Lajme nga vendi
Miteva: Buxheti për vitin 2025 i Ministrisë së Transformimit Digjital më i madh për 200 për qind
Buxheti i përgjithshëm për projekte të informacionit dhe komunikimit të Ministrisë së Transformimit Digjital për vitin 2025 është më i madh për 200 për qind, në krahasim me vitet e kaluara – prej 154 milionë denarë në vitin 2023, 182 milionë denarë në vitin 2024, në 365 milionë denarë në vitin 2025, informoi sot zëdhënësja e Qeverisë, Maria Miteva.
Qëllimi ynë si Qeveri, theksoi Miteva, është ta transformojmë shoqërinë e Maqedonisë së Veriut në shoqëri digjitale.
“Transformimi digjital nënkupton lidhje më të fuqishme dhe të ardhme më të mirë për të gjithë ne. Për këtë për vetëm disa muaj pas marrjes së pushtetit parashikuam 80 shërbime të reja elektronike, lidhje të rritur të institucioneve dhe fokus në sigurinë kibernetike. Përmes këtyre projekteve dhe investimit në digjitalizim e sigurojmë pozitën tonë në botën digjitale”, theksoi Miteva.
Në pjesën e projekteve individuale për vitin 2025 është paraparë ndërtim i data qendrës bashkëkohore primare të të dhënave në Shkup, ku të gjitha organet e administratës shtetërore do të bashkëvendosin pajisjet e tyre.
“Me këtë shteti do të realizojë kursime të rëndësishme për shërbime të bashkëvendosjes. Kjo nënkupton përfshirje të ftohjes, sisteme të sigurisë, sisteme zjarrfikëse, mbikëqyrje dhe mirëmbajtje të hapësirave, ndërsa nga ana tjetër do të mundësojë ndalesë të transformimit digjital”, deklaroi Miteva.
Shuma e pritur e përgjithshme e projektit, theksoi Miteva, është deri 40 milionë euro, ndërsa me Buxhetin për vitin 2025 janë paraparë dy milionë euro për përgatitje të studimit të fizibilitetit dhe vërtetimit të lokacionit dhe mënyrës së sigurimit të qëndrueshmërisë.
Janë siguruar edhe 40 milionë denarë në Buxhet edhe përmes fondeve të tjera projektuese. Miteva paralajmëroi se Qeveria do të punojë në digjitalizimin e shërbimeve publike më të shfrytëzuara për qytetarët dhe kompanitë – kërkesa të dërguara në mënyrë elektronike dhe marrjen e dokumenteve të nevojshme përmes kompjuterit ose telefonit të mençur.
“Digjitalizohet marrja e shtetësisë në MPB, shërbimet në Drejtorinë për Udhëheqjen e Librave Amë, Fondit të Sigurimit Pensional dhe Invalidor dhe Kadastrës. Kjo nënkupton se do të sigurojmë më shumë se 200 shërbime të reja në portalin e uslugi.gov.mk, që do ta dyfishojë numrin e shërbimeve në dispozicion”, deklaroi Miteva.
Përmes projektit në vlerë prej 60 milionë denarë do të punohet edhe në lidhjen sistematike të institucioneve për ndarjen e dokumenteve. Për momentin vetëm 20 institucione shfrytëzojnë sistem të përbashkët për punë elektronike, ndërsa me projektin ai numër do të rritet për të paktën 10.
Qeveria do të emërojë të besuarit e saj në komunat ku nuk u zgjodhën kryetarë komunash në zgjedhjet lokale. Kjo do të bëhet menjëherë pasi KSHZ zyrtarisht t’i mbyllë zgjedhjet dhe do të informojë Qeverinë. Kryeministri Hristijan Mickoski tha se ende nuk kanë mbajtur asnjë bisedim me partnerët e koalicionit për atë se kush do të përzgjidhet si ushtrues detyre.
“Fillimisht duhet zyrtarisht KSHZ ti përfundojë zgjedhjet dhe ta informojë qeverinë. Kjo pres të ndodhë javën e ardhshme. Më pas Qeveria ka afat prej 15 ditëve të veprojë dhe ta informoj KSHZ-në dhe Kuvendin që Kuvendi në afat prej 60 ditëve të mbajë zgjedhje të reja në ato komuna ku ishin të pa suksesshme… Kështu që unë pres gjatë javës së ardhshme kur ti marrim të ulemi me partnerët e koalicionit dhe ti propozojmë emrat se cilët do të jenë të besueshmit e qeverisë në ato komuna ku zgjedhjet ishin të pa suksesshme”, tha Hristijan Mickoski – Kryeministër.
Të pa suksesshme zgjedhjet lokale ishin në Gostivar, Vrapçisht, Qendër Zhupë dhe Mavrovë e Rostushë. Në zgjedhjet që do të përsëriten në këto komuna, nuk do të vlejë censusi dhe nuk do të kenë mundësi që përsëri të dështojnë. Ndërkohë nga KSHZ refuzuan të gjitha 16 ankesat për procesin e votimit të rrethit të dytë dhe presin nëse dorëzuesit e ankesave do të ankohen edhe në Gjykatën Administrative. Ankesa pati për komunat Karposh, Shuto Orizare dhe Bërvenicë. Në Shuto Orizare u dorëzuan 13 ankesa prej të cilave dhjetë nga koalicioni “Maqedonia jote” e VMRO-DPMNE-së dhe tre nga “Lidhja e Romëve”. Dy ankesa pati nga koalicioni “Përvoja për sukses” në Karposh dhe një ankesë pati kandidati i VLEN në Bërvenicë, Haqim Ramadani. /Alsat.mk
Pas ceremonisë së pranim-dorëzimit të mandatit nga ish-kryetari Hekuran Duka, Fisnik Mela mori sot zyrtarisht detyrën e Kryetarit të Komunës së Dibrës.
Në fjalën e tij, Mela e cilësoi këtë moment si një përgjegjësi të madhe dhe një emocion të veçantë, duke theksuar se mandati që i është dhënë nga qytetarët përfaqëson më shumë se një detyrë politike – një angazhim moral për të shërbyer me ndershmëri, transparencë dhe përkushtim.
“Dibra meriton institucione që dëgjojnë, që veprojnë dhe që sjellin zhvillim të vërtetë. Bashkë do ta ndërtojmë një komunë të mundësive, të bashkëpunimit dhe të mirëqenies për të gjithë”, deklaroi Mela.
Në fund, kryetari i ri i Dibrës uroi: “Zoti e bekoftë Dibrën dhe qytetarët e saj.”
Filantropi tetovar Lazim Destani dhuron shqiponjën për Kukësin (VIDEO)
Raundi i dytë zgjedhor, KSHZ-ja hedh poshtë të gjitha ankesat
Rekord i rrallë! 56 vite në këtë post, presidenti 92-vjeçar i Kamerunit betohet për mandatin e tetë radhazi
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga rajoni1 month agoTirana mirëpret në tetor Forumin e parë të Investimeve BE-Ballkani Perëndimor
-
Lajme nga vendi1 week agoBilall Kasami : Mega projekti që po bëhet realitet investim prej 70 milionë denarëve Tetova po transformohet
-
Lajme nga rajoni2 months agoNë Nju York emërtohet rruga “Isa Boletini” në muajin e Pavarësisë