Connect with us

Lajme nga vendi

Kthehen grupet e para të haxhinjve në RMV

Published

on

Në Maqedoninë e Veriut janë kthyer grupet e para të haxhinjve nga vendet e shenjta, nga qytetet e Mekës dhe Medinës në Arabinë Saudite, ku shkuan që të kryejnë Haxhin.

Haxhinjtë, të cilët u kthyen me fluturim të drejtpërdrejtë nga qyteti i Medinës, në Aeroportin Ndërkombëtar të Shkupit u pritën nga anëtarët e ngushtë të familjeve, të cilët u dëshiruan mirëseardhje të afërmve të tyre.

Grupet e para të haxhinjve që arritën në Maqedoninë e Veriut ishin nga qyteti i Shkupit, ndaj në aeroport i pranishëm ishte edhe muftiu i Shkupit, Qenan Ismaili. Në një deklaratë për Anadolu, ai u shpreh se Haxhi është një organizim shumë i ndërlikuar dhe i madh, por theksoi se gjithçka shkoi sipas planit të paraparë.

“Shumë normale është që ndryshon klima, ndryshojnë rrethanat, ka lodhje më të madhe dhe dikush prej haxhinjve e ndjen pak më shumë këtë, dikush më pak. Mirëpo, ajo dëshira, vullneti, emocioni shpirtëror, i tejkalon të gjitha këto. Mund të themi që nuk kemi pasur asnjëfarë problemi të madh, asnjëfarë ndërlikimi. Haxhinjtë i kanë kryer të gjitha obligimet e duhura që duhet atje”, tha Ismaili.

Ai i falënderoi të gjitha institucionet shtetërore, si të Maqedonisë së Veriut, ashtu edhe të Arabisë Saudite, për organizimin dhe lehtësimin e procedurave.

Advertisement

Edhe haxhinjtë ishin shumë të kënaqur me organizatorët dhe shprehnin falënderimet e tyre. Sipas tyre, pengesë paraqiste vetëm moti i nxehtë. “Klima ndryshon, atje është 45-47 temperatura. Shkonim nga 2-3 kilometra në këmbë. Mirëpo, jemi shumë të kënaqur”, tha 62-vjeçari Milaim Fejzullahu.

Ndërkohë, 55-vjeçari Zudi Iljazi porosit që në Haxh të shkohet në moshë sa më të re që është e mundur, duke shtuar se duhet pasur parasysh që shkohet në një ambient ndryshe.

“Porosia më e madhe është që ne duhet ta dimë që shkojmë me një vend tjetër, ambient tjetër. Me të vërtetë vlejnë fjalët e Muftinisë: Dy valixhe me sabër, një valixhe me tesha. Sabri atje vlen më së shumti, tjetër asgjë. Në përgjithësi jam i kënaqur”, tha Iljazi.

Nga Maqedonia e Veriut këtë vit për në vendet e shenjta kanë udhëtuar 2.040 haxhinj, të cilët kanë qëndruar në Mekë dhe Medine për rreth 30 ditë.

Advertisement

Lajme nga vendi

Fetai: Një hap më afër drejt transparencës në menaxhimin me pronën shtetërore

Published

on

Qeveria e Maqedonisë së Veriut miratoi dje kërkesën e Kabinetit të Zëvendëskryeministrit të ngarkuar për politika të qeverisjes së mire, Arben Fetai për zgjerimin e grupit të punës që do të hartojë Planin e Veprimit për zbatimin e rekomandimeve të Raportit final të Revizorit shtetëror mbi menaxhimin e pronës shtetërore.

“Ky është një hap i rëndësishëm drejt krijimit të një sistemi efikas, të drejtë dhe të përgjegjshëm të menaxhimit të pasurisë publike, si dhe në parandalimin e keqpërdorimeve dhe mungesës së transparencës që kanë ndodhur në të kaluarën, thekson zëvendëskryeministri Fetai.

Grupi i punës, i udhëhequr nga Kabineti i Zëvendëskryeministrit, do të përfshijë përfaqësues nga institucionet kyçe shtetërore: Shërbimi i punëve të përgjithshme dhe të përbashkëta të Qeverisë, Ndërmarrja Publike për ndërtimin dhe administrimin e hapësirave banesore dhe afariste (Sh.A. – Shkup), Ndërmarrja Publike për administrimin e hapësirave afariste në pronësi shtetërore (Sh.A. – Shkup), Agjencia për Kadastrën e Pasurive të Paluajtshme, Ministria e Financave, Sekretariati i Përgjithshëm i Qeverisë dhe Komisioni për Çështje Banesore.

Për herë të parë në historinë e vendit, po përgaditet edhe Regjistri Kombëtar i Pronës Shtetërore, një nismë e udhëhequr nga Kabineti i Zëvendëskryeministrit Fetai dhe bazuar në praktikat më të mira evropiane, me qëllim të eliminimit të rrezikut të korrupsionit dhe keqpërdorimeve në këtë sektor të ndjeshëm.

“Ky është një moment kyç për të ndërtuar një sistem modern të menaxhimit të burimeve shtetërore, ku transparenca dhe llogaridhënia janë parimet udhëheqëse,”  vlerëson Fetai.

Advertisement
Continue Reading

Lajme nga vendi

Mexhiti: 229 milionë denarë për projekte ekologjike, ftoj të gjithë qytetarët të aplikojnë!

Published

on

Zëvëndëskryeministri i parë dhe ministri i Mjedisit, Izet Mexhiti, sot ka njoftuar për shpalljen e Konkursit publik për ndarjen e mjeteve nga Programi për Investime në Mjedis për vitin 2025.

“Me këtë program synojmë të financojmë projekte që ndikojnë drejtpërdrejt në përmirësimin e mjedisit; ujë të pastër, tokë të shëndetshme, biodiversitet të mbrojtur dhe vetëdije më të lartë publike. Kemi ndarë gjithsej 229 milionë denarë, të cilat do të shpërndahen për kanalizime dhe pastrim të ujërave të zeza; për ujësjellës; për projekte kërkimore e arsimore; si dhe për edukim dhe vetëdijesim mjedisor”, ka shkruar ministri Mexhiti.

Ai tutje në këtë njoftim ka ftuar të gjithë qytetarët e gjitha kategorive që të aplikojnë dhe ka veçuar kriteret të cilat do të kenë përparësi.

“Ftoj të gjitha komunat, OJQ-të, institucionet arsimore dhe shkencore, si dhe çdo individ apo organizatë që ka ide dhe vullnet të kontribuojë, që të aplikojnë. Këtë vit i japim rëndësi të veçantë zgjidhjeve inovative, ndaj ftoj veçanërisht kompanitë startup dhe IT që të sjellin ide të reja për një mjedis më të mirë. Afati është 3 javë nga dita e sotme dhe formularët janë të disponueshëm në faqen e Ministrisë”, ka përfunduar ministri Mexhiti.

Continue Reading

Lajme nga vendi

Çair, hidhet koktej molotovi për të djegur një kazino

Published

on

Më 8 prill, në orën 03:31, në SPB Shkup është raportuar nga një kazino në rajonin e Çairit se dy persona kishin hedhur një shishe me lëng të ndezshëm para hyrjes së kazinosë. Punonjësit e sigurimit e kanë shuar zjarrin.

Nuk ka persona të lënduar.

Po merren masa për zbardhjen e rastit.

Continue Reading

Më të lexuarat