Lajme nga vendi

Mexhiti: BDI e priste te dera Mickoskin derisa ne zhvillonim negociatat për Qeverinë e re!

Published

6 hours ago

November 1, 2024

Zv.kryeministri i parë, Izet Mexhiti, në një prononcim për gazetën LAJM, tha se ka qenë me kohë i informuar për ofertën që funksionarët e BDI-së ia kanë bërë kryeministrit Mickoski për t’u bërë pjesë e kabinetit të tij qeveritar.

Mexhiti tha se oferta e BDI-së ishte e ulët dhe rrezikonte të rrënonte pozicionet e VLEN-it në bisedime.

“Duke i bërë bisedimet për formimin e qeverisë, faktikisht ka qenë rrënim I pozicionve tona politike, sepse ne duke biseduar me ata për të formuar qeveri, këta ishin tek recepcioni poshtë me oferta joshëse vetëm për të qenë pjesë e qeverisë, edhe me gjysmën e resorëve dhe pa hyrë aspak tek pjesa programore, pjesa politike. Kushti i vetëm ka qenë me çdo kusht të jenë edhe në këtë qeveri”, tha Mexhiti.

LAJM: A ju ka treguar Mickoski emrat e atyre që i kanë shkruar?

Mexhiti: Po. Janë pjesë e Frontit Evropian. Dy eksponentë janë të BDI-së dhe njëri është partner nga “Fronti Evropian”, nëse e kanë ende sepse kanë filluar të lëvizin.

LAJM: Përse mendoni se ka ardhur një ofertë e tillë nga “Fronti Evropian”?

Mexhiti: Atë e dinë ata më mirë. Ata nuk e kanë hallin as te qytetarët, as te pikat programore, as te gjuha e balansuesi, por kanë hallin e vetë. Mendojnë se duke qenë pjesë e qeverisë, mund t’i ikin përgjegjësisë.

Lajme nga vendi

MEXHITI: MBËSHTESIM SHKENCËN SI ASNJËHERË MË PARË

Published

2 mins ago

November 1, 2024

TetovaExpres

Zëvendëskryeministri i Parë dhe Ministër i Mjedisit Jetësor dhe Planifikimit Hapësinor, z. Izet Mexhiti sot mori pjesë dhe kishte paraqitje në hapjen e punimeve të Takimit të 19-të vjetor të studiuesve shqiptar, të organizuar nga Instituti mbarëkombëtar ‘Alb-Shkenca’.

Në takim, ku të pranishëm ishin kryetari i ‘Institutit Alb-Shkenca’, Gentian Zyberi, zëvendës ministrat e Arsimit dhe Shkencës nga vendi ynë dhe Kosova, Lulzim Aliu dhe Arsim Ademi, zv.ministrja e Transporteve Kaltrina Zekolli Shaqiri, kryetari i Komunës së Çairit Visar Ganiu, rektori i UNT-së Prof.dr. Izet Zeqiri, studiues nga gjitha trojet shqiptare dhe Europa, zëvendës kryeministri i Parë Mexhiti, nën kujdesin e të cilit u organizua ky event, në emër të Qeverisë së RMV-së u dëshiroi mirëseardhje studiuesve në Shkup.

Mexhiti në paraqitjen e tij tha se rrugët për integrimin e arsimit padyshim që kalojnë përmes politikave arsimore të cilat i krijojnë qeveritë përkatëse të shteteve tona.

‘Hapësira shqiptare sot është më e pasur se kurdoherë me institucione të arsimit të lartë dhe institucione kërkimore shkencore të cilat na obligojnë neve si politikanë që të punojmë për të krijuar korniza të tilla juridike të cilat paradigmën e integrimit arsimor e shkencor do ta ngrisin në nivel të detyrimit dhe përkushtimit për realizim’, tha Mexhiti duke shtuar se në këtë drejtim Qeveria ka akorduar rreth 35 milionë euro mjete për ndërtimin e kampusit universitar të Universitetit Nënë Tereza në Shkup.

Përpos kësaj, tha Mexhiti, mjete janë alokuar edhe për laboratorin shkencor të Universitetit të Tetovës, e do të mbështetet edhe Universiteti i Evropës Jug Lindore në Tetovë, që janë tregues të përcaktimeve dhe orientimeve programore të Qeverisë e cila arsimin vërtetë e trajton si njërën ndër shtyllat themelore të shoqërisë dhe shtetit tonë.

‘Siç besoj jeni të njoftuar, aktualisht ekziston një ide për themelimin e Akademisë Shqiptare të Shkencave dhe Arteve në Maqedoni të Veriut. Ne besojmë se ka ardhur koha për një institucion të tillë akademik shkencor dhe po punojmë për realizimin e kësaj ideje. Korniza ligjore ekziston, baza kushtetuese gjithashtu. Ajo çfarë nevojitet është mirëbesimi se ideja do të marrë formë’ deklaroi Mexhiti në takim, duke përfunduar me fjalët, ‘E kur shkenca flet – politika hesht!’

Në formë falënderimi për mbështetjen e gjashtë sesioneve të zhvilluara në Shkup, organizatorët u ndanë mirënjohje zëvendëskryeministrit të Parë dhe Ministër i Mjedisit Jetësor dhe Planifikimit Hapësinor, Izet Mexhiti si dhe kryetarit të Komunës së Çairit Visar Ganiu, ku po zhvillon punimet instituti.

Ky është Takimi i 19-të i Alb-Shkencës, që bashkon studiues, profesorë dhe profesionistë shqiptarë nga mbarë bota për të ndarë dhe shkëmbyer njohuri, ide dhe përvoja në fushën e shkencës dhe teknologjisë, ndërsa çdo vit zhvillohet në trekëndësishin Tiranë-Prishtinë-Shkup, në bazë të rotacionit.

Lajme nga vendi

Taravari takon drejtoren rajonale të UNFPA, Florence Bauer

Published

7 mins ago

November 1, 2024

TetovaExpres

Kryetari i Aleancës për Shqiptarët dhe ministri i Shëndetësisë, Arben Taravari në kuadër të takimit të 74 Rajonal të OBSH-së, zhvilloi takim bilateral me drejtoren rajonale të UNFPA për Evropën Lindore dhe Azinë Qendrore, Florence Bauer.

Në takim u diskutua për sukseset e deritashme në bashkëpunim, përfshirë uljen e vdekshmërisë së nënave dhe të porsalindurve, futjen e klinikave gjinekologjike mobile dhe forcimin e skrinimit për kancerit e qafës së mitrës.

Në përfundim, ky takim thekson përkushtimin e përbashkët për të përmirësuar shërbimet shëndetësore dhe për të siguruar një mbulim më të mirë për të gjithë qytetarët, duke afruar vendin më pranë standardeve evropiane të shëndetit.

Ministria mbetet e përkushtuar për të vazhduar përpjekjet e përbashkëta për përparimin e mbulimit universal shëndetësor dhe promovimin e shëndetit seksual dhe riprodhues me partneritete të gjera në rrugën drejt BE-së.

Lajme nga vendi

LIGA E DYTË: NESËR ZHVILLOHEN NDESHJET E JAVËS SË 11-të

Published

11 mins ago

November 1, 2024

TetovaExpres

E shtuna është e rezervuar për ndeshjet e javës së 11-të të në Ligën e dytë. Të gjitha takimet luhen në të njëjtën kohë pra me fillim në ora 13:00

Kampionati në Ligën e dytë të futbollit vendor vazhdon të shtunën me ndeshjet e xhiros së 11-të të sezonit vjeshtor ku në program janë disa ndeshje mjaftë tërheqëse. Bashkimi në Kumanovë është vendase ekipit të Osogovës së Koçanit ku pret të arkëton tre pikët e radhës për të vazhduar rrugëtimin e sukseseve për kreun e tabelës. Në stadiumin e qytetit në Gostivar skuadra e Arsimit të Çegranit është nikoqire e ekipit Detonit Pllaçkovica ku është favorite ndaj çdo rezultat tjetër pos fitores do të ishte zhgënjim.

Derbi i kësaj jave zhvillohet në Gjorçe Pertove aty ku skuadra vendase përballet me liderin në renditjen e tabelës Bregallnicën e Shtipit, ndërsa në të gjitha sfidat tjera ekipet vendase konsiderohen favorite edhe pse nuk përjashtohet që të ketë ndonjë befasi.

Të gjitha ndeshjet zhvillohen të shtunën me fillim në ora 13:00, takohenË

Arsimi – Detonit Plačkovica

Bashkimi – Osogovo

Boreci – Vardari Neg

Makedonija Gj.P – Bregalnica

Novaci – Kamenica Sasa

Ohrii – Skopje

Pobeda – Vardarski

/ TV KOHA/