Lajme nga vendi
Familja Arifi jetë në kushte të rënda, tre vajzat e familjes kanë probleme shëndetësore
![](https://tetovaexpres.com/wp-content/uploads/2024/03/arif.jpg)
Shtëpia e 64 vjeçares Muzafere Arifi nga Hasanbegu thuajse është shndërruar në spital. Tri vajzat e rritura kanë probleme të shumta shëndetësore. Vazhdimisht janë nën ndikimin e ilaçeve duke mos qenë në gjendje për të punuar dhe për të ndihmuar nënën e tyre. Në gjendje më të rëndë është vajza Makfirja e cila nuk lëviz nga shtrati. Për kryefamiljaren Arifi që tashmë sa vite ka mbetur pa bashkëshortin jeta është bërë e vështirë, ndërsa mbijeton me vetëm 18 mijë denarë në muaj.
“Çika e vogël shumë keq, nuk mund të flet, as nuk mund të ha e pi. Hallet e mia nuk i ka kërkush, me ushqim jemi katastrofë, mundohem t’ju bëj me hangër e pi. Një muaj qysh e kalojmë vetëm shpirti e di, ndonjë makaron, ndonjë gjë. Kur e marr ndihmën e çikës shkoj blej ushqim çka duhet ua përgatiti pak ushqim, çka të bëj tjetër ..100 euro i marr për çikën edhe social 200 euro, krejt komplet 300 euro. Çka të bësh me 300 euro, a me i vesh a me i mbath, a ilaçet. A ju shkojnë shumë për ilaçe? Po, mbi katër mijë denarë. Unë marr në vete, çikat më veti edhe asaj me pare pampersat. Po të tregoj drejt, kur kemi i blejmë njëherë ilaçet pastaj çka ka ka, çka nuk ka shëndosh”, tha Muzafere Arifi, kryefamiljare.
Familja Arifi ka nevojë për shumë gjëra. Kërkesa e veçantë e tyre është t’u sigurohet një objekt banimi afër institucioneve shëndetësore.
“Apeloj te njerëzit kush sa ka mundësi me na ndihmu, të paktën nje rrogë mujore ta kemi dhe ndonjë shtëpi me na strehu. Motrën kur po e kapin ngërçet po duhet me çu në doktor, unë nuk mundem me e kap vet”, u shpreh Rejhane Arifi.
“Doktorët i kemi shumë larg, shkollën e kemi shumë larg. Për neve është më e rëndësishme që doktorin ta kemi ngat se krejt jemi të sëmurë në shtëpi”, shtoi Shyrete Arifi.
Ajo që e shqetëson edhe më shumë këtë familje është mungesa e kanalizimit. Ujërat e kanalizimit shpesh herë përfundojnë në oborrin e shtëpisë së tyre duke shkaktuar erë të padurueshme. Për shkak të gjendjes së rëndë ekonomike, familja Arifi nuk shlyen as borxhet e energjisë elektrike dhe ujit duke rrezikuar që të mbeten pa rrymë dhe ujë./Alsat.mk
Të interesuarit që dëshirojnë të ndihmojnë këtë familje mund të kontaktojnë në numrin e telefonit: +389 70 217 868
Lajme nga vendi
Paraburgim për një 31 vjeçar nga Shkupi, dyshohet për tentim për përdhunim
![](https://tetovaexpres.com/wp-content/uploads/2024/09/paraburgim_Pritvor-780x470-1.jpg)
Prokuroria Themelore Publike (PTHP) Shkup ka lëshuar urdhër për zhvillimin e procedurës hetuese ndaj personit për të cilin ekziston dyshimi i bazuar se ka kryer vepër penale sulm seksual dhe dhunim nga neni 186 paragrafi 1 lidhur me nenin 19 (në tentativë ) të Kodit Penal.
“Më 5 shtator, 31-vjeçari ka sulmuar një grua në Kisella Vodë dhe në kundërshtim me vullnetin e saj të shprehur qartë, ka tentuar qëllimisht të kryejë akte seksuale ndaj saj. Viktima ka qenë duke ecur në drejtim të shtëpisë së saj dhe pasi ka kaluar në vendkalimin për këmbësorë në bulevardin “Boris Trajkovski” afër komunës Kisella Boda, i dyshuari e ka kapur me të dyja duart dhe ka tentuar ta tërheqë zvarrë në një rrugë anësore. Ai e shtyu dhe tentoi ta sulmonte seksualisht. Gruaja vazhdonte të bërtiste, të kërkonte ndihmë dhe përpiqej të çlirohej, ndërsa kur njerëzit filluan të mblidheshin, i dyshuari e la të ikte pa e arritur qëllimin e tij”, thuhet në njoftimin e lëshuar nga PTHP-ja.
Prokurori publik kompetent i ka dorëzuar gjyqtarit të procedurës paraprake propozim për caktimin e masës së paraburgimit për të dyshuarin, me të cilin ka deklaruar se ekziston rreziku që ai të ikë, të pengojë procedurën penale ose të përfundojë tentativën e veprës penale. Gjykata themelore penale e Shkupit e ka pranuar propozimin dhe të dyshuarit i është shqiptuar masa e paraburgimit në kohëzgjatje prej 30 ditësh.
Lajme nga vendi
Durmishi: Ministria e Ekonomisë dhe Punës ndan mjete financiare për realizimin e programit (projektit) për mbrojtjen e konsumatorëve
![](https://tetovaexpres.com/wp-content/uploads/2024/09/thumbnail.jpg)
Ministria e Ekonomisë dhe Punës, në përputhje me përkushtimin e saj për mbrojtjen e të drejtave të konsumatorëve, shpalli sot thirrje publike për ndarjen e mjeteve financiare për realizimin e programeve dhe projekteve nga shoqatat e konsumatorëve në kuadër të Programit për mbrojtjen e konsumatorëve për vitin 2024. Mjetet financiare nga ky Program janë të dedikuara për realizimin e programeve dhe projekteve nga shoqatat e konsumatorëve. Përmes kësaj mbështetjeje financiare, Ministria e Ekonomisë dhe Punës ndan mjete financiare për realizimin e programit (projektit) për mbrojtjen e konsumatorëve në vlerë prej 300.000,00 denarë deri në 500.000,00 denarë në përputhje me propozim programet (projektet) e dorëzuara për mbrojtjen e konsumatorëve deri në shterimin e mjeteve financiare të parashikuara për këtë thirrje, të organizatave joqeveritare për mbrojtjen e konsumatorëve për sigurimin e informacioneve dhe ndihmës për konsumatorët.Kjo iniciativë është pjesë e përpjekjeve tona të vazhdueshme për të përmirësuar cilësinë e jetës së të gjithë qytetarëve dhe për të forcuar mbrojtjen dhe të drejtat e tyre.Inkurajojmë të gjitha shoqatat e konsumatorëve që të shfrytëzojnë këtë mundësi dhe të aplikojnë për mbështetje financiare që do t’u mundësojë atyre të realizojnë projekte të rëndësishme për të mirën e konsumatorëve. Kjo thirrje është dëshmi e përkushtimit tonë për transparencë, drejtësi dhe gjithëpërfshirje në krijimin e politikave që përmirësojnë kushtet e jetesës së të gjithë qytetarëve.Më shumë informacione për kushtet e aplikimit, shumën e mjeteve financiare dhe afatin për dorëzimin e kërkesave mund të gjeni në ueb-faqen tonë www.economy.gov.mk.Sektori i Koordinimit të aktiviteteve të ministrit
Ju bëjmë thirrje të kontribuoni bashkërisht në forcimin e të drejtave të konsumatorëve në vendin tonë. Afati përfundimtar për dorëzimin e aplikimeve është jo më vonë se ora 16:00 më 20.09. të vitit 2024.Tv Koha
Lajme nga vendi
Gjendet një trup i pajetë brenda një hoteli në Tetovë
![](https://tetovaexpres.com/wp-content/uploads/2024/09/policia-mk-stop-780x439-1.webp)
Me datë 05.09.2024 në ora 11:40, në SPB Tetovë nga Emergjenc Mjekësore e Tetovës kanë raportuar se në një hotel në Tetovë ndodhet një person i vdekur, i cili nga mjeku i Mjekësisë Emergjente ka konstatuar vdekjen pa shenja dhune.
“Është konstatuar se bëhet fjalë për P.J.R (68) nga Britania e Madhe. Prokurori publik dhe zyrtarët policorë nga SPB- Tetovë kanë kryer këqyrje në vendin e ngjarjes dhe me urdhër të Prokurorisë Publike, trupi i pajetë i të ndjerit është dorëzuar për obduksion”, thuhet në kumtesën e SPB Tetovë.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve