Lajme nga vendi
Maqedoni, prodhuesit kërkojnë çmime më të larta
Javën e ardhshme pritet të fillojë grumbullimi i duhanit. Fermerët presin çmime më të larta të shitblerjes seç ishin vitin e kaluar prej një çmimi mesatare prej 365 denarë. Kultivuesit e duhanit në fakt së bashku me 100 denarë të subvencionit për klasin e parë në fund fituan 465 denarë për kilogram duhan të dorëzuar. Përskaj kësaj, fituan edhe 6000 denarë për hektar, si dhe naftë të gjelbërt. Kultivuesit e duhanit sivjet kërkojnë çmim prej 600 denarë të grumbullimit, mirëpo nëse ato do të marrin rritjen e kërkuar, do të dihet në periudhën në vijim. Pra, me fillimin e blerjes, tani shtrohet pyetja nëse do të ketë rritje të çmimeve të blerjes dhe nëse do të ketë anekse të kontratave që përmbajnë çmimet e përcaktuara vitin e kaluar.
Disa nga përfaqësuesit e kultivuesve të duhanit besojnë se këto çmime të blerjes janë të ulëta dhe nuk mbulojnë kostot dhe shtrenjtimin e jetesës. Ata duan të ulen në një tryezë të përbashkët para blerjes dhe të merren vesh për çmimin real të blerjes, i cili sipas tyre, duhet të jetë 10 euro për një kilogram duhan. Nga Ministria e Bujqësisë ndërkohë thonë se çmimet diktohen nga kontratat që janë nënshkruar paraprakisht. Blerësit këtë vit kanë lidhur 16.800 kontrata për blerjen e 26 milionë kilogramëve, por sipas vlerësimeve të prodhuesve, do të ketë vetëm rreth 17 milionë kilogramë duhan. Pra, 10 blerës do të blejnë në 298 pika në të gjithë Maqedoninë.
“Në pjesën e çmimeve që janë sipas klasave, e dini se janë të përcaktuara me lidhjen e kontratave, klasa e parë është 375 denarë, e dyta 300, e treta 240, kurse shtesë 115 denarë. Ajo që mund të premtojë si ministër është se së bashku me Inspektoratin Bujqësor, si institucion kompetent në fushën e kontrollit dhe ndjekjes së blerjes së duhanit, do të jemi sa më të fokusuar, sepse fermerët realisht duhet të vlerësohen për punën e tyre dhe të paguhen”, tha Cvetan Tripunovski, ministër i Bujqësisë. Subvencionet edhe këtë vit mbeten 80 denarë për klasën e parë, 70 për klasën e dytë dhe 60 për klasën e tretë të duhanit, ndërsa kultivuesit e duhanit do të marrin 6000 denarë për hektar sipërfaqe të mbjellë nën duhan.
Ndryshe, në prill të këtij viti, në llogaritë e rreth 14.300 prodhuesve të duhanit u paguan subvencionet për korrjen e vitit 2023 në vlerë të përgjithshme prej afro 1.5 miliardë denarë, si për masat, pagesat direkte bazë ashtu edhe shtesë, apo subvencione në terma popullorë, për duhanin e shitur aromatik. Të korrat e vitit të kaluar peshonin 14.763 tonë. E gjithë sasia u shpengua menjëherë deri në fletën e fundit, nuk kishte teprica, dhe nuk kishte duhan të pa grumbulluar. (koha.mk)
Lajme nga vendi
Mexhiti tha se VLEN do të shkoj në zgjedhje me kandidat, lista, shtabe, platforma e programe të përbashkëta
Kryetari i Lëvizjes Demokratike, Izet Mexhiti tha se të gjitha subjektet politike brenda koalicionit VLEN kanë qëndrim që në zgjedhjet lokale të shkohet me kandidat, lista, shtabe, platforma e programe të përbashkët she shtoi se, në disa vende ka vlerësime se duhet dalë jashtë koalicionit dhe të mbështeten kandidatët e pavarur.
“Në lidhje me listat, pra këtu qëndrimi i të gjitha subjekteve politike brenda VLEN është që të shkojmë me kandidatë të përbashkët, me lista të përbashkëta, me shtab të përbashkët, me program dhe platformë të përbashkët, bile edhe diku ku ka analizë dhe vlerësim se duhet të dalim edhe jashtë VLEN-it, të mbështesim kandidat të pavarur, edhe këtë do ta bëjmë. Në lidhje me listat, dmth kryetarët e komunave zgjidhen sipas modelit të shumicës, ndërsa listat sipas D’Hondt sistemit, që i favorizon të mëdhenjtë, d.m.th nuk ka asnjë kuptim ne jemi te të mëdhenjtë, dhe tani të kalojmë te të vegjlit, sepse kjo do të thotë ndarje dhe të digjen vota që do të shkojnë në favor të BDI-së, atëherë parashtrohet pyetja për kë punojmë? Kështu që të gjitha argumentet politike shkojnë në favor që të shkojmë me lista të përbashkëta, dhe duke e marrë parasysh se tashmë ka nismë që VLEN të shkrihet në një, kështu që nuk ka asnjë dilemë, VLEN do të ketë një kandidat, një listë, një shtab, një program”, tha Mexhiti.
Lajme nga vendi
Mickoski tha se ju duhen ide kreative, BDI: Si në vitin 2001, edhe tani askush nuk dëgjon ankesat e shqiptarëve
Nga Bashkimi Demokratik për Integrim i janë përgjigjur deklaratave të kryeministrit Hristijan Mickoski, i cili tha se BDI po bën politika të ndarjes, ndërkaq sugjeroi që integristët t’i kthehen “agjendës së gjelbër”. Nga BDI mbesin në qëndrimin e tyre se shqiptarët në Maqedoni janë kthyer në periudhën e para vitit 2001.
Reagimi i BDI-së:
Reagim ndaj deklaratës së Hristijan Mickoskit
Në përgjigje të deklaratës së Kryeministrit, i cili tha se “BDI duhet të sjellë ide kreative” dhe se “ankesat për degradimin e situatës janë vetëm mbrojtje e korrupsionit,” dëshirojmë të theksojmë qartë dhe prerë:
Situata e shqiptarëve sot në Republikën e Maqedonisë së Veriut po rikthehet në atmosferën para vitit 2001.
Edhe atëherë, askush nuk donte të dëgjonte ankesat autentike të shqiptarëve.
Në vend të kësaj, këto ankesa legjitime cilësoheshin si aspirata separatiste e irredentiste.
Kudo përhapeshin naracione se “shqiptarët janë në pozitë të mirë” — ndërsa në realitet ishin të shtypur, të përjashtuar dhe të padukshëm në institucionet shtetërore.
Vetëm pas nënshkrimit të Marrëveshjes Kornizë të Ohrit, bota e pa të vërtetën: shqiptarët ishin realisht të margjinalizuar dhe të diskriminuar në mënyrë sistematike.
Sot, 20 vite më vonë, po përsëritet e njëjta përpjekje për të heshtur ankesat legjitime të shqiptarëve — por me një narrativë të re.
Jo më “separatistë” apo “irredentistë”, por “të korruptuar”. E njëjta përmbajtje, vetëm se me mbulesë të re.
Një tentativë e vjetër për ta relativizuar të vërtetën, për ta shpërqendruar debatin dhe për të mbuluar një realitet që është i prekshëm për çdo qytetar.
Nëse Kryeministri kërkon ide kreative, atëherë po i propozojmë disa:
• Mos e prek Marrëveshjen Kornizë të Ohrit – ajo është themeli i bashkëjetesës dhe garancia për barazi.
• Mos e prek ligjin e gjuhës shqipe
• Le të bëjmë vetting të plotë për të gjithë funksionarët nga viti 1991 e deri më sot – të hetohen pasuritë, burimet dhe mënyra se si janë fituar.
• Të rihapet procesi i privatizimit – që të zbardhet sesi u plaçkit pasuria publike dhe kush përfitoi prej saj.
Këto janë idetë kreative që i nevojiten vendit.
Jo fjalë të mëdha për të mbuluar padrejtësitë e reja, por guxim për të përballur të vërtetat e vjetra.
Lajme nga vendi
Shkon në 61 numri i viktimave në Koçan/ Ndërron jetë Aleksandar Gavrillovskin i cili ishte për kurim në Lituani
Edhe një viktimë nga tragjedia në Koçan, bëhet fjalë për 29 vjeçarin Aleksandar Gavrillovski i cili ishte për kurim në Lituani. Lajmin e bëri të ditur ministri i Shëndetësisë, Arben Taravari, sipas të cilit edhe dy pacientë të tjerë janë në gjendje kritike për jetën, shkruan Alsat.
“Tanimë i ndjeri Aleksandar Gavrilovski ishte njëri nga katër pacientët në gjendje kritike”, tha Taravari.
Numri i viktimave nga tragjedia në Koçan arrin në 61 persona. /Alsat.mk
Konfirmohet aktakuza ndaj Naim Murselit dhe të akuzuarve tjerë për vrasjen e Liridona Ademajt
Mexhiti tha se VLEN do të shkoj në zgjedhje me kandidat, lista, shtabe, platforma e programe të përbashkëta
Mickoski tha se ju duhen ide kreative, BDI: Si në vitin 2001, edhe tani askush nuk dëgjon ankesat e shqiptarëve
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve