Ministri i Politikës Sociale, Demografisë dhe Rinisë, Fatmir Limani, mori pjesë sot në konferencën me titull: “Së bashku jemi më të fortë”, organizuar nga Shoqata e personave me paralizë cerebrale dhe aftësi të tjera të kufizuara – Veles.

Në takim, përveç ministrit Limani, morën pjesë edhe presidentja e Republikës së Maqedonisë së Veriut, Gordana Siljanovska-Davkova, ambasadori i BE-së, Mihalis Rokas, ambasadorja e Suedisë, Ami Larson Jain, kryetarë, përfaqësues të organizatave ndërkombëtare dhe qytetare.

Në fjalën e tij para të pranishmëve, ministri Limani shprehu kënaqësinë e madhe për nderin dhe mundësinë për të folur për një temë veçanërisht të rëndësishme.

“Si ministri resore në kompetencën e së cilës është kujdesi për kategoritë e cenuara të qytetarëve, ne kemi përgjegjësinë të punojmë ekskluzivisht në drejtim të avancimit të cilësisë së jetës së atyre që kanë nevojë për ndihmën tonë. Dhe kështu do të vazhdojmë”, tha Limani.

Ai përshëndeti iniciativën e organizatorit, në prag të festës së gruas, për të folur për vajzat dhe gratë me aftësi të kufizuara, gratë nga zonat rurale dhe të margjinalizuarit. Sepse me çdo fjalim, me çdo manifestim kushtuar atyre, theksoi Limani, të gjithë së bashku kontribuojmë në shikueshmërinë e tyre më të madhe në shoqëri dhe përfshirjen e tyre në jetën shoqërore. Dhe ne u themi se ata nuk janë vetëm, ne jemi këtu për mbështetjen që ata kanë nevojë.

Advertisement

Ai theksoi se askush nuk mund ta dijë se si është të jesh në vendin e tyre, të jesh në këpucët e tyre, të përjetosh botën përmes shqisave të tyre, të jesh i pambrojtur, por ajo që mund të bëhet është t’u jepet mundësia për një jetë më të mirë, qasje në shëndetësi, arsim, të drejtat sociale dhe mbrojtjen e fëmijëve, punësim, strehim, etj.

“Si ministri, ajo për të cilën kemi punuar intensivisht gjatë periudhës së kaluar është mundësimi i një spektri më të gjerë të shërbimeve sociale dhe rritja e numrit të qyteteve dhe vendbanimeve ku këto shërbime u ofrohen qytetarëve. Në këtë drejtim dua të njoftoj se vetëm nga fillimi i këtij viti kemi lidhur 81 kontrata menaxheriale me komunat dhe ofruesit e shërbimeve, që është 33% më shumë se në vitin 2024”, tha Limani.

Ai iu referua rëndësisë së këtyre marrëveshjeve. Që nënkupton marrjen e një shërbimi social për kategoritë e cenuara, por në të njëjtën kohë një përfitim tjetër i madh është përfshirja e njerëzve të vështirë për t’u punësuar në tregun e punës, nëpërmjet ofruesve të shërbimeve sociale që i trajnojnë ata për shërbimin e duhur. Marrja e mundësisë për të qenë një actor aktiv në shoqëri, për të qenë ekonomikisht i pavarur dhe krenar për veten për kontributin në familjen, komunitetin dhe shoqërinë në përgjithësi.

Limani foli edhe për mundësitë e përvetësimit të aftësive dhe zanateve të destinuara për gratë në nevojë, të cilat shoqatat i mundësojnë. Më pas, ndërtimi i kopshteve në zonat urbane dhe rurale. Që nënkupton përfshirjen e fëmijëve në procesin parashkollor dhe lirimin e nënave nga përgjegjësitë për t’u kujdesur për fëmijët në shtëpi, e me këtë edhe fuqizimin ekonomik të gruas në shoqëri.

“Së bashku jemi më të fortë – do të thotë se sot vetëm së bashku mund ta bëjmë të mundur atë që ishte e pamundur deri dje! Të gjithë jemi pjesë të mozaikut tonë, që quhet shtet. Le të fillojmë secilin me një kontribut individual dhe të synojmë për të mirën e përbashkët. Kur çdo qytetar në vendin tonë vlerësohet, ne synojmë mirëqenien kolektive”, tha Limani.

Advertisement

Ministrja e Arsimit, Vesna Janevska ka paralajmëruar se përveç avancimit të të drejtave dhe rritjes së pagave në arsimin e lartë ka edhe një sërë kushtesh që duhet plotësuar për të pasur arsim më cilësor. Janevska mes tjerash theksoi modernizimin dhe reduktimin e programeve studimore.“Bëhet fjalë edhe për kushtet për punë për të cilat nuk mund të themi se janë shumë të mira, mund të përmirësohen. Megjithatë bëhet fjalë edhe për zgjidhje ligjore dhe reforma në arsimin e lartë dhe shkencë me qëllim për të përmirësuar cilësinë. Shumë herë e kemi thënë, duhet modernizim i programeve studimore, numri i madh i programeve të studimit duhet të reduktohet. Ne kemi nevojë për më shumë vëmendje dhe fokus në risitë reale që lidhen me shkencën dhe teknologjinë dhe e gjithë kjo do të bëhet në vazhdimësi në periudhën e ardhshme”, deklaroi Vesna Janevska, ministre e Arsimit dhe Shkencës.Ndërkohë, rektorja e Universitetit “Shën Kirili dhe Metodi”, Biljana Angellova tha se këtë muaj institucioni që ajo drejton fillon një transformim të plotë dixhital. Fillimisht do të dixhitalizohen të gjitha shërbimet e studentëve ndërsa planifikohet që shërbimet bazë të përfundojnë plotësisht deri në fillim të vitit akademik 2025/2026 dhe procesi të përfundojë me futjen e një indeksi elektronik.Që nga janari i këtij viti, pjesa më e madhe e punonjësve në universitetet shtetërore kanë rritje të pagave bruto, duke përjashtuar përvojën e kaluar, me mesatare prej rreth 14%. Për një pjesë më të vogël të të punësuarve, rritja është mesatarisht rreth 8%. Buxheti i Universitetit Shwn Kirili dhe Metodi këtë vit është rritur për 1,5 miliardë denarë. Nga 2,2 miliardë denarë në vitin e kaluar, këtë vit arriti në 3,7 miliardë denarëKushtet e punës në arsimin e lartë nuk janë të mira

Vijat e bardha për këmbësorët në shumë rrugë të Tetovës mezi shihen.Kjo përbën problem si për këmbësorët poashtu edhe për vozitësit.Ndërkaq, më problem paraqitet situata gjatë orëve të natës kur vizë-bardhat aspak nuk duken dhe janë burim potencial për aksidente trafiku. Kësisoji,kohëve të fundit nëpër rrugët e Tetovës, sidomos ato dytësore, gjithnjë e më pak shihen vizat e bardha për këmbësorët apo vijat ndarëse të rrugëve. Më problem paraqitet edhe në disa rrugë periferike, ku pothuajse asnjëherë nuk ka vija ndarëse ose vizë-bardha për këmbësorët.Nga policia thonë se në secilën periudhë të vitit kryen vëzhgime në terren dhe në ato vende ku është hasur mungesa e vijave të bardha që shënojnë ndarjen e korsive por edhe vizbardhave, është përgatitur raporti përkatës dhe është kërkuar nga organet kompentente që në kohë sa më të shpejtë të shënohe që të mund këmbësorët pra të kenë më të qartë se ku ta kalojnë rrugë, dhe po ashtu vozitësit ta kenë qartë se ku e kanë kufirin e korsisë në të cilën lëvizin, thonë nga policia e Tetovës.Nga komuna e Tetovës thonë se do të ndërmarrë aktivitete për ruajtjen më efikase të dukshmërisë së vendkalimeve për këmbësorë, në vend të praktikës së mëparshme të angazhimit të një kompanie për atë punë. “Shënimi i rrugëve në vendkalimet e këmbësorëve, nëse nuk bëhet me ngjyrë afatgjatë, do të duhet të bëhet çdo vit dhe ky është obligim i komunës, ndaj përvoja jonë e deritanishme ka treguar se kjo nuk mund të arrihet me operator të jashtëm sepse burimet dhe procedurat formale për sigurimin e një operatori të jashtëm janë më afatgjata kurse nevojat janë më urgjente”, thonë nga komuna e Tetovës. Nga komuna e Tetovës thonës se janë të angazhuar që të blihen të gjitha makineritë e nevojshme që vet të bëjnë shënimin e vijave të bardha në rrugë.Brenda vitit, komuna e Tetovë ndanë 1.5 milion denarë për vijat e bardha, para këto që nuk mjaftojnë sepse këto mjete ndahen që mirëmbajta të bëhet një herë në vit, ndërsa rregullat parashohin që rrugët të paktën dy herë brenda vitit të shënohen me ngjyrë të bardhë.TV KOHA