Ish-zëvendëskryeministri Artan Grubi bëri një gabim të madh që u largua nga vendi, pasi nëse do të kishte qëndruar, gjasat për paragurgimin e tij do të ishin të pakta. Kështu ka deklaruar mbrëmë në emisionin “Top Tema” në Tv Telma, ish-prokurorja Vilma Ruskoska, duke komentuar rastin e Lotarisë Shtetërore, si dhe vendimin e Gjykatës Penale të Shkupit për masën e paraburgimit prej 30 ditësh për Grubin dhe ish-drejtorin e Lotarisë Shtetërore, Përparim Bajramin, transmeton Portalb.mk.

Ajo theksoi se paraburgimi caktohet në tri baza: rreziku i ndikimit te dëshmitarët, rreziku i arratisjes dhe rreziku i përsëritjes së veprës penale.

“Po të ishte këtu, nuk do të kishte rrezik nga arratisja, nëse e gjithë familja e tij do të ishte këtu. Sa i përket përsëritjes së krimit, kjo është e pamundur sepse ai nuk është në detyrë, ndërsa ndikimi te dëshmitarët mund të parandalohet në mënyra të tjera”, tha ajo.

Për avokatin dhe ish-anëtarin e Komisionit Kundër Korrupsionit, Dragan Malinovski, vendimet e Qeverisë janë kolektive, dhe imuniteti funksional nuk është absolut, sidomos nëse ka dëshmi për veprime korruptive.

Prokuroria Themelore Publike Shkup (PTHP Shkup) mbrëmë ka lëshuar urdhër për Ministrinë e Punëve të Brendshme (MPB) për lëshimin e fletarrestit kombëtar dhe deklaratë për lëshimin e fletarrestit ndërkombëtar për ish-zëvendëskryeministrin Artan Grubi dhe ish-drejtorin e Lotaria Shtetërore, Përparim Bajrami.

Advertisement

Gjykata Penale paraprakisht u ka caktuar 30 ditë paraburgim.

Ata së bashku me gjashtë të tjerë dyshohen për shpërdorim detyre dhe marrje ryshfeti në rastin “Lotaria Shtetërore”.

Një aksion i ri policor është duke u zhvilluar nga Departamenti për Luftën kundër Krimit të Organizuar. Ministria për Punë të Brendshme njofton se janë kryer bastisje në disa lokacione dhe se një pjesë e bastisjeve aktualisht janë duke vazhduar. Më shumë informacione do të bëhen të ditura pas përfundimit të hetimeve. Ndërkohë që raportohet se në Haraçinë janë gjetur armë automatike, pushkë dhe pistoleta.

Departamenti për kontroll dhe hetime pranë Drejtorisë doganore ka kryer aksion të madh në Manastir dhe Resnjë në të cilin janë konfiskuar 780 kilogramë duhan të prerë në vlerë të përgjithshme prej 3,4 milionë denarë

Siç njoftojnë nga Drejtoria doganore në aksion u kryen kontrolle në banesa dhe dhoma shërbimi, si dhe në tregjet e qytetit.

“Tre persona do të përgjigjen penalisht, ndërsa një person do të dënohet për kundërvajtje. Nga këto akte në procedurë para hetimore është konstatuar dëm i drejtpërdrejtë në Buxhetin në vlerë prej 2,8 milionë denarë. Përkatësisht, me datën 13.12.2024, pas lëshimit të urdhrit për bastisjen e shtëpisë dhe objekteve tjera ndihmëse nga Gjykata Themelore në Resnjë, inspektorët e Departamentit për Kontroll dhe Hetime kanë kryer bastisje të objekteve ndihmëse që përdoreshin si dyqan nga personi S.T nga Resnja. Gjatë kontrollit janë gjetur rreth 259 kilogramë duhan të prerë. Kontrolle janë kryer edhe në tregun e qytetit, gjatë të cilave personi R.N nga Resnja janë marrë 100 kilogramë duhan të prerë”.

“Të njëjtën ditë, pas lëshimit të urdhrit për bastisje të banesës dhe objekteve të tjera ndihmëse nga Gjykata Themelore në Manastir, bastisja e objekteve ndihmëse që përdoreshin si garazhe është kryer nga personi F.K, ku u gjetën rreth 283 kilogramë duhan i prerë. Po ashtu, gjatë kontrolleve në tregun e qytetit në Manastir, të njëjtit person i janë marrë edhe 88 kilogramë duhan të prerë, si dhe 49 kilogramë duhan të prerë nga personi T.N”, thonë nga Drejtoria doganore.