Lajme nga vendi
KSHZ-ja kërkon aktivitet më të madh nga komisionet komunale zgjedhore
Anëtarët e Komisionit Shtetëror të Zgjedhjeve (KSHZ), Boban Stojanovski dhe Boris Kondarko kërkojnë që komisionet komunale zgjedhore (KKZ) të përfshihen maksimalisht në aktivitetet për zgjedhjet e ardhshme presidenciale dhe parlamentare dhe siç thanë ata, të jenë më të përgjegjshëm, më aktivë dhe më të përditësuar.
Edhe në seancën e sotme të KSHZ-së u morën vendime për kërkesat për lirim nga detyra të kryetarit, nënkryetarit dhe anëtarit të komisioneve zgjedhore komunale dhe në mënyrë të rastësishme u zgjodhën persona të rinj. KSHZ-ja miratoi edhe akreditimin për zgjedhjet e 13 vëzhguesve ndërkombëtarë nga Komisioni Qendror i Zgjedhjeve të Kosovës.
“Aktivitetet e KKZ-ve hyjnë në fazën përfundimtare dhe vazhdimisht ka kërkesa për përjashtime dhe përzgjedhje të rastësishme të anëtarëve dhe zëvendës-anëtarëve në KKZ. Megjithatë, kjo nuk paraqet bazë për mosaktivitetin e tyre gjatë zbatimit të veprimeve të parapara për realizimin e të dy llojeve të zgjedhjeve. Prandaj, ata janë të lirë të punësojnë zëvendësanëtarë, ku nuk ka kryetar ose ai është joaktiv, zëvendëskryetari mund ta marrë detyrën. I sugjeroj që të bëhen më seriozë në punën e tyre aty ku nuk janë dhe t’i zbatojnë të gjitha veprimet konform Kodit zgjedhor, udhëzimeve tona dhe orientimeve që u janë dhënë nga KSHZ-ja. Këtu ka ekipe koordinuese që janë në dispozicion të komisioneve komunale zgjedhore në baza ditore për çdo këshill”, tha Stojanovski.
Ai shtoi se KKZ-të nuk kanë orar pune gjatë kësaj periudhe dhe tha se duhet të jenë vazhdimisht në shërbim të votuesve, procesit zgjedhor, si dhe pjesëmarrësve në zgjedhje.
“Duhet të përfshihen plotësisht në procesin e mbajtjes së zgjedhjeve presidenciale dhe parlamentare, sepse pasiviteti i tyre sjell përgjegjësi ligjore”, paralajmëroi Stojanovski.
Pohimeve të tij iu bashkua edhe Kondarko, i cili theksoi se të gjithë anëtarët dhe zëvendësanëtarët e KKZ-ve janë nga administrata shtetërore dhe janë të përjashtuar nga detyrat e përditshme të punës.
“Nuk ka arsyetim për mosveprim dhe vonesë në obligimet që i kanë konform Rregullores, udhëzimeve nga KSHZ-ja, detyrave ditore, raporteve, komunikimit, punës me këshillat zgjedhorë. I sugjeroj që të jenë më të përgjegjshëm, më aktivë dhe më të përditësuar në kryerjen e detyrave të tyre të përditshme. Ata jo vetëm që janë të liruar nga detyrat e punës dhe e marrin pagën rregullisht, por do të marrin edhe kompensim nga KSHZ-ja. Ky proces nuk guxon të vuajë për shkak të rasteve individuale të mosveprimit dhe mungesës së shpejtësisë së komisioneve komunale”, tha Kondarko.
Kërkoi që të plotësohen obligimet lidhur me plotësimin e anëtarëve të këshillave zgjedhorë dhe të marrin pjesë në trajnimet e planifikuara për profesionalizimin e këshillave zgjedhorë.
Kryetari i KSHZ-së, Aleksandar Dashtevski rekomandoi që koordinatorët t’i informojnë KKZ-të për indikacionet e paraqitura.
Lajme nga vendi
Arrihet marrëveshje për shportën konsumatore të vjeshtës, do të shqyrtohet në mbledhjen e ardhshme qeveritare
Në mbledhjen e ardhshme qeveritare duhet të gjendet propozimi për shportën konsumatorë të vjeshtës, deklaroi sot kryeministri Hristian Mickoski.
Në deklaratën për mediat Mickoski tha se është arritur marrëveshje dhe se propozimi i Ministrisë së Ekonomisë dhe Punës dje ishte dorëzuar në Qeveri.
“Kishte dje propozim nga ana e ministrit të Ekonomisë, i cili është rezultat i takimit të cilin e kishin kompetentët me prodhuesit dhe me tregtarët. Thamë se punët do t’i zgjidhim përmes dialogut, ishte arritur marrëveshje dhe i njëjti do të jetë tashmë në mbledhjen e ardhshme të qeverisë. Dje nuk ishte për shkaqe të përcaktuara teknike, por duam që t’i kalojë edhe ato filtra siç janë Kolegiumi i përgjithshëm dhe Komisioni për Sistem Ekonomik. Pres që në mbledhjen e ardhshme qeveritare të martën të jetë në rend dite”, tha Mickoski, duke u përgjigjur në pyetjet e gazetarëve pas vizitës së sotme në komunën Aerodrom.
Për Ligjin për praktika të padrejta tregtare që duhet të hyjë në fuqi nga data 28 e këtij muaji, tha se nëse nuk marrin qëndrim përfundimtar nga sektori i biznesit, do të shkohet sipas dinamikës së paraparë.
Deri të martën duhet të dihet se cilat produkte ushqimore do të përfshihen me shportën konsumatore të vjeshtës dhe nëse do të shkohet me masën për ngrirjen e çmimeve ose për kufizimin e marzhave. Për këtë gjatë periudhës së kaluar punoi një grup pune me përfaqësues të ministrive të Ekonomisë, Financave dhe Bujqësisë.
Kryeministri Hristijan Mickoski, në pyetjen e gazetarit lidhur me rindërtimin e konviktit shtetëror studentor “Steve Naumov”, tha se më shumë se 18 milionë euro do të investohen në rindërtimin e konvikteve studentore, jo vetëm në Shkup, por edhe në qytete të tjera, ku kemi universitete.
“Për dy konviktet në Shkup, ‘Kuzman Josifovski-Pitu’ dhe ‘Steve Naumov’ do të investohen 18 milionë euro. Rikonstruksioni i konvikteve të tjera studentore në vend do të vijojë si një nga prioritetet kryesore të Qeverisë. Ky është një nga ato premtime që kemi bërë për studentët dhe rininë“, deklaroi kryeministri.
Ai shtoi se të dy konviktet do të rikonstruktohen dhe aty ka filluar rikonstruksioni. Presim që të përfundojë në periudhën e ardhshme. Në fund Mickoski shtoi se instalimet elektrike aktualisht janë duke u kryer, por e njëjta do të projektohet edhe në qendrat e tjera universitare në vend.
Në seancën e sotme të Qeverisë së Maqedonisë së Veriut, u miratuan disa ndryshime kadrovike në disa institucione shtetërore, në kuadër të ndryshimeve që vijnë nga Qeveria e re e udhëhequr nga kryeministri Hristijan Mickoski, transmeton Portalb.mk.
Abaz Selmani u emëruar Koordinator nacional për interkulturalizëm, zhvillim të kulturës dhe bashkëpunimit ndërsektorial.
Në këtë seancë, Qeveria emëroi Daniela Jovçevska – Mihajllovskën për ushtruese detyre në pozitën e drejtorit të Qendrës Shtetërore për Provime, ndërsa në pozitën e zëvendësit u emërua Ali Abdulla.
Qeveria sot gjithashtu u.d. drejtor te Shërbimet Pedagogjike e emëroi Robert Axhipetrovin.
Ndryshe, Qeveria e përbërë nga koalicioni VMRO-VLEN-ZNAM ka vazhduar me emërimet e reja në institucionet që udhëhiqen nga pushteti qendror.
Arrihet marrëveshje për shportën konsumatore të vjeshtës, do të shqyrtohet në mbledhjen e ardhshme qeveritare
Më shumë se 18 milionë euro do të investohen në rindërtimin e konvikteve
Qeveria e Maqedonisë së Veriut emëroi disa drejtorë e zëvendës të rinj
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve