Kryesia e Aleancës për Shqiptarët të Arben Taravarit vendosi që kjo parti të garojë me lista të ndara të kandidatëve për këshilltarë komunash në zgjedhjet e ardhshme lokale. Sipas tyre, kjo nuk nënkupton shkëputje nga VLEN-i por se ata duan që kandidatët për kryetarë të komunave të zgjidhen përmes matjeve të rejtingut. Taravari nuk përjashtoi bashkëpunimin me BDI-në dhe as ribashkimin me Aleancën e Ziadin Selës duke thënë se shtëpia e tyre është e hapur dhe e madhe. Taravari tha se kjo nuk është arsye as për dalje nga qeveria.“Listat do të jenë lista të Aleancës për Shqiptarët kurse kandidatët për kryetarë komunash, ne jemi munduar që ta imponojmë sondazhin dhe anketën, t’i përzgjedhim më të mirët të mundshëm me qëllim që të fitojë VLEN-i. Në qoftë se shkojmë katër liderët, katër kryetarët ose grupe të punës vendosin se kush çfarë merr dhe në cilën komunë, unë mendoj se kjo është humbje për komplet VLEN-in dhe për ne është e papranueshme. Për kryetar komunash jemi të hapur për bashkëpunim. Ne jemi pjesë e VLEN-it, do të shohim a mundemi të gjejmë zgjidhje aty. Në qoftë se jo, në bazë të lëvizjeve që ndodhin, ngjarjeve, dinamikave, zhvillimeve, ashtu edhe do t’i sjellim vendimet,” deklaroi Arben Taravari, Aleanca për ShqiptarëtKreu i ASH-së, Arben Taravari thotë se për pjesëmarrjen në Qeveria vendos kryeministri, por shtoi se me kryeministrinë në parim kanë raporte të shkëlqyera.“Aty vendos kryeministri. Ai që e formon qeverinë është kryeministri, nëse vendos nuk kemi asnjë problem, por në parim me kryeministrin tash për tash kemi raporte të shkëlqyera”, tha kryetari i ASH-së, Arben Taravari. Sipas tij, nga muaji maj, Aleanca për Shqiptarët do të hapë shtabet e saj zgjedhore dhe do të komunikojë me qytetarët.

Rastet kur pacientët sulmojnë mjekët dhe rrahjet ndërmjet mjekëve janë bërë përditshmëri nëpër spitalet tona. Të shumta janë rastet e këtilla që denoncohen në polici, si pasojë e pakënaqësive të mëdha lidhur me shërbimet mjekësore. Nga Shoqata e Mjekëve Shqiptarë në Maqedoninë e Veriut thonë se konfliktet dhe pakënaqësitë ndodhin si pasojë e sistemit të stërngarkuar në platformën “Termini Im”, numrit të lartë të pacientëve dhe personelit të pamjaftueshëm mjekesorë. Sipas kryetarit të kësaj shoqate Nevzat Elezi, mjekët në një orarë pune mund të kryejnë numër të caktuar të kontrolleve të pacientëve që kanë marrë udhëzime nga mjekët amë, ndërsa shkaku i numrit të madh të lëshimit të udhëzimeve me prioritet, e stërngarkon punën e mjekëve specialistë, prandaj edhe krijohen pakënaqësi. Në njërën anë mjeku nuk mund të arrijë që të kontrollojë të gjithë pacientët, në anën tjetër pacientët janë të pakënaqur se nuk mund të hyjnë të kontrollohen, dhe kjo krijon nervozizëm tek të dy palët që më pas edhe eskalon në dhunë. “Mjekët amë kanë për detyrë të udhëzojnë pacientët për në shëndetësinë sekondare respektivisht në spitalet klinike. Mirëpo, mjekët të cilët funksionojnë brenda spitalit, kanë termine të caktuara dhe ata deri në ora 14 i kanë terminet të stërmbushura dhe për pacientët tjerë nxjerrë termine rezerve pas dy ose tre muajve. Kur shkojnë pastaj te mjeku amë i cili u thotë se duhet pas dy ose tre muajve të bëjë kontrolle, ai si zgjidhje e merr marrjen e një udhëzimi me urgjencë sepse ka biseduar me mjekun në spital dhe këtu krijohen rradhët e pritjes për kontrolle tek specialistët.Mjekët amë edhe pse kanë penalizime nëse lëshojnë shumë udhëzime, megjithatë ata nuk mund të refuzojnë insistimin e pacientit kurse mjeku nuk mund të merr më shumë pacientë, dhe pritja pas derës e krijon këtë pakënaqësi dhe kaosi që më pas eskalon në dhunë”, thotë Nevzat Elezi, kryetar i Shoqatës së Mjekëve Shqiptarë në Maqedoninë e VeriutPor, Elezi ka edhe një mesazh për mjekët. Sidomos në repartet e fëmijëve por edhe në repartet tjera, sepse shpesh herë ndodhë që mjekët të kenë sjellje arogante me pacientët dhe kjo më pas eskalon në dhunë.“Sjellja duhet të jetë e ndërsjellë gjithsesi, por mjekët duhet t`I përmbahen betimit të hipokratit dhe për një pacient të shqetësuar por edhe për një prind të shqetësuar sjellja duhet të jetë e mirë.Nuk I ka fajet sistemi se ndonjë pacient ka ose nuk ka udhëzim a do të paguajë apo nuk do të paguajë.Prandaj, nëse ka mundësi që të kryhet një shërbim kërkoj nga kolegët që të kryhet ai shërbim, me qëllim që pacienti i shqetësuar të shërbehet kurse punët administrative më pas mund të kryhen përmes organeve tjera” tha Elezi.Poashtu, nga ana tjetër nga Shoqata e Mjekëve Shqiptarë në Maqedoninë e Veriut si faktorë të dhunës në spitale përmenden edhe streset e përditshme, rritja e çmimit, pacient që e kanë gjendjen e rëndë ekonomike, dhënia e udhëzimeve me urgjencë e përbëjnë mozaikun e sjelljeve të pahijshme nëpër spitale, si nga ana e personelit mjekësor poashtu edhe nga ana e pacientëve. Ndërkohë, ai thotë se me hapjen e urgjencës në kuadër të Spitalit Klinik në Tetovë janë reduktuar dukshëm endjet e pacientëve prej një reparti në repart tjetër.

Edhe pse komuna e Tetovës premton se këtë verë do të përfundojë asfaltimi i pjesës së dytë të bulevardit “Bllagoja Toska”, banorët shprehen skeptik se kjo do të ndodh. Thonë se premtime të tilla dëgjojnë më shumë se një dekadë, ndërsa punime ende nuk ka.“S`ma merr mendja se do behet, goxha moti rri kështu. E sollën deri aty dhe e lanë. Nuk besoj nuk ma merr mendja”, tha një banor.“Se di veç t`iu rrej, ndoshta do bëhet por të paktën dhjetë vjet rri kështu. Deri në gjysmë u bë dhe e lanë kështu. Të jeni të sigurt se s’bëhet kjo, vështirë është s’bëhet kjo”, u shpreh një tjetër banor.Kjo mund të bëhet nëse rregullohet me këto shtëpi, sepse ka edhe vetura që bllokojnë, por nëse rregullohet me ato dy ose tre shtëpi mendoj se mund të hapet.Kjo varet nga komuna se si do ta rregullojë me pronarëtPengesa kryesore për përfundimin e bulevardit “Bllagoja Toska” ishin dy-tre banorë që kanë objektet afër rrugës dhe të cilat duhet të prishen. Komuna e Tetovës thotë se ka marrëveshje që të bëhet hapja e bulevardit dhe asfaltimi do të nis javën e ardhshme.“Momentalisht me palët jemi marrë vesh që të bëhet hapja e bulevardit dhe besoj që nga java e ardhshme inspektorati komunal do mënjanojë disa objekte që janë pengesë për hapjen e bulevardit. Këtë javë iu drejtuam banorëve që të largojnë çfarë të munden ndërsa javën e ardhshme do intervenojë edhe inspektorati. Vetëm kemi arritur dakordim ndërsa kompensimi ‘nanciar ende nuk është bërë por besoj që deri në korrik do realizohet tërësisht hapja e bulevardit”, deklaroi Albion Alili, zëdhënës i komunës së Tetovës.Ndërtimi, përkatësisht hapja e bulevardit “Bllagoja Toska” ka nisur prej më shumë se dhjetë vitesh, por asnjëherë nuk u arrit depërtimi i tij në pjesën e lagjes Drenoc. Komuna e Tetovës, vitin që shkoi realizoi dy të tretën e projektit, ndërsa pjesa e fundit, sipas komunës, pritet të përfundojë brenda dy muajsh.