Lajme nga vendi
Nuk ka të arrestuar për të shtënat në Haraçinë, sulmuesit janë ende të lirë, tha zëvendësministri i MPB-së
![](https://tetovaexpres.com/wp-content/uploads/2024/04/haracine-incidenti-1-696x404-1.jpeg)
Sulmuesit, të cilët qëlluan mbi kryetarin e Komunës së Haraçinës të hënën, janë ende të lirë. Ministria e Punëve të Brendshme (MPB) nuk ka arrestuar asnjë person lidhur me këtë konfrontim, tha zëvendësministri shtesë i Punëve të Brendshme Mitko Bojmacaliev në paraqitjen e sotme në “Sloboden Peçat”, transmeton Portalb.mk.
Deklarata e Bojmacaliev vjen pasi dje në media u njoftua se Ministria e Punëve të Brendshme ka arrestuar dy persona nën dyshimin se kanë ndihmuar në sulmin e armatosur të djeshëm ndaj kryetarit të Komunës së Haraçinës.Zëvendësministri shtesë konfirmon se MPB-ja ka arrestuar një person, por që nuk ka lidhje me sulmin në Haraçinë, por kërkohet me fletarrest ndërkombëtar.
“Dua të mohoj disa shkrime që kam lexuar mbrëmë se kemi arrestuar persona të lidhur me atë përplasje. Ata persona që janë arrestuar, gjegjësisht ai person nuk është i lidhur me të shtënat në Haraçinë, por gjatë kontrollit rutinë që kemi në kufi dhe që e bëjmë nga ajri dhe nga toka. Aty është arrestuar një person i kërkuar me fletarrest ndërkombëtar, i kthyer nga fushëbeteja e huaj, nga Republika e Kosovës. Pra, ai arrestim nuk ka të bëjë me rastin në Haraçinë”, tha Bojmacaliev.
Ai thotë se Ministria e Punëve të Brendshme ka të dyshuar për sulmin e armatosur, por se sulmuesit janë ende të lirë.
Aty, siç tha Bojmacaliev, kemi mbledhur disa dëshmi, por megjithatë, thotë ai, nuk duhet të ketë sensacion në media.
“Dëshiroj që opinioni të dijë se unë jam person transparent dhe derisa isha pjesë e kabinetit të Spasovskit, jemi munduar të jemi gjithmonë transparentë dhe objektivë, të mos krijojmë sensacion në media, siç u përpoqën të bëjnë disa struktura mbrëmë, se kemi arrestuar persona. Edhe një herë e përsëris se ende nuk kemi persona të arrestuar për të shtënat dhe tentativën për vrasje në Haraçinë. Ata persona janë arrestuar për një rast krejtësisht tjetër dhe në rrethana të ndryshme”, shtoi Bojmacaliev.
Prokuroria Publike dje ka njoftuar se policia është ende në kërkim të sulmuesit i cili pasditen e së hënës në Haraçinë të Shkupit me automatik ka shtënë në drejtim të kryetarit të Komunës Ridvan Ibraimi dhe disa personave të tjerë, duke plagosur dy persona të cilët ishin me kryetarin e komunës gjatë shkëmbimit të zjarrit. Në mesin e të lënduarve nuk është Ibrahimi dhe këtë e ka konfirmuar sot Bojmacaliev.
Dy të lënduarit njëri me plagë nga arma e zjarrit në kraharor dhe tjetri në shpatullën e djathtë janë transferuar për trajtim të mëtutjeshëm në Qendrën Emergjente në Shkup dhe në Klinikën për sëmundje kirurgjikale “Sveti Naum Ohridski”.
Lajme nga vendi
Paraburgim për një 31 vjeçar nga Shkupi, dyshohet për tentim për përdhunim
![](https://tetovaexpres.com/wp-content/uploads/2024/09/paraburgim_Pritvor-780x470-1.jpg)
Prokuroria Themelore Publike (PTHP) Shkup ka lëshuar urdhër për zhvillimin e procedurës hetuese ndaj personit për të cilin ekziston dyshimi i bazuar se ka kryer vepër penale sulm seksual dhe dhunim nga neni 186 paragrafi 1 lidhur me nenin 19 (në tentativë ) të Kodit Penal.
“Më 5 shtator, 31-vjeçari ka sulmuar një grua në Kisella Vodë dhe në kundërshtim me vullnetin e saj të shprehur qartë, ka tentuar qëllimisht të kryejë akte seksuale ndaj saj. Viktima ka qenë duke ecur në drejtim të shtëpisë së saj dhe pasi ka kaluar në vendkalimin për këmbësorë në bulevardin “Boris Trajkovski” afër komunës Kisella Boda, i dyshuari e ka kapur me të dyja duart dhe ka tentuar ta tërheqë zvarrë në një rrugë anësore. Ai e shtyu dhe tentoi ta sulmonte seksualisht. Gruaja vazhdonte të bërtiste, të kërkonte ndihmë dhe përpiqej të çlirohej, ndërsa kur njerëzit filluan të mblidheshin, i dyshuari e la të ikte pa e arritur qëllimin e tij”, thuhet në njoftimin e lëshuar nga PTHP-ja.
Prokurori publik kompetent i ka dorëzuar gjyqtarit të procedurës paraprake propozim për caktimin e masës së paraburgimit për të dyshuarin, me të cilin ka deklaruar se ekziston rreziku që ai të ikë, të pengojë procedurën penale ose të përfundojë tentativën e veprës penale. Gjykata themelore penale e Shkupit e ka pranuar propozimin dhe të dyshuarit i është shqiptuar masa e paraburgimit në kohëzgjatje prej 30 ditësh.
Lajme nga vendi
Durmishi: Ministria e Ekonomisë dhe Punës ndan mjete financiare për realizimin e programit (projektit) për mbrojtjen e konsumatorëve
![](https://tetovaexpres.com/wp-content/uploads/2024/09/thumbnail.jpg)
Ministria e Ekonomisë dhe Punës, në përputhje me përkushtimin e saj për mbrojtjen e të drejtave të konsumatorëve, shpalli sot thirrje publike për ndarjen e mjeteve financiare për realizimin e programeve dhe projekteve nga shoqatat e konsumatorëve në kuadër të Programit për mbrojtjen e konsumatorëve për vitin 2024. Mjetet financiare nga ky Program janë të dedikuara për realizimin e programeve dhe projekteve nga shoqatat e konsumatorëve. Përmes kësaj mbështetjeje financiare, Ministria e Ekonomisë dhe Punës ndan mjete financiare për realizimin e programit (projektit) për mbrojtjen e konsumatorëve në vlerë prej 300.000,00 denarë deri në 500.000,00 denarë në përputhje me propozim programet (projektet) e dorëzuara për mbrojtjen e konsumatorëve deri në shterimin e mjeteve financiare të parashikuara për këtë thirrje, të organizatave joqeveritare për mbrojtjen e konsumatorëve për sigurimin e informacioneve dhe ndihmës për konsumatorët.Kjo iniciativë është pjesë e përpjekjeve tona të vazhdueshme për të përmirësuar cilësinë e jetës së të gjithë qytetarëve dhe për të forcuar mbrojtjen dhe të drejtat e tyre.Inkurajojmë të gjitha shoqatat e konsumatorëve që të shfrytëzojnë këtë mundësi dhe të aplikojnë për mbështetje financiare që do t’u mundësojë atyre të realizojnë projekte të rëndësishme për të mirën e konsumatorëve. Kjo thirrje është dëshmi e përkushtimit tonë për transparencë, drejtësi dhe gjithëpërfshirje në krijimin e politikave që përmirësojnë kushtet e jetesës së të gjithë qytetarëve.Më shumë informacione për kushtet e aplikimit, shumën e mjeteve financiare dhe afatin për dorëzimin e kërkesave mund të gjeni në ueb-faqen tonë www.economy.gov.mk.Sektori i Koordinimit të aktiviteteve të ministrit
Ju bëjmë thirrje të kontribuoni bashkërisht në forcimin e të drejtave të konsumatorëve në vendin tonë. Afati përfundimtar për dorëzimin e aplikimeve është jo më vonë se ora 16:00 më 20.09. të vitit 2024.Tv Koha
Lajme nga vendi
Gjendet një trup i pajetë brenda një hoteli në Tetovë
![](https://tetovaexpres.com/wp-content/uploads/2024/09/policia-mk-stop-780x439-1.webp)
Me datë 05.09.2024 në ora 11:40, në SPB Tetovë nga Emergjenc Mjekësore e Tetovës kanë raportuar se në një hotel në Tetovë ndodhet një person i vdekur, i cili nga mjeku i Mjekësisë Emergjente ka konstatuar vdekjen pa shenja dhune.
“Është konstatuar se bëhet fjalë për P.J.R (68) nga Britania e Madhe. Prokurori publik dhe zyrtarët policorë nga SPB- Tetovë kanë kryer këqyrje në vendin e ngjarjes dhe me urdhër të Prokurorisë Publike, trupi i pajetë i të ndjerit është dorëzuar për obduksion”, thuhet në kumtesën e SPB Tetovë.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve