Connect with us

Lajme nga vendi

Minçev: Reforma në administratën publike është prioritet kyç për integrimin evropian të Maqedonisë

Published

on

Ministri i Administratës Publike, Goran Minçev, në fjalimin në një ngjarje sot, kushtuar prezantimit të Raportit për monitorim të SIGMA për vitin 2024, e ka theksuar rëndësinë e reformave në administratën publike si një nga prioritetet kyçe në procesin e anëtarësimit drejt Bashkimit Evropian.

“Modernizimi dhe avancimi i administratës publike janë themel i sektorit publik funksional, i cili është shtytës i çdo shoqërie demokratike. Formimi i Ministrisë së Administratës Publike është përgjigje strategjike e Qeverisë për përshpejtimin e reformave dhe përmirësimin e efikasitetit dhe transparencës së institucioneve”, theksoi Minçev.

Siç bëri të ditur MASH, ai shtoi se Raporti i SIGMA përfaqëson mjet të rëndësishëm për vlerësim të rezultateve të deritanishme dhe identifikim të zonave në të cilat është i nevojshëm përparimi.

Theksoi se Ministria punon në mënyrë aktive në zbatimin e masave nga Strategjia për Reforma në Administratën Publike, me fokus të veçantë në departizim, profesionalizim dhe vendosje të sistemit koherent të pagave.

“Qytetarët duhet të kenë besim në institucione dhe të ndjejnë se ata punojnë në interes të tyre. Për këtë, reformat duhet të jenë gjithëpërfshirëse, ndërsa procesi i krijimit të politikave transparent. Përgatitëm zgjidhje të reja ligjore – Ligj për nëpunës administrativë, Ligj për të punësuar në sektorin publik dhe Ligj për përmirësim profesional – të cilët së shpejti do të propozohen në Qeveri dhe Kuvend”, theksoi ministri.

Advertisement

Minçev e ka paralajmëruar edhe Ligjin e ri për mbikëqyrje inspektuese, i cili duhet të vendosë ndryshime strukturore për koordinim më të mirë të shërbimeve inspektuese dhe ulje të shpenzimeve administrative.

Në kontekst të integrimeve evropiane, ka theksuar se kritikat nga Komisioni Evropian për Mbështetjen Politike dhe Koordinim të reformave do të merren parasysh për avancimin e procesit. “I jemi mirënjohës SIGMA-s për mbështetjen e vazhdueshme. Ky partneritet është kyç për ngritjen e kapaciteteve dhe afrimin e standardeve evropiane, përfundoi ministri, i cili, siç thuhet në kumtesën e Ministrisë së Administratës Publike, shprehu besimin se “me përpjekje të përbashkëta do të jenë synimet e vendosura për një administratë publike moderne dhe efikase arritur.”

Lajme nga vendi

Nga nesër në mesnatë përfundon detyrimi për pajisje dimërore në automjete

Published

on

Detyrimi për posedim të detyrueshëm të pajisjes dimërore, pa marrë parasysh gjendjen momentale të motit, vazhdon deri më 15 mars, informon Lidhja Auto Moto e Maqedonisë (LAMM).

LAMM rikujton se obligimi ligjor për posedim të detyrueshëm të pajisjeve dimërore në automjete ka filluar më 15 nëntor të vitit të kaluar, dhe zgjat deri më 15 mars të këtij viti.

Continue Reading

Lajme nga vendi

BDI: Sot shënojmë katërvjetorin e nënshkrimit të Ligjit për Përdorimin e Gjuhëve

Published

on

BDI në një kumtesë për media ka kujtuar katërvjetorin nënshkrimit të Ligjit për përdorimin e gjuhëve, duke theksuar se do ta mbrojnë me çdo mjet demokratik Ligjin për përdorimin e gjuhëve dhe nuk do të lejojnë kthim pas.

“Sot shënojmë katërvjetorin e nënshkrimit të Ligjit për përdorimin e gjuhëve – momenti kur pjesa legjislative e Marrëveshjes së Ohrit u përmbyll, duke i dhënë gjuhës shqipe vendin e merituar në shtetin tonë multietnik. Ky ligj nuk ishte thjesht një rregullim juridik, por një akt historik që vulosi barazinë dhe stabilitetin institucional të vendit. Por, katër vjet më vonë, shpirtrat anti-Ohër janë zgjuar sërish për të goditur aty ku zinxhiri është më i brishtë, aty ku mund të shkaktojnë më shumë përçarje – në çështjen e gjuhës, simbolin më të madh të barazisë dhe harmonisë ndëretnike”.

“Përpjekjet për të vënë në pikëpyetje kushtetutshmërinë e këtij ligji nuk janë asgjë tjetër veçse një sulm ndaj vetë themeleve të bashkëjetesës dhe orientimit euro-atlantik të vendit. BDI e konsideron këtë ndërhyrje të dirigjuar politikisht një akt regresiv, që nuk synon as drejtësi dhe as rregull institucional, por krijimin e tensioneve dhe hapjen e plagëve të së kaluarës”.

“Çdo tentativë për të kontestuar ligjin e gjuhës është një tentativë për të kontestuar Marrëveshjen e Ohrit dhe vetë rendin kushtetues të Maqedonisë së Veriut. Ne u bëjmë thirrje të gjitha institucioneve shtetërore dhe faktorëve ndërkombëtarë që të mos lejojnë që vendi të rrëshqasë në rrugën e revizionizmit, që mund të çojë drejt një krize të thellë politike dhe institucionale me pasoja të paparashikueshme. BDI do të mbrojë me çdo mjet demokratik Ligjin për Përdorimin e Gjuhëve dhe nuk do të lejojë kthim pas”, thonë nga BDI.

Continue Reading

Lajme nga vendi

Gjykata Kushtetuese e RMV-së do të diskutojë javën e ardhme për Ligjin e gjuhëve, hedh poshtë dirigjimin politik

Published

on

Gjyqtarët nga Komisioni i Venecias, profesorë dhe ekspertë vendas, të enjten e ardhshme do të japin mendimin e tyre për çështjet e kontestuara juridike të Ligjit për përdorimin e gjuhëve. Seanca përgatitore do të mbahet më 20 mars në Gjykatën Kushtetuese. Gjyqtari holandez, Martin Kujer, i cili është edhe nënkryetar i Komisionit të Venecias, do të shpjegojë këshillën miqësore që gjykata kërkoi prej tyre dhe që duhet të miratohet nga komisioni, transmeton Portalb.mk.

Gjyqtari nga gjykata për të drejtat e njeriut, Arthur Kuch, nga ana tjetër, do të shpjegojë praktikën e kësaj gjykate në raste të ngjashme. Nga ekspertët vendorë, interpretimin e tyre do ta japin ish-gjyqtarja në këtë gjykatë, Margarita Caca Nikollovska, anëtarja e Komisionit të Venecias, Renata Deskoska, profesorët Borçe Davitkovski, Jeton Shasivari, Gordana Lazetiq, Mersel Bilalli, Denis Preshova, Mersim Maksuti, Merit Nuxhia, Nuret Bajramit dhe gjyqtarët Zhaklina Doveden dhe Ivan Xholev.

Të pranishëm do të jenë edhe iniciatorët e nismës, ndërsa Tanja Karakamisheva do të jetë e pranishme online. Në seancë do të diskutohet vetëm për të drejtën materiale, pasi tashmë është mbajtur seanca për pjesën formale. Kryetari i Gjykatës Kushtetuese nuk i bëri të ditur gjashtë çështjet e kontestuara, por thotë se do të interpretohet amendamenti 5 i Kushtetutës. Për të është e rëndësishme të dëgjohen të gjitha mendimet dhe gjykata të marrë një vendim korrekt dhe të bazuar në kushtetutë.

BDI-ja ka dërguar një deklaratë në të cilën ritheksojnë se debati për Ligjin për Gjuhët do të çojë në krizë politike dhe institucionale.

“Përpjekjet për të vënë në pikëpyetje kushtetutshmërinë e këtij ligji nuk janë asgjë tjetër veçse një sulm ndaj vetë themeleve të bashkëjetesës dhe orientimit euro-atlantik të vendit. BDI e konsideron këtë ndërhyrje të dirigjuar politikisht një akt regresiv, që nuk synon as drejtësi dhe as rregull institucional, por krijimin e tensioneve dhe hapjen e plagëve të së kaluarës”.

Advertisement

thonë nga BDI.

Kryetari i Gjykatës Kushtetuese pyeti se sa kohë duhet të mbahen në sirtar këto nisma edhe pse ekziston gjykata në atë rast? Ai pohon se gjyqtarët do të diskutojnë për këtë çështje dhe pret që kjo të ndodhë më së voni deri në maj ose qershor. Pas seancës përgatitore, gjyqtari raportues duhet të përgatisë një raport të ri me mendimet nga të dyja seancat dhe të caktojë seancën.

Lënda e Ligjit për Gjuhët u formua nga 13 nisma nga qytetarë, parti dhe shoqata të ndryshme në vitin 2019, por u aktivizua këtë vjeshtë, pas vërejtjeve të Komisionit të Venecias.

Ligji për Zbatimin e Gjuhëve, në procedurë kuvendore ka hyrë më 5 shtator të vitit 2017-të, ndërkaq në fuqi ka hyrë në janar të vitit 2019-të.

Shtatë vjet pas miratimit të Ligjit të gjuhëve në atmosferë të tensionuar në Kuvendin e Maqedonisë së Veriut, me protesta dhe tentativa të panumërta të ish-presidentit Gjorgе Ivanov për ta bllokuar atë, në Gjykatën Kushtetuese më 11 dhjetori do të vendoset shfuqizimi i plotë ose i pjesshëm i këtij ligji.

Advertisement
Continue Reading

Më të lexuarat