Sport
LIGA E PARË: SUPERDERBI SHKËNDIJA – STRUGA TL PËRFUNDOI ME BARAZIM
Tre fitore të vendasve dhe tre barazime me gjithsejtë 15 gola të shënuar është epilogu ndeshjeve të xhiros së 11-të dhe të fundit të rrethit të parë në elitën e futbollit vendor. Lider në rrethin e parë kampionatit 2024/2025 është ekipi i Rabotniçkit me 23 pikë
Në stadiumin e qytetit në Tetovë në praninë e një numri të konsiderueshëm të tifozëve vendas, ndeshja derbi mes Shkëndijës dhe kampionit në fuqi Struga Trim u mbyll me rezultat të barabartë 1-1. Në pjesën e parë skuadra vendase ishte superiore krijoi raste por arritën të shënon vetë një nga penaltia të cilën e realizoi Besart Ibraimi. Trajnerët e ekipeve Jeton Beqiri i Shkëndijës dhe Qatip Osmani i Struga Trim Lum pas ndeshjes shprehën keqardhje për rastet e dështuara.
“Mendoj se nuk e menaxhuam lojën si duhet pas rezultatit 1:0, gabuam në shumë situata, duke i dhënë Strugës shumë mundësi kur ne ishim në posedim të topit. Disa goditje standarde të cilat u’a dhuruam vetëm. Ndjej keqardhje për situatën se si nuk e menaxhuam mirë dhe si nuk ishim më syçelë në ato goditje standard. Nuk lejohet në ndeshje si kjo të pranohet gol nga ato situata të cilat ne i kemi analizuar.” deklaroi Jeton Beqiri trajner i KF Shkëndija
Kampioni në fuqi Struga Trim Lum në këtë pjesë të sezonit vjeshtor nuk ka qenë formën e dëshiruar prandaj trajneri Qatip Osmani tha se pas disfatës katastrofale kundër Sileksit edhe një pikë e fituar kundër Shkëndijës është e madhe.
Fitore në këtë xhiro ka shënuar Shkupi kundër Tikveshit në Çair 3-1. Autor të golave ishin Kadriu 2 gola dhe Avornio ndërsa golin e nderit për mysafirët e shënoi Spahiu. Gostivari në stadiumin “Boris Trajkovski” të Maxharit mundi AP Brera me rezultat të thellë 4-1. Besa e Dobërdollit në Kratovë ka humbur nga Sileksi me rezultat 2:0. Në Ohri, Voska Sport barazoi me Pelisterin 1:1 në Ohër. Derbi i mes Vardarit dhe Rabotniçki ka përfunduar me barazim pa gola 0-0. Pas përfundimit të rrethit të parë të kampionatit kryeson Rabotniçki me 23 pikë e ndjekur nbga Shkëndija, Sileksi dhe Gostivari që kanë nga 20 pikë.
Kikboksieri Boban Ilioski, ndërsa në kategorinë e femrave më e mira u shpall taekwondistja Miljana Reljiq u shpallën sportistët më të suksesshëm për vitin 2024 në manifestimin e organizuar nga Ministria e Sportit e Maqedonisë së Veriut.
Në organizim të Ministrisë së Sport dhe Unionit të sporteve të Maqedonisë së Veriut, në një ceremoni solemne në sallë e Operës dhe Baletit Kombëtar, u shpallën sportistët më të suksesshëm për vitin 2024. Epiteti sportist më i mire në kategorinë e meshkujve për vitin 2024 për të dytën herë me radhë i takoi kikboksierit Boban Ilioski, ndërsa në kategorinë e femrave më e mira u shpall taekwondistja Miljana Reljiç.
Boban Ilioski, është kampion i Evropës në kategorinë deri në 86 kg. të cilin titull e fitoi në Kampionatin Europian në Athinë. Ndërsa sportistja më e mirë për vitin 2024 është taekwondistja Milijana Reljiq, pjesëmarrëse në Lojnat Olimpike Verore “Parisi 2024” që arriti të kualifikohet në çerekfinale. Mbrëmë u shpallën edhe më të mirët në kategorinë e të rinjve, federata më e mirë sportive, reprezentacioni më suksesshëm. Ekipi më i mirë universitar dhe ai shkollor. Edhe kësaj radhe në mesin e laureatëve nuk kishte asnjë sportist shqiptar.
Dy fitore të skuadrave vendase dhe tre të atyre mysafire është epilogu i pesë ndeshjeve të zhvilluara në mëngjesin e sotëm në kampionatin amerikan të basketbollit NBA
Kampionët e Boston u mundën 118-114 në fushën e tyre nga Philadelphia, ndeshje me rivalitet dhe shumë emocione. Maxey me 33 pikë e Embiid me 27 pikë ishin më të mirë për Philadelphia, duke i bërë të pavlefshme 32 pikët e Tatum për Celtics.
Fitore në sekondat e fundit për Lakers, që mundën 115-113 Golden State jashtë fushe. LeBron James me 31 pikë e 10 asist ishte lider për Lakers, mbështetur nga Reaves me 26 pikë. Curry realizoi 38 pikë për Warriors, por që mbetën për statistikë.
Skuadra e Phoenix mundi 110-100 Denver, sfidë ku diferencën në fushë e bëri dyshja Durant-Beal, që realizuan nga 27 pikë secili. Minnesota, falë 26 pikëve të Edwards mundi 105-99 Dallas, ndërsa New York triumfoi 117-114 ndaj San Antonio (Bridges 41 pikë).
NBA-Rezultatet e sotme
New York – San Antonio, 117-114
Dallas – Minnesota, 99-105
Boston – Philadelphia, 114-118
Golden State – Lakers, 113-115
Phoenix – Denver, 110-100
Shaban Sinani / TV Koha
Presidenti i Federatës Botërore të Futbollit (FIFA), Gianni Infantino i ka dërguar një letër urimi Masar Omeragiçit për zgjedhjen e tij në postin e presidentit të Federatës së Futbollit të Maqedonisë.
Në letrën e urimit, njeriu i parë i FIFA-s thotë se është i bindur për potencialin e futbollit tonë dhe thekson mbështetjen e Federatës Botërore të Futbollit për “Shtëpinë e Futbollit” tonë.
I nderuar President,
Ju lutem pranoni përshëndetjet e mia më të përzemërta dhe urimet më të sinqerta për zgjedhjen në krye të Federatës së Futbollit të Maqedonisë.
Njohuritë dhe lidershipi juaj, pasioni dhe përvoja juaj padyshim do të kenë një ndikim të rëndësishëm në zhvillimin e lojës sonë të mrekullueshme në Maqedoni. Të bindur për potencialin e futbollit në vend, mund të mbështeteni në përkrahjen time personale dhe ndihmën e FIFA-s.
Dyert e FIFA-s janë gjithmonë të hapura nëse doni të diskutoni për sportin tonë, zhvillimin e tij dhe promovimin e vlerave të tij.
Ju uroj juve dhe ekipit tuaj shumë fat dhe sukses në të gjitha sfidat përpara, në krijimin dhe dëshmimin e një trashëgimie të qëndrueshme për të ardhmen e futbollit në Maqedoni.
Mezi pres të ju shoh. I nderuar President, ju dërgoj urimet e mia më të mira për shëndet të mirë dhe suksese.
Me respekt,
Gianni Infantino
FIFA
NEIM MISIMI EMËROHET SEKRETAR NË FAKULTETIN E SHKENCAVE ISLAME
Plani Gjeneral Urbanistik për Tetovën miratohet në vitin 2026
Festat e fundvitit, kaos në komunikacion
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve