Ministri i Punëve të Brendshme, Pançe Toshkovski thotë se shpreson që gjatë vitit 2025 të bëhen ndryshimet e nevojshme ligjore për vendosje të kamerave në trafik, që do të regjistrojnë shkeljet në komunikacion. Toshkovski tha se pret që gjatë këtij viti të fillojë zbatimi i këtij projekti, gjegjësisht vendosja e kamerave, kabllove optike, marrja e lejeve dhe përgatitja e gjyqeve dhe Drejtorisë për të Ardhura Publike. “Unë premtova se gjatë vitit 2025 do të kemi një projekt të implementuar. Përveç që do të instalojmë kamerat, t’i lidhim me kabllot e nevojshme dhe të sigurojmë të gjitha lejet e nevojshme, do të duhet të ndryshojmë edhe legjislacionin, të përgatisim gjykatat dhe drejtorinw e tw ardhurave publike në zbatimin e procedurave, do të duhet një qasje institucionale më e gjerë, këtë e bëjmë për momentin. Është duke u përgatitur propozim zgjidhje e re ligjore”, ka thënë Toshkovski.Ai theksoi se ky projekt është shumë i rëndësishëm nga shumë aspekte, veçmas për zvogëlimin e rasteve të vdekshmërisë në aksidente trafiku, ndërsa përvoja në vendet e tjera ka treguar arsyeshmërinë e implementimit të këtij sistemi për një qytet të sigurt dhe një vend të sigurt. Ai shtoi se është një nga projektet më vendimtare të Ministrisë që duhet të implementohen në të ardhmen.“Në kuadër të qeverisë teknike, nëse do të kishte pasur hapësirë dhe kohë për t’iu përkushtuar maksimalisht mikromenaxhimit, mund të kishim përfunduar më herët me implementimin. Por, për fat të keq, gjatë qeverisë teknike, ne u përkushtuam për punë të tjera. Kjo u dëshmua si një rezultat i mirë, të themi nga aspekti i organizimit të zgjedhjeve në fushën e kompetencave të MPB-së. Më pas na lanë me një problem tjetër të madh me pasaportat të cilin ne duhej ta zgjidhnim”, ka thënë ai.Ai shtoi se kamerat e sigurisw pritet qw tw ulin edhe numrin e aksidenteve me pasoja tw rwnda. “Qytetarët që nuk e respektojnë ligjin. Qytetarët që vozisin nën ndikimin e alkoolit, qytetarët që rebelohen nëpër rrugë, në vend të 80 vozisin 200 kilometra nw orw, do të dënohen,. Nëse në Emiratet e Bashkuara Arabe kanë arritur për 4 vjet në mënyrë drastike ta ulin numrin e vdekjeve nga 250 në 140 me zbatimin e këtij projekti të mençur të qytetit të sigurt dhe shtetit të sigurt, më besoni që numri i vdekjeve nga aksidentet në trafik, që sillet rreth 140-130, pritet të ulet”, tha mes tjerash Toshkovski, duke shtuar se pret që projekti të zbatohet në të gjithë territorin e shtetit. TV KOHA

Me gjysmë ore vonesë, Kuvendi filloi seancën për interpelancat kundër katër zyrtarëve të qeverisë dhe për deputeten Ilire Dauti. Por seanca nuk zgjati shumë. Deputeti Borisllav Kërmov i Të Majtës, kërkoi 1 orë pauzë.Për një orë e gjysmë, deputetët vetëm bridhnin korridoreve të Kuvendit dhe përsëri me më shumë se gjysmë ore vonesë, seanca vazhdoi. Nga ministrat ndaj të cilëve është ngritur interpelancë, prezent ishte vetëm Ivan Stoillkoviq.Pika e parë e rendit të ditës ishte interpelanca ndaj Ilire Dautit si kryetare e komisionit për Politikë Sociale, Demografi dhe të Rinj, me kërkesë të “Së Majtës”. Grupi parlamentar i LSDM-së, njoftoi se nuk do t’i mbështesë interpelancat dhe braktisën seancën.“Më duhet të them se nuk do ta mbështesim as interpelancën për Ilire Dautin sepse konsiderojmë se faji nuk qëndron te ajo sa i përket mos caktimit të seancës. Këtu fajin e ka vetëm një person, ai është kryetari i Kuvendit Afrim Gashi i cili ka standarde të dyfishta për sjellje të vendimeve të tilla. Dhe për këtë njoftoj se nuk do të marrim pjesë në debat dhe nuk do të votojmë “PRO” dhe thërras kolegët të braktisim seancën”, tha Oliver Spasovski – LSDM.Interpelancën ndaj Dautit, nuk e mbështetë as koalicioni VLEN, ndersa E Majta arsyetoi interpelancën. Thotë se Ilire Dauti ka shkelur disa nene të Kushtetutës dhe rregullores së Kuvendit.Deputetja Dauti, tha se faji i saj i vetëm është se ka qëlluar shqiptare dhe lufton për të drejtat e veta. U bëri thirrje deputetëve që të mos votojnë interpelancën kundër saj.“Me shkarkimin tim sido që të jetë epilogu nuk zgjidhet çështja dhe kjo problematikë. Prandaj kërkesa ime është të ulemi të gjithë bashkë të ripërpunojmë ligjin duke përfshirë palët nën të njëjtat kushte. Edhe forcat e sigurisë edhe ish ushtarët e UÇK-së nën përkujdesjen financiare nga shteti sepse fundja këtë të gjithë e kemi pranuar me përfundimin e konfliktit të armatosur apo luftës në vitin 2001, kur nënshkruam marrëveshje të përbashkët”, u shpreh Ilire Dauti – Kryetare e komisionit.Debati vazhdoi mbi punën e Dautit por nuk munguan edhe përplasjet mes deputetëve për të drejtat e shqiptarëve dhe UÇK-në.

Lideri i Lëvizjes Besa Bilall Kasami sot është pyetur për afatin gjashtë mujor të koalicionit VLEN për ndryshimet kushtetuese.Për Kasamin me rëndësi ka që Maqedonia e Veriut është e përcaktuar për anëtarësimin në BE, por ai pret që çështja e ndryshimeve kushtetuese të jetë çështja e vetme për anëtarësim. Kasami thotë se ata janë duke punuar me BE-në edhe SHBA-në për një kontekst të ri.BILALL KASAMI – KRYETAR I LËVIZJES BESA “ Afatet që janë dhënë janë dhënë me një kontekst të caktuar por ajo që është me rëndësi është se ndryshimet kushtetuese do të behën në drejtim të procesit dhe procesi ka të bëj me anëtarësimin e Maqedonisë në Bashkimin evropian. Por derisa nuk zgjidhet procesi I tërësishëm I euro integrimeve vetë procesi I ndryshimeve kushtetuese nuk është qëllim ne vetvete, prandaj po punojmë vazhdimisht me partnerët tonë SHBA-në dhe BE-në që të kemi një kontekst të ri edhe aj kontekst nënkupton që edhe Sofja është partner I jonë edhe këtë mund ta zgjedhim në një bashkëpunim mes Shkupit dhe Sofjes. Kjo do të thitë se gjitha propozimet vlejnë por ndryshimet kushtetuese bëhet që Maqedonia e Veriut të vazhdoj integrimin në Bashkimin e Evropian , por derisa nuk e shohim si tërësi anëtarësimin në BR- dhe një element ka të bëj me ndryshimet kushtetuese mendoj se nuk do ta zgjidhim problemin. ”Një ndër akuzat kryesore të opozitës shqiptare është se koalicioni VLEN ka premtuar se nëse brenda gjashtë muajve nuk miratohen ndryshimet kushtetuese do të braktisin qeverinë, por më pas koalicioni VLEN është arsyetuar se ndryshimet kushtetuese do të miratohen kur do të ketë garanca nga Bullgaria dhe Bashkimi Evropian se nuk do të ketë kushte tjera në rrugën e integrimit. Ky qëndrim është edhe i kryeministrit Mickoski.TV KOHA