Lajme nga vendi
Kompania “Saubermacher” Tetovë: Paguani, ose do t’i aktivizojmë përmbaruesit!
Kompania “Saubermacher” në Tetovë ka bërë të ditur se janë iniciuar procedurat për arkëtimin e detyrueshëm të borxheve të papaguara apo faturat e shërbimeve komunale për periudhën shkurt-gusht 2024. Sipas kësaj kompanie, qytetarët janë paralajmëruar për veprime të tilla dhe ata që nuk i janë përgjigjur thirrjes do të përballen me kosto shtesë sipas procedurave të mbledhjes së detyruar.
“Për të shmangur shpenzimet shtesë dhe shqetësimet në procedurat e arkëtimit së detyruar dhe përmbarimit, apelojmë tek të gjithë përdoruesit që kanë borxh të papaguar për faturat e lëshuara gjatë vitit 2024 që ta paguajnë sa më shpejtë. Duke paguar rregullisht, ne mund të sigurojmë kushte më të mira jetese në qytetin tonë dhe të shmangim situatat e pakëndshme dhe të panevojshme që mund të lindin gjatë procedurave përmbarimore. Bashkëpunimi juaj është i një rëndësie të madhe dhe me përgjigjen tuaj në kohë, ne do të kontribuojmë në funksionimin më të mirë të komunitetit tonë”, thonë nga kompania “Saubermacher”.
Ndërkohë, kjo kompani ka apeluar qytetarët ndërsa kërkohet që të njëtit të mos i hedhin mbeturinat pranë kontejnerëve. Kjo, pasi që në këtë periudhë, sfidat për grumbullimin e mbeturinave janë të shumta, ku reshjet e borës shkaktojnë vështirësi gjatë grumbullimit të mbeturinave për punëtorët e kësaj kompanie. Nga kjo kompani më tej sqarojnë se hedhja e mbeturinave jashtë kontejnerëve shkakton edhe pengesa në lëvizjen e njerëzve dhe mjeteve, sidomos kur ka mbulesë bore, probleme me pastërtinë e hapësirave publike si dhe rritjen e rrezikut të përhapjes së sëmundjeve.
“Periudha e dimrit ka sfida të veçanta për punëtorët dhe automjetet tona për shkak të borës dhe ngricave në rrugë. Ju lusim të mos i lini mbeturinat jashtë kontejnerëve. Duhet të keni konsideratë kushtet atmosferike, kur mbetjet shpërndahen rreth kontejnerëve, përveç që vështirëson punën e punëtorëve tanë dhe ndikon në efikasitetin në terren, sigurisht që ka një ndikim negativ edhe në mjedisin jetësor. Me bashkëpunimin tuaj, ne mund ta mbajmë mjedisin tonë të pastër dhe të sigurt për të gjithë. Ju lutemi hidhni mbeturinat ekskluzivisht në kontejnerë”,apelojnë nga kompania “Saubermacher”.
Nga kjo kompani, u bëjnë thirrje qytetarëve të cilët ende përballen me të dhëna joadekuate në faturat e lëshuara ose në rast se duan të bëjnë pagesë të kontaktojnë “Saubermacher” në Tetovë, në zyrën e re në rrugën “Dervish Cara” në Tetovë, pastaj në Pallçisht të poshtëm, në sportelin e përkohshëm në objektin e komunës së Tetovës, si dhe një pikë pagesore në objektin e Ndërmarrjes Komunale “Tetova” afër tregut të gjelbër.TV KOHA
Ministri i Politikës Sociale Fatmir Limani paralajmëroi ndërtimin e 25 çerdheve të reja gjatë këtij viti. Por, ai nuk zbuloi se ku do të hapen këto çerdhe dhe as sa fonde janë planifikuar për këtë qëllim. Sipas Limanit komunat që kanë nevojë për çerdhe kanë pasur mundësi të aplikojnë me projekt.
“Konkursi ka qenë i hapur për aplikim deri para një jave dhe është mbyllur. Gjitha komunat që kanë pasur nevojë kanë aplikuar dhe tani neve hapim oferta të shohim se kush prej komunave me çfarë projekti ka aplikuar”, tha Fatmir Limani, Ministër për punë Sociale Rini dhe Demografi.
Sa është shuma e mjeteve të ndara nga Ministria juaj për ndërtim të këtyre 25 çerdheve?
“Ne kemi mjete të dedikuara edhe nga Banka Botërore edhe mjete vetanake të ministrisë, pra afërsisht një çerdhe kushton deri në një milion euro, që në total sa i bie për 25 çerdhe. Unë mendoj se secila komunë që ka interesim për projekt çerdhesh i ka dyert e hapura tek ministria”, u përgjigj Limani.
Doni të thoni se mbi 16 milionë euro buxhet ka ndarë Ministria për ndërtimin e 25 çerdheve?
“Këto do të thotë do të hapen dhe nuk do përmbyllen në vitin 2025. E rëndësishme është me pas planifikim buxhetor për fillim të projektit, pastaj vitin e ardhshëm nëse mungojnë mjete me rebalanc i plotësojmë”, tha Limani.
Limani këto komente i bëri gjatë hapjes së çerdhes së re sot në Tetovë ku bashkë me ambasadorin e BE-së, promovuan këtë projekt i cili nga kostoja e përgjithshme prej 800.000 eurove, 700.000 janë dhënë nga Banka Botërore dhe vetëm njëqind mijë euro para nga buxheti.
Ministri Limani tha se tashmë është zgjidhur statusi i punonjësve në çerdhe dhe se nuk ka asnjë të punësuar me kontratë. Por ndryshe nga pretendimet e ministrit, sipas Drejtoreshës së çerdheve në Tetovë, 6 persona janë me kontrata. /Alsat.mk
Zëvëndëskryeministri, Arben Fetai, është takuar me delegacionin e Departamentit për Krimin e Organizuar Transnacional dhe Korrupsionin të OSBE-së. Nga ku ka theksuar se ka ofruar mbështetje të plotë në këtë projekt.
“Takim i frytshëm me delegacionin e Departamentit për Krimin e Organizuar Transnacional dhe Korrupsionin të OSBE-së, i kryesuar nga Mersima Abdic, zyrtare e projektit “Fuqizimi i Përpjekjeve për Rikthimin e Pasurive”. Shpreha mirënjohjen time për mbështetjen e vazhdueshme të OSBE-së në fushën e hetimeve financiare dhe konfiskimit të pasurive, si pjesë e këtij projekti. Gjatë takimit, u dakorduam për të thelluar më tej bashkëpunimin në kuadër të zbatimit të strategjisë së re të Qeverisë në këtë fushë”, ka shkruar zëvëndëskryeministri, Arben Fetai.
Ai ka shtuat tutje se i ka ofruar mbështetje të plotë me dakordësi institucionëve përgjegjëse për menaxhimin e pasurive të paligjshme.
“Theks të veçantë i dhamë mbështetjes për institucionet përgejgjëse për konfiskimin dhe menaxhimin e pasurive të paligjshme, si dhe nxitjes së ripërdorimit social të mjeteve të gjeneruara nga shitja e aseteve të konfiskuara”, ka përfunduar zëvëndëskryeministri Fetai.
Lajme nga vendi
Inspektorati Shëndetësor kërkon procedurë disiplinore pas vdekjes së binjakëve të sapolindur dhe mbikëqyrje profesionale në spitalin e Prilepit
Inspektorati Shtetëror Sanitar dhe Shëndetësor do të japë vendim me urdhër për zbatimin e procedurës për konfirmimin e përgjegjësisë disiplinore tek punonjësit shëndetësor të cilët kanë marrë pjesë në shërimin dhe trajtimin e binjakëve të sapolindur të cilët vdiqën më 16 janar, qëndron në deklaratën e Inspektoratit, i cili të hënën kreu kontroll të jashtëzakonshëm inspektues në spitalin e Prilepit, konkretisht në Repartin e Gjinekologjisë dhe Obstetrikës në rastin me binjakët e vdekur.
“Inspektori do të lëshojë edhe urdhër për raportim të detyrueshëm të Qendrës kompetente për punë sociale në rastin kur interesat e pacientit përkatësisht prindi/tutori i tij janë kundërshtuar, ndërsa për të cilën nga ana e ISHSSH-së do të zbatohet edhe procedurë adekuate kundërvajtëse. Njëkohësisht ISHSSH në bazë të Ligjit për inspektim sanitar dhe shëndetësor, te ministri i Shëndetësisë do të inicojë procedurë për mbikëqyrje profesionale mbi punën profesionale të institucionit shëndetësor sipas Ligjit për mbrojtje shëndetësore”, qëndron në raportin e Inspektoratit Shtetëror Sanitar dhe Shëndetësor.
Nga spitali i Prilepit informojnë se do të formohet komision i brendshëm që do ta hetojë rastin.
Limani: Për këtë vit planifikohet të ndërtohen 25 çerdhe të reja
Fetai: takim i frytshëm, përpjekje për kthimin e pasurive të paligjshme
Kompania “Saubermacher” Tetovë: Paguani, ose do t’i aktivizojmë përmbaruesit!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve