Sport
KF BESA: MAKSIMALISHT E PËRGATITUR PËR SEZONIN PRANVEROR
Me ndeshjet e xhiros së 19-të të dielën me fillim në ora 14:00, nis pjesa e pranverore e kampionatit 2024/2025, në ligën e parë të futbollit vendor. Të dielën krahas ekipeve që luftojnë për titullin kampion, një ndeshje shumë domethënëse do të zhvillohet edhe në stadiumin “Biljanini Izvori” në Ohër aty ku do të përballen dy skuadrat që luftojnë për mbijetesë Voska Sport dhe Besa e Dobërdollit. Televizioni Koha ishte e pranishme në një seancë stërvitore të ekipit nga Dobërdollit vetëm tre ditë para se të nisë pjesa pranverore e kampionatit ku mori opinionin e trajnerit Gorazd Mihajllov i cili vlerësoi pozitivisht punën pesë javore të fazave përgatitore
“ Tashmë po afrohet edhe fillimi i pjesës pranverore për të cilat besoj se do të jenë mjaftë interesante nga shkaku se shumë ekipe janë përforcuar. Të njëjtën mund ta themi edhe për ne pasi jemi freskuar në pozicione ku mendonim se kemi nevojë. Mendoj se jemi të kënaqur edhe me lojtarët më të cilët disponojmë. Gjithashtu edhe rezultatet që i shënuam në këtë periudhë përgatitore na japin shpresë se duhet pozitivisht të shikojmë për pjesën tjetër të kampionatit, Jemi të vetëdijshëm se do të jetë rëndë, jemi të vetëdijshëm për situatën. Megjithatë thash edhe më parë se nuk është hera e parë që gjendem në këtë situatë dhe besoj në këtë prektë të ekipit Besa , besoj në këto lojtar dhe në stafin teknik që janë rreth meje dhe besoj se maksimalisht jemi të përgatitur dhe se mision që kemi pas nesh mbetjen në elitën e futbollit do ta realizojmë”, deklaroi trajneri Gorazd Mihajllov.
Trajner Mihajllov për ndeshjen kundër Voska S;port në Ohër tha se shkojnë për fitore të sigurt edhe pse nuk do të jetë lehtë
“Po mirë është normale që të presim fitore, normalisht për atë punojmë unë që kur erdha u thash djelmoshave se nuk duhet ti shikojmë ndeshjet miqësore por duhet të fokusohemi për xhiron e parë dhe faktikisht ne u përgatitëm për ndeshjen e raundit të parë kundër Voskës. Normalisht më një fillim të mbarë edhe vetëdija te futbollistët do ngritët dhe normalisht të nxjerrim rezultat pozitiv në Ohri. Nuk kemi çka të fshehim shkojmë për tri pikë“ tha trajneri Mihajllov
Me punën që është bë gjatë fazave përgatitore optimist për një fillim të mbarë në sezonin pranverore para mikrofonit të televizionit Koha u shprehë edhe kapiteni Armend Alimi
“Kemi bërë një përgatitje shumë të mirë, kemi qenë edhe në Ohër në një mini përgatitje 7 ditë. Kemi zhvilluara 4 ndeshje mos gabofsha, kemi korrur të gjithat fitore. Mendoj se fizikisht jemi shumë mirë, po ashtu edhe psiqikisht e dimë se na pret një punë e rëndë. E dimë situatën e ku jemi , edhe situata nuk na jep komoditetin që të jemi të lirë për ndeshjet. Çdo ndeshje për ne do të jetë finale, ndërsa finalja e parë do të jetë kundër Voskës. Situata në Voskë e dimë se si është por ajo nuk na çorienton por përkundrazi maksimalisht jemi motivuar dhe koncentruar për tu kthyer me tre pikë” deklaroi Armend Alimi kapiten i ekipit Besa
Kujtomë se Besa në sezonin vjeshtor nga 18 ndeshje të zhvilluara ka regjistruar 3 fitore, 4 barazime dhe 11 humbje duke u renditur në pozitën e 10-të, ndërsa Voska Sport me 2 fitore, 6 barazime dhe 10 disfata me 12 pikë mbanë pozitën e fundit. Ndeshja e së dielës Voska Sport – Besa e Dobërdollit luhet të dielën me fillim në ora 14:00.
Shaban Sinani – TV Koha
Me përfundimin e ndeshjeve kthyese të çerekfinaleve në dy garat e tjera evropiane si Liga e Evropës dhe Liga e Konferencës.
Në katër ndeshjet e zhvilluar mbrëmë ka pasur spektakël, me Totenham që eliminoi Eintracht Frankfurtin dhe Mançester Junajted që me përmbysje mposhti Lyonin.
Bodo/Glimt befasoi të gjithë duke eliminuar Lacion, derisa Athletic Bilbao eliminoi Ranxhersin.
Mançester Junajted , Tottenham , Bodo/Glimt dhe Athletic Bilbao janë skuadrat që kanë shkuar në gjysmëfinale të Ligës së Evropës.
Tanimë dihen edhe çiftet gjysmëfinaliste, me Mançester Junajted që do të përballet me Athletic Bilbao.
Ndërkohë gjysmëfinalja tjetër është mes Tottenham dhe norvegjezëve të Bodo/Glimt që eliminuan Lacion.
Ndërkohë në Ligën e Konferencës në gjysmëfinale kanë shkuar Fiorentina, Çelzi, Djurgarden dhe Real Betis.
Në gjysmëfinale do të takohen Chelsea – Djurgarden dhe Real Betis – Fiorentina.
Në organizim të Federatës së Atletikës së Maqedonisë së Veriut të shtunën mbahen garat e vlefshme për Kupën e vendit në disiplinat 10 mijë metra në shtegun e stadiumit si dhe garat për Kupë në disiplinat e hedhjes, ndërsa do të organizohet edhe Turniri në disiplinat e stafetës dhe ato të kërcimeve në të gjitha kategoritë për djem dhe vajza ku pritet të marrin pjesë mbi 100 garues nga klubet anëtare të Federatës së atletikës. Në këto gara me garues të vet do të prezantohen edhe dy klubet e atletikë nga rajoni i Tetovës klubi atletikës Studenti dhe klubi atletikës Kamjani . Televizioni Koha ishte e pranishme në séancën e mbrëmshme stërvitore të klubit të atletikës Kamjani
“Këtë fund javë starton sezoni i ri 2025 me turnirët stafetore si dhe ato të hedhjeve. Ne si klub kemi bërë përgatitjet gjatë sezonit dimërorë dhe shpresojmë se këtë vit do të jemi më mirë se vitin tjetër edhe pse në kategorinë e pionierëve gjithmonë kemi qenë shumë mirë por shpresojmë të jemi edhe më mirë” deklaroi trajneri Xhemaili
Trajneri Ibraim Xhemaili në krahasim nga viti i kaluar kua ka marrë pjesë me garues të rinj, ndërsa këtë vit do të prezantohet edhe më junior ndërsa ka edhe një garues sendor që do merë pjesë garat e Kupës në 10 mijë metra. Pra këtë vit klubi i atletikës Kamjani ka qëllime më qarta
“Qëllimi i klubit tonë për këtë vit është të jemi në mesin e dy-tre klubeve më të mira për kategorinë e pionierëve dhe shpresojmë që të bëjmë ndonjë rekord tek pionierët” tha Ibraim Xhemaili
Por problemi i klubit të atletikës Kamjani si dhe klubeve tjera mbetet infrastruktura sportive
“ Po kushtet disi janë mirë shihet edhe vet nga terreni. Kemi kushte vetëm për vrapime por nuk kemi kushte për disiplinat hedhëse ose disiplinat e kërcimeve si kërcim së gjati dhe kërcim së larti . Nuk kemi kushte për të punuar në at disiplina por për at shkak shumë mirë jemi duke punuar në vrapime të shtigjeve të shkurta sprinterike. Gjithashtu edhe për shtigje të mesme kemi garues shumë të aftë nga të cilët shpresojmë të arrijnë mjaft rezultate“ tha në fund trajneri Ibraim Xhemaili
Në kë sezon të ri të atletikës talent e këtij klubi presin që s%paku të shënojnë rezultate apo rekorde personale
“Ne për këtë sezon të ri jena të përgatitura shumë për këtë javë që fillojnë garat dhe besoj se do të marrim vende dhe fitore” deklaroi Amina Zeqiri
“Ne jemi shumë të përgatitur dhe shpresojmë të kemi rezultatet shumë të mira, dhe rezultate personale” deklaroi Diar Xhemaili
Shkaku i festës së pashkëve java e 28 në ligën e parë të futbollit vendor do të zhvillohet të shtunën me fillim në ora 16:00. Kjo javë në krahasim me ato të deritanishmet karakterizohet me disa takime që vërtet mund të ndikojnë në renditjen përfundimtare si për ekipet që luftojnë kreun e tabelës ashtu edhe për ato ekipe që luftojnë mbijetesë.
Në stadiumin e qytetit në Gostivar zhvillohet derbi i pollogut mes ekipit të Besës së Dobërdollit që ka rastin e fundit për të ngjall shpresën për mbijetesë kundër liderit aktual Shkëndijës që lufton për titullin e pestë kampionë i Maqedonisë së Veriut kthyer lufton mbijetesë, andaj për tifozët e rajonit të gjitha rrugët do të çojnë te stadiumi Gostivarit në përkrahje të ekipeve të tyre të zemrës. Por futbollist Xhemail Esati tha se duke u bazuar në atmosferën që është në ekip mund të presim një ndeshje të cilësisë lartë dhe fitore
“Ndeshjet kundër Shkëndijës gjithmonë janë të vështira. Por besoj se pas kësaj humbje në Kratovë, besoj se do të kthehemi në rezultat pozitiv sepse çdo ndeshje për ne është finale dhe ne kërkojmë tre pikë për mbijetesë “ tha futbollisti Xhmail Esati
Nga na tjetër edhe futbollisti kuqe zi Vane Kërstevski tha se gjatë javës kanë punuar maksimalisht pikërisht për këtë ndeshje që të vazhdojnë rrugëtimin e fitoreve deri në arritjen e qëllimit
‘’Atmosfera tek ne është super e shkëlqyeshme. Punojmë mirë këtë javë përgatitemi për Besën. E dimë se luajmë me një ekip cilësore, por qëllimi jonë është të shkojmë atje dhe të luajmë dhe të marrim tri pikë, të mbajmë pozitën e parë, të risim diferencën prej 4 pikë me Sileksin. Shpresojmë në rezultat të përshtatshëm‘’ deklaroi Vane Kërstevski futbollist i KF Shkëndija
Përballje tejet interesante do të zhvillohet edhe në Strugë aty ku kampioni në fuqi Struga Trim Lum përballet më Gostivarin një derbi për pozitën e katërt në tabelë. Në stadiumin e Çairit Shkupi do të mundohet të ndal hovin e Sileksit, Voska Sport përballet me Vardarin, Tikveshi në Kavadar takohet me AP Brera, ndërsa Rabotniçki është nikoqire e Pelisterit .Të gjitha ndeshjet zhvillohen nesër me fillim në ora 16:00.
Shaban Sinani – TV Koha
BE: Është thelbësore për Kosovën ta formojë shpejt Qeverinë e re
Taravari konfirmon bisedën telefonike me Ahmetin
MPB: Gjatë festave të Pashkëve fotografimi për dokumentet personale do të bëhet pa termin
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve