora 15:00, takohen: Besa – Gostivari, Tikveshi – Shkëndija, Shkupi – Rabotniçki, Voska Sport – Sileksi dhe AP Brera – Vardari.
Sport
Presidenti Çeferin: Bashkëpunimi Shqipëri-Serbi, rikujtesë e shkëlqyer se nuk ka kufij në futboll
Sot në Beograd, Serbi, u mbajt Kongresi i 49-të i UEFA-s, ku u morën vendime të rëndësishme për zhvillimin e futbollit europian. Të pranishëm në kongres ishin figura të rëndësishme të futbollit botëror, përfshirë Presidentin e FIFA-s, Gianni Infantino, dhe shumë personalitete të tjera të njohura.
Delegacioni shqiptar përbëhej nga Presidenti i FSHF-së, Armand Duka, Zv. Presidenti i FSHF-së, Lufti Nuri, Sekretari i Përgjithshëm i FSHF-së, Ilir Shulku, dhe Drejtori Administrativ i FSHF-së, Aldi Topçi. Ndërkohë, të pranishëm ishin dhe një delegacion nga Kosova që përbëhej nga Presidenti i FFK-së, Agim Ademi dhe Sekretari i Përgjithshëm i FFK-së, Markus Weidner.
Kongresi u udhëhoq nga Presidenti i UEFA-s, Aleksander Çeferin, i cili gjatë fjalës së tij dha mesazhe të rëndësishme për të gjithë botën, duke nënvizuar sportin e futbollit si një mjet për bashkim dhe frymëzim.
Ai mori si shembull Kampionatin Europian “Gjermani 2024”, duke theksuar se atje ku politika ndan, futbolli ndërton ura.
Gjithashtu, Presidenti Çeferin përmendi organizimin e përbashkët të Kampionatit Europian U-21 2027 nga Shqipëria dhe Serbia si një rikujtesë të shkëlqyer se nuk ka kufij në futbollin europian. Ai i ftoi të gjithë të lënë pas historitë e së shkuarës për të ndërtuar së bashku një të ardhme më të mirë.
“Futbolli europian duhet të vazhdojë të qëndrojë si një model uniteti në këtë botë që po bëhet gjithnjë e më e ndarë. Ne bashkojmë dhe inspirojmë. Është misioni ynë, për të cilin jemi plotësisht të angazhuar.
Kampionati Europian 2024: Që nga atmosfera elektrizuese në stadiume deri te miliona tifozë që frymëzoi në mbarë botën, EURO 2024 na kujtoi se atje ku politika ndan, futbolli ndërton ura. Ne nuk ishim të ndarë, por punuam së bashku për të shfaqur lëvizjen më të madhe shoqërore në Europë.
Futbolli është më shumë se një sport: është një pasqyrë dhe një model i shoqërisë. Ai flet një gjuhë universale që kalon përtej kufijve, bashkon komunitetet dhe frymëzon ëndrra dhe për këtë arsye, ne e shohim turneun e finaleve të EURO U-21 2027, që do të zhvillohet në Shqipëri dhe Serbi, si një rikujtesë të shkëlqyer se nuk ka kufij në futbollin europian.
Futbolli është më shumë se historia e së shkuarës, është e ardhmja që ne po ndërtojmë dhe po e ndërtojmë së bashku”, – tha Presidenti i UEFA-s, Aleksander Çeferin.
Në organizim të Federatës së Volejbollit të Maqedonisë së Veriut këtë fundjavë starton edicioni i parë i volejbollit për veteranë, të moshave mbi 40 vjeç, ku do të marrin pjesë tetë skuadra të veteranëve si Shkëndija e Tetovës, Tetova, Boreci Veles , 11 Oktomvri i Prilepit, Gjevgjelia, Strumica, Skopje dhe ZSV Sportist nga Strumica . Ky kampionat i parë i volejbollit për veteranë do të zhvillohet me sistemin e turnirëve në të gjitha qytetet e ekipeve pjesëmarrëse, ndërsa java e parë do të mbahet në Gjevgjeli. Për fillimin e kësaj Lige të volejbollit për veteranë, Durim Luma tha se Shkëndija do të prezantohet me volejbollistët të cilët fituan titullin kampion dhe do të drejtohen nga trajneri Miftar Ziberi
‘’Vitin e kaluar u bë një garë eksperimentale për veteranët, mirëpo këtë vit do të startoj liga e re e veteranëve të volejbollit të Maqedonisë. Do të marrin pjesë 8 ekipe ndër to është edhe Shkëndija e cila vendosi që të merr pjesë në këtë ligë. Besoj se do të jetë një kënaqësi për të gjithë ata që do të ndjekin këtë eveniment pasi do të shohin lojtar shumë të vjetër . Kriteri është që ato të jenë mbi 40 vjeç por aty do të ketë edhe 60 vjeçar dhe 65 vjeçar. Sa i përket Shkëndijës , ka një fond lojtarësh veteranë ku në ekip do të marrin pjesë ish lojtarët e Shkëndijës si Pllumb Vela, Ilir Vela, Besim Rexha, Mensur Hamza, Durim Luma, Naser Qamili do të jetë kapiten, Miftar Zyberi do të jetë trajneri që do të na udhëheqë neve dhe shumë lojtar të tjerë Fatoni, ndërsa ne e kemi regjistruar edhe Idris Bexhetin i cili ka premtuar se po që se hymë në play off, në katër vendet e para ai do të vinë nga Zvicra dhe do ti bashkëngjitet ekipit’’ deklaroi Durim Luma veteranë në ekipin e Shkëndijës
Me që kjo Ligë do të zhvillohet në sistemin e turnirëve, dhe do të organizohen në shtatë qytete sipas radhës
‘’Ky manifestim do të mbahet me turnirë domethënë do të ketë shtatë turnirë. I pari do të organizohet në Gjevgjeli, ndërsa ne në xhiron e parë do të luajmë kundër ZSV Strumica, turneu i dytë do të mbahet në Strumicë, aty do të luajmë me ekipin rival tonin Tetova, kurse turneu i tretë do të mbahet në Tetovë, ku organizatorë do të jetë Shkëndija. Besoj se tre turnirët tera do të caktohen deri në fund të manifestimit’’ tha Durim Luma.
Në xhiron e parë të Ligës së veteranëve që fillon më 6 prill në Gjevgjeli do të përballen: 11 Oktomvri – Gjevgjelia, Tetova – Strumica, Boreci – Skopje dhe ZSV Sportist Strumica – Shkëndija.
Shaban Sinani – TV Koha
Dy persona kanë mbetur të lënduar pasi një veturë ra në Lumin Vardar në fshatin Çellopek
LIGA E PARË: STRUGA T L – PELISTERI HAPIN SIPARIN E JAVËS SË 26
Shkon në 60 numri i viktimave nga tragjedia në Koçan, vdiq menaxheri i diskotekës
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve