Kjo ditë është e dedikuar për të shënuar kulturën e pasur, traditën unike dhe historinë e gjatë dhe të rëndësishme të popullit rom në mbarë botën. Njëkohësisht, kjo ditë shërben si një kujtesë e rëndësishme për të gjithë ne për nevojën e përfshirjes më të madhe sociale, mundësive të barabarta dhe respektimit të të drejtave të njeriut për çdo qytetar, theksohet në urimin e sotëm me shkrim të kryetarit të Kuvendit Afrim Gashi me rastin e 8 Prillit – Ditës Ndërkombëtare të Romëve.

“Komuniteti rom, me kulturën, gjuhën, muzikën dhe zakonet e tij, jep një kontribut të jashtëzakonshëm në jetën kulturore dhe shoqërore në vendin tonë. Ai është pjesë e rëndësishme dhe e pandashme e trashëgimisë sonë të përbashkët, që e bën shoqërinë tonë më të pasur dhe më të larmishme. Si përfaqësues të qytetarëve, kemi detyrimin dhe përgjegjësinë që vazhdimisht të punojmë në avancimin e të drejtave dhe pozitës së komunitetit rom, duke siguruar mundësi dhe kushte të barabarta për një jetë të denjë për të gjithë bashkëqytetarët tanë” shton Gashi.

Ai thotë se synimi ynë i përbashkët duhet të jetë një shoqëri ku dallimet respektohen, ku çdo individ ka mundësinë të arrijë potencialin e tij të plotë dhe ku të gjithë jetojmë në harmoni, respekt dhe mirëkuptim të ndërsjellë.

“Le të na bashkojë kjo festë në idenë për një shoqëri të drejtë dhe të barabartë dhe le të jetë një nxitje për të gjithë ne që të vazhdojmë të punojmë me përkushtim edhe më të madh për një të ardhme më të mirë për të gjithë. Gëzuar Dita Ndërkombëtare e Romëve”, shkruan në urimin kryetari i Kuvendit.

Nënkryetari i BDI-së, Arbër Ademi, i pyetur nëse e di se ku është ish- zv. kryeministri Artan Grubi, është përgjigjur “Nuk e di, nuk e kam idenë”.

Ademi në një intervistë për “360 gradë” është përgjigjur gjithashtu se nuk e di nëse Grubi do të kthehet në vend.

“Mendoj se të gjithë duhet të përballen me drejtësinë. Mendoj se ka pasur një ndjekje politike dhe arrestimi i tij është shpallur shumë muaj më parë. Edhe para formimit të Qeverisë. Ju keni deklaratat publike të politikanëve se kur të vijmë në pushtet do ta arrestojmë etj.”, është përgjigjur Ademi i pyetur nëse duhet të kthehet në shtetin e Grubit.

I pyetur nëse e konsideron si ngacmim edhe futjen në listën e zezë të Artan Grubit nga Shtetet e Bashkuara të Amerikës (SHBA), Ademi u përgjigj se është tjetër çështje.

“Ne e respektojmë këtë si BDI. Ata janë partnerët tanë strategjikë. Por a ka persona të tjerë në listën e zezë? Ka. A janë në burg? Nuk janë. Kaq mjafton”, tha Ademi .

Advertisement

Gjykatësi Pajazit Pajaziti, i cili pa bazë e liroi në arrest shtëpiak ish-ushtarin e UÇK-së, Blerim Ramadani, do të marrë pagë më të ulët për 30 për qind për gjashtë muajt e ardhshëm, ka vendosur dje Këshilli Gjyqësor. Menjëherë pasi gjykatësi Pajaziti mori vendim për zëvendësimin e paraburgimit efektiv të Ramadanit me arrest shtëpiak, ish-ushtari i UÇK-së u largua nga vendi ndërsa këshilli gjyqësor arriti në përfundimin se gjykatësi nuk kishte argumente të mjaftueshme bindëse për të marrë vendim për lirimin e personit në arrest shtëpiak. Në opinion kërkohej edhe shkarkimi i Pajazitit, por Këshilli Gjyqësor vetëm e gjobiti. Edhe një gjykatës tjetër për të cilin publiku pret zgjidhje dhe për të cilin Këshilli Gjyqësor ende nuk ka marrë vendim është gjykatësi i Apelit, Enver Bexheti. Në fund të vitit të kaluar, ai u fut në listën e zezë të SHBA-ve, së bashku me ish-zëvendëskryeministrin Artan Grubi, për përfshirje në korrupsion, gjegjësisht për pranim ryshfeti në lidhje me proceset gjyqësore lidhur me ish-drejtorin e DSK-së, Sasho Mijalkov. Anëtarët e këshillit gjyqësor ende nuk kanë marrë vendim për këtë rast./Alsat.mk