Përfaqësues të Këshillit Koordinues të Diasporës, këtyre ditëve po qëndrojnë në Tetovë.Fillimisht ata janë takuar me kryetarin e komunës së Tetovës Bilall Kasami. Pas takimit, Kasami tha se bashkë me përfaqësuesit e këshillit koordinues është diskutuar për projekte konkrete, për mundësitë e investimeve dhe për të ndërtuar një Tetovë më të mirë, ku siç tha Kasami aty ku çdo kontribut vlen dhe çdo ide bëhet realitet.“Përfaqësuesve të këshillit koordinues ua prezantova Tetovën si një vend ku ata dhe gjithë afaristët mund të investojnë. Diaspora jonë nuk është thjesht një mbështetje nga larg, por partner strategjik për zhvillimin ekonomik, kulturor dhe shoqëror të qytetit tonë. Shumë prej investimeve që kanë marrë formë sot janë falë mbështetjes dhe dashurisë së tyre për vendlindjen. Bashkëpunimi jonë nuk do të ndalet këtu. Jemi të vendosur që përmes një komunikimi të hapur, projekteve të përbashkëta dhe transparencës, ta bëjmë Tetovën një qytet të zhvilluar, modern dhe të denjë për të gjithë”, tha Kasami.Në ndërkohë, pjesë e këtij këshilli është edhe pronari i kompanisë Ecolog Lazim Destani.Ai tha se qëllimi i qëndrimit të tyre në Tetovë është shënimi i përvjetorit të 30 të Universitetit të Tetovës, por që kanë takuar kryetarin e komunës për të folur edhe për projekte për zhvillimin e Tetovës.“Është kënaqësi që sot Tetova të ketë një numër të madh të këshillit koordinbes të diasporës, një diasporë që përfshinë shumë vende duke filluar prej Australisë e më tej.Ne jemi sot në Tetovë për nder të 30 vjetorit të Universitetit të Tetovës, dhe e pranuam me kënaqësi ftesë, por ishte e pamundur që të mos e vizitojmë komunën e Tetovës, sepse në të ardhmen si dsiasporë do të kemi një bashkëpunim shumë të ngushtë duke përfshirë edhe rrjetet e biznesit, me qëllim që një ditë Tetovën ta shohim duke lulëzuar si një qytet evropian”, tha Destani.Mark Gjonaj, poashtu Përfaqësues i Këshillit Koordinues të Diasporës theksoi se rëndësia e këtij takimi është që në të ardhmen, shqiptarët që ndodhen në diasporë, jo vetëm të vizitojnë Tetovën por edhe të investojnë.“I ftoj të gjithë shqiptaët që jo vetëm ta vizitojnë Tetovën, e ta shohin se sa ka përparuar, se është një vend i shenjtë për kombin tonë, por duhet që të shohin edhe me investuar në Tetovë, Pra, ata duhet që të përkrahin iniciativat që i ka kryetari dhe të vazhdojë të përparojë kombi ynë kudo që jemi”, tha Gjonaj. Në ndërkohë, përfaqësues të Këshillit Koordinues të Diasporës, kanë marrë pjesë në akademinë e shënimin e 30 vjetorit të Universitetit të Tetovës. TV KOHA

Në tetë komunat më të mëdha të vendit urbanizmi është sektori më i prekur nga korrupsioni. Sabina Fakiq nga Qendra për komunikim qytetar tha se rezultatet e një hulumtimi trevjeçar të kryer në këto komuna rezulton se rreziku nga korrupsioni ka të bëj me dhënien e lejeve për ndërtim, shitjen e parcelave ndërtimore e deri te shfrytëzimi i objekteve sportive.

“Shumica e komunave kanë Planin e Përgjithshëm Urbanistik më të vjetër se 20 vjet, edhe pse dokumentet e planifikimit duhet të zgjasin deri në 10 vjet. Planet e detajuara urbane në pjesën më të madhe, d.m.th., edhe dy të tretat e të gjitha komunave ndryshohen me kërkesë të personave fizikë dhe juridikë, që do të thotë se komunat nuk planifikojnë fare planifikim urban, por është pasojë e interesave të kompanive të ndërtimit dhe individëve”, deklaroi Sabina Fakiq, Qendra për komunikim qytetar.

Ajo theksoi se në bazë të rreziqeve të konstatuara të korrupsionit në të gjitha këto komuna, Qendra ka përgatitur një propozim për masat që duhet të ndërmarrin komunat në periudhën e ardhshme për uljen e korrupsionit.

“Reduktimi i korrupsionit është vërtet një sfidë në kushtet kur jemi dëshmitarë se me dekada mungon sanksionimi i korrupsionit. Në kushtet kur korrupsioni rezulton një biznes “profitabël”, nuk mund të presësh nga pala tjetër që të mund të ndikosh në çdo masë siç janë propozimet tona në drejtim të prezantimit të politikave të reja dhe forcimit të kapaciteteve të stafit për të vepruar me integritet dhe të mos lejojnë që t’i nënshtrohen ryshfetit dhe të kenë konflikt interesi”, tha Sabina Fakiq, Qendra për komunikim qytetar.

Manastiri, Kërçova, Kumanova, Negotina, Strumica, Tetova, Çairi dhe Shtipi janë komunat të cilat u përfshinë në hulumtimin Mbrojtja nga korrupsioni, perspektiva dhe zgjidhje në nivel lokal i cili u realizua me ndihmën e Mbretërisë së Holandës. /Alsat.mk

Advertisement

Zëvendësministrja e Mjedisit Jetësor dhe Planifikimit Hapësinor Ane Lashkoska, mori pjesë në takimin final të Bordit Menaxhues të projektit shumëvjeçar “Përmirësimi i rezistencës ndaj përmbytjeve në rajonin e Pollogut”, i cili shqyrtoi aktivitetet e realizuara gjatë vitit të kaluar dhe shënoi përfundimin e Projektit.

Zëvendësministrja theksoi se zbatimi i suksesshëm i Projektit, aktivitetet e të cilit janë zbatuar që nga viti 2017, tashmë ka nxitur ndryshime në menaxhimin e rrezikut nga përmbytjet në nivel rajonal, pra në nivelin e pellgut lumor. Ai gjithashtu përshpejtoi procesin e transformimit nga një reagim i thjesht reaktiv ndaj përmbytjeve në një menaxhim integral dhe sistematik të rreziqeve, cenueshmërisë dhe ekspozimit të komuniteteve.

Rajoni i Pollogut ka një histori të fatkeqësive të forta natyrore, të cilat në vitin 2015 dhe 2016 rezultuan me dëme të mëdha materiale që vlerësohen në rreth 20 milionë euro dhe humbje të disa jetëve në fshatin Shipkovicë. Rrjedhimisht, ndër të tjera, në kuadër të Projektit kemi ndërhyrë duke zbatuar masa për mbrojtjen strukturore dhe bioinzhinjerike nga përmbytjet në fshatin Shipkovicë.

Gjithashtu, u hartuandisa studime dhe plane për menaxhimin e rrezikut nga përmbytjet, si Studimi në lidhje me opsionet alternative për menaxhimin e sedimenteve në Basenin e Vardarit të Sipërm dhe Plani i Menaxhimit të Rrezikut nga Përmbytjet në Basenin e Vardarit të Epërm, ku janë vendosur prioritetet dhe investimet e masave zbutëse dhe elasticiteti ndaj rrezikut nga përmbytjet në nivel pellgu.

Trajnimet e mbajtura për ngritjen e vetëdijes së popullatës dhe institucioneve përkatëse, sipas Lashkoskës, janë me përfitim të madh, në mënyrë që ata të jenë të gatshëm dhe të aftë për t’u përballur me fatkeqësitë e reja të mundshme natyrore, veçanërisht me vërshimet dhe rrëshqitjet e dheut.

Advertisement

Ministria e Mjedisit Jetësor dhe Planifikimit Hapësinor ishte e përfshirë në mënyrë aktive gjatë gjithë realizimit, sepse projekti është i një rëndësie jetike për popullatën e këtij rajoni dhe për vendin në përgjithësi. Po ashtu kemi arritur të mbështesim financiarisht disa aktivitete siç janë aktivitetet në pellgun e Vardarit të Epërm-Jegunovcë dhe Vardarit të Epërm-Gostivar, si dhe kemi dhënë kontribut kombëtar në masat intervenuese në Shipkovicë- shtoi zëvendësministrja.

Në takim ishin të pranishëm edhe ambasadorja e Zvicrës, Veronik Ullmann dhe përfaqësuesi i përhershëm i UNDP-së, Armen Grigorijan.

Projekti financohet nga Qeveria e Zvicrës, dhe zbatohet nga Programi i Kombeve të Bashkuara për Zhvillim (UNDP) dhe Ministria e Mjedisit Jetësor dhe Planifikimit Hapësinor.