Connect with us

Lajme nga vendi

Poshetat e nikotinës nuk janë “snus”: një produkt pa duhan si një alternativë për duhanpirësit e rritur

Published

on

“Reduktimi i dëmit të duhanit” është një strategji e shëndetit publik që synon të minimizojë ndikimet negative shëndetësore të pirjes së duhanit.

Dihet gjerësisht se pirja e duhanit shkakton rreziqe serioze për shëndetin. Mënyra e vetme për të shmangur këto rreziqe është të mos filloni fare ta pini duhanin ose ta lini plotësisht. Megjithatë, jo çdo duhanpirës është gati të lërë duhanin.

Koncepti i reduktimit të dëmit nga duhani njeh rolin e rëndësishëm që alternativat pa tym, të cilat mbartin rreziqe më të ulëta për shëndetin*, u ofrojnë duhanpirësve, të cilët përndryshe nuk mund të vendosin të lënë duhanin. Prandaj, ata që përndryshe do të vazhdonin të pinë duhan duhet të inkurajohen të kalojnë plotësisht në produkte pa duhan. Produktet më të njohura pa tym janë poshetat e nikotinës, cigaret elektronike me ose pa nikotinë dhe produktet e duhanit jo të djegshme.

Këto produkte relativisht të reja janë ende të panjohura për publikun e gjerë dhe dëmshmëria e tyre shpesh barazohet me atë të shkaktuar nga cigaret, por ka një numër të madh studimesh të pavarura që vërtetojnë se produktet pa tym janë shumë më pak të dëmshme* sesa cigaret.

Suedia, e cila u bë vendi i parë “pa duhan” në botë në vitin 2024, ka qenë gjithmonë një hap përpara në luftën kundër dëmeve të lidhura me duhanin, duke u bërë pioniere në uljen e rrezikut përmes përdorimit të produkteve alternative të nikotinës.

Advertisement

Një nga produktet që është më pak i dëmshëm* për shëndetin e përdoruesve të nikotinës janë poshetat me nikotinë.
Ato janë të destinuara për përdorim oral dhe janë të dizajnuara për t’u vendosur nën buzën e sipërme ku nikotina përthithet përmes mishrave të dhëmbëve. Nuk duhet të përtypen apo gëlltiten.

Publiku shpesh ngatërron poshetat e nikotinës me poshetat e duhanit, të quajtura gjithashtu “snus”. Ndërsa snusi është i ndaluar për shitje në vendet e Bashkimit Evropian (përveç Suedisë, ku lejohet), poshetat e nikotinës, të cilat nuk përmbajnë fare duhan, janë të ligjshme për shitje. Poshetat legale të nikotinës nga kompani të njohura botërore janë bërë nga përbërës të cilësisë së lartë. Ato përmbajnë nikotinë, ujë, përbërës bimor, aromatizues dhe ëmbëlsues. Ka posheta nikotine me shije të ndryshme dhe doza të ndryshme nikotini.

Ndër markat më të famshme të poshetave të nikotinës që vijnë nga Suedia është Velo, i cili është një opsion modern, i krijuar ekskluzivisht për duhanpirësit e rritur dhe përdoruesit e nikotinës, për ata që duan të shkëputen nga pirja tradicionale e duhanit, duke ofruar një alternativë më pak të dëmshme* për shëndetin. Ky produkt revolucionarizoi tregun duke siguruar konsumin e nikotinës pa pasur nevojë për tym ose substanca të dëmshme. Ai është projektuar gjithashtu për një mënyrë jetese dinamike, duke u ofruar përdoruesve një zgjidhje të shpejtë, praktike dhe më pak të dëmshme*.

Velo është pjesë e një strategjie më të gjerë për të ndërtuar një të ardhme ku tymi i cigares i përket së kaluarës. Me një vizion të guximshëm për të transformuar mënyrën se si konsumatorët mund të plotësojnë nevojat e tyre për nikotinë, produkti është pjesë e një revolucioni global drejt reduktimit të dëmeve të duhanit. Misioni i Velo shkon përtej shitjes së një produkti; Është një angazhim për të krijuar një botë ku zgjedhja e konsumatorit është më e përgjegjshme, më pak e dëmshme* për shëndetin dhe në përputhje me kërkesat e një brezi që kërkon ndryshim.

Velo ripërcakton konsumin e nikotinës për një brez që vlerëson shëndetin dhe zgjedhjet e zgjuara.

Advertisement

*Bazuar në peshën e provave dhe supozimin e kalimit të plotë nga pirja e duhanit. Këto produkte nuk janë pa rrezik dhe shkaktojnë varësi.

Advertisement

Lajme nga vendi

(video)Nxënësit e shkollave të mesme në Tetovë sot kanë bojkotuar mësimin për shkak të ndryshimit të orarit dhe pamundësisë për të qenë të lirë gjatë kohës së iftarit.

Published

on

Nxënësit e shkollave të mesme në Tetovë sot kanë bojkotuar mësimin për shkak të ndryshimit të orarit dhe pamundësisë për të qenë të lirë gjatë kohës së iftarit.Në Gjimnazin “Kiril Pejçinoviq” dhe Shkollën e Mesme Ekonomike, protestën në shenjë mbështetjeje për nxënësit e pasdites, e kanë mbajtur edhe ata që janë në paradite dhe nuk kanë mbajtur mësim pas orës së katërt. Nga Komuna e Tetovës thonë se nuk mund të bojkotohet mësimi dhe nuk mund të ndryshohet orari apo të shkurtohen orët mësimore. Sipas përgjegjësit të sektorit për arsim, shkollat do të duhet të përshtatin pushimin e gjatë dhe ta zgjatin atë për kohën e iftarit, duke siguruar që nxënësit të kenë kohë të mjaftueshme për të konsumuar ushqimin.“Asesi nuk ka pasur ndonjë njoftim apo lajmërim zyrtar nga ana e themeluesit apo Komunës së Tetovës për shkurtimin e mësimeve apo rikthimin e orarit normal. Sipas nenit 27 të ligjit për mësimdhënie të mesëm, është përcaktuar se ora mësimore zgjat 45 minuta dhe themeluesi nuk mund të ndërmarrë një veprim të tillë për shkurtimin e orëve mësimore, pasi neni 23 i Ligjit për Arsimin e Mesëm përcakton se mund të ndërpriten dhe shkurtohen orët mësimore vetëm për shkak të fatkeqësive natyrore apo pandemive,” tha Nazmi Dauti, përgjegjës i sektorit për arsim në Komunën e Tetovës.Ndryshe, shkollat e mesme kanw adatuar vet orarin në mënyrë që gjatë kohës së iftarit të mund të jetë i zgjatur pushimi“Shkollat e mesme kanë bërë adaptimin e orarit, në mënyrë që gjatë kohës së iftarit të mund të jetë i zgjatur pushimi i njohur brenda shkollave dhe asesi nuk duhet të ndërpritet procesi edukativo-arsimor, qoftë për arsye fetare, ashtu edhe për arsye ligjore. Kështu që nxënësit dhe prindërit, pasi kishin paralajmëruar bojkotin e procesit edukativo-arsimor, duhet të dinë se nuk mund të bojkotohet ai, pasi kjo është e papranueshme,” shtoi ai.Dauti theksoi se Inspektoriati Shtetëror i Arsimit nuk ka dalë me ndonjë prononcim në lidhje me këtë çështje, por Komuna e Tetovës ka informuar të gjitha drejtoritë e shkollave për të përshtatur pushimin e gjatë me kohën e iftarit, dhe nxënësit, pas kësaj, do të duhet të vazhdojnë mësimin deri në përfundim të orarit të plotë pa ndërprerje. TV KOHA

Continue Reading

Lajme nga vendi

Komuna e Çairit fiton grantin maksimal nga UNDP për përmirësimin e infrastrukturës energjetike në shkolla

Published

on

Komuna e Çairit është një nga vetëm tre komunat në nivel shtetëror që ka fituar grantin maksimal prej 50.000 dollarësh nga Programi i Kombeve të Bashkuara për Zhvillim (UNDP), në kuadër të projektit “Forcimi i kapaciteteve komunale për zbatimin e projekteve – Faza 2”, i mbështetur nga Qeveria e Suedisë dhe Byroja për Zhvillim Rajonal. Edhe pse në këtë proces kanë marrë pjesë shumë komuna, vetëm tre prej tyre kanë arritur të sigurojnë financimin maksimal.

Si e vetmja komunë shqiptare fituese e këtij granti, Komuna e Çairit, së bashku me kontributin e saj prej 376.728 denarëve, do të investojë në përgatitjen e dokumentacionit teknik për instalimin e pompave kontrolluese për ngrohje në shkollat fillore të komunës. Ky projekt synon krijimin e kushteve më të mira për nxënësit dhe një mjedis më të qëndrueshëm energjetik në institucionet arsimore.

Kryetari i Komunës së Çairit, Visar Ganiu, i cili mori pjesë në ceremoninë e nënshkrimit të marrëveshjeve, theksoi se ky është një hap i rëndësishëm për zhvillimin e infrastrukturës shkollore dhe rritjen e efikasitetit energjetik në institucionet arsimore.

Komuna e Çairit mbetet e përkushtuar për të sjellë projekte dhe investime që ndikojnë drejtpërdrejt në përmirësimin e jetës së qytetarëve dhe mirëqenien e brezave të ardhshëm.

Kabineti i Kryetarit
Komuna e Çairit

Advertisement

Continue Reading

Lajme nga vendi

Tuneli i Murrizit zyrtarisht do të hapet nesër, nga Dibra në Tiranë për një orë

Published

on

Hapja zyrtare e Tunelit të Murrizit është paralajmëruar për nesër, më 14 mars. Ky tunel është pjesë e autostradës “Rruga e Arbrit” dhe nga pika kufitare “Blato” afër Dibrës, do të duhet një orë për të mbërritur në Tiranë, transmeton Portalb.mk.

Zëvendëskryeministrja e Shqipërisë njëherësh ministre e Infrastrukturës dhe Energjisë, Belinda Balluku ka thënë se më datën 14 mars do të hapet Tuneli i Murrizit për qasje për të gjithë drejtuesit e automjeteve në drejtim të Tiranës dhe atë të Dibrës.

“Ndërkohë po vazhdojmë dhe po punojmë në këto momente me tunelin ndihmës i cili është pjesë e këtij projekti. Bashkë me pranverën, të hapim dhe Rrugën e Arbrit, një nga rrugët kombëtare më të rëndësishme. Një nga rrugët të cilat padyshim do të shënojë rritjen ekonomike të të gjithë kësaj zone dhe do të shënojë rritjen e sektorit turistik për zonën e veriut”, nënvizoi Balluku. 

Aktualisht po punohet për detajet e fundit, instalimi dhe montimi i pajisjeve të nevojshme, si dhe hedhja e shtresave asfaltike për rrugën dalëse të tunelit.

Drejtori i Autoritetit Rrugor Shqiptar, Gentian Gjyli bëri të ditur se janë drejt përfundimit edhe punimet sa i takon godinës ku po instalohen pajisjet për monitorimin e tunelit.

Advertisement

“Në hyrje të tunelit godina e monitorimit është e përfunduar. Ka filluar instalimi i pajisjeve të cilat do të monitorojnë tunelin 24 orë, qoftë për aksidentet, qoftë për avari të ndryshme apo sistemi kundër zjarrit”, tha Gjyli. 

Tuneli i Murrizit ka një gjatësi prej 3.78 kilometrash dhe përbëhet nga dy tuba, ai i trafikut dhe ai i emergjencës. 

Hapja e Tunelit të Murrizit filloi në maj 2019, por gjërat kanë ecur shumë më ngadalë se sa ishte planifikuar, për shkak të gjeologjisë së vështirë dhe rrëshqitjeve të dheut.

Autostrada është hapur për qarkullim në fund të nëntorit 2021, që atëherë frekuenca e pasagjerëve në vendkalimin “Blato” është rritur. Vitin e kaluar sipas MPB-së së Maqedonisë së Veriut, në hyrje dhe dalje janë regjistruar 834.345 pasagjerë, prej tyre 672.062 janë të huaj dhe 162.283 shtetas të RMV-së. Krahasuar me një vit më parë, numri është 120,086 pasagjerë më i lartë.

Në tërësi Rruga e Arbrit ka 7 tunele, me gjatësi totale 8,5 km.

Advertisement

Rruga e Arbërit bëhet një korridor lidhës i rëndësishëm Lindje-Perëndim në Ballkanin Perëndimor. Jo vetëm do të afrojë qytetarët e Tiranës e gjithë Shqipërisë me Dibrën dhe Maqedoninë e Veriut, por do të jetë një arterie e zhvillimit ekonomik dhe të turizmit të Shqipërisë dhe Dibrës në Maqedoninë e Veriut.

Continue Reading

Më të lexuarat