Lajme nga vendi
Fëmijët po shfaqin probleme me shikimin dhe deformitete në trup
![](https://tetovaexpres.com/wp-content/uploads/2024/03/Screenshot_7-6-780x470-1.jpg)
Thuajse çdo i dyti fëmijë që kalon kontrollin sistematik shkollor, posaçërisht në klasë të parë dhe të tretë ka probleme me shikimin dhe deformitete në trup. Mjekët shprehën të shqetësuar për numrin e lartë të rasteve të këtilla prandaj kujtojnë prindërit se çdo udhëzim i dhënë nga ana e tyre për kontrolle të mëtutjeshme të merret seriozisht. Sipas mjekes, Albina Bektashi Qerimi problemet e theksuara nisin që në moshën katërvjeçare, që është mosha më delikate për paraqitjen e këtyre deformiteteve.
“Disa fëmijë kanë probleme me njërin sy mirëpo ka edhe prej atyre që kanë probleme me të pamurit dhe strabizëm të njërit apo të dy syve. Gjithashtu vazhdon kontrolli me boshtin kurrizor dhe këtu kemi një deformitet shumë të shtuar, shumë të shpeshtë, mos ta teproj me thënë mbi 90 % e fëmijëve por aty diku qëndron. Çdo i dyti fëmijë është me skoliozë ose me kifozë. Është një shqetësim tepër i madh. Gjatë praktikës time 10 vjeçare që i zbatoj këto kontrollet sistematike, në kohën para pandemisë dhe pas pandemisë një numër dukshëm i rritur i rasteve me probleme të shtyllës kurrizore”, deklaroi Albina Bektashi Qerimi, mjeke.
Pavarësisht shqetësimeve të mjekëve, fëmijët pranojnë se për disa orë shfrytëzojnë telefonat e mençur për lojëra të ndryshme. Mirëpo, disa prej tyre nuk përjashtojnë edhe aktivitetet fizike dhe lojërat sportive.
“Çfarë lojëra luan? Të ndryshme. Sipas teje, sa kohë duhet ta mbash telefonin? Dy orë. A është shumë? Mendoj që jo”, tha një fëmijë.
“E dua më shumë futbollin. A luan jashtë me shokët? Po. A duhet më shumë ta mbash telefonin ose të lozish jashtë me shokët? Të lozi jashtë, kjo është më e mira për mua”, u shpreh një fëmijë.
Gjithashtu, mjekët apelojnë që fëmijët që sa më pak të shfrytëzojnë pajisjet teknologjike dhe të mos qëndrojnë në ambiente të mbyllura. Bektashi Qerimi u rekomandon prindërve që në bazë të mundësive t’i regjistrojnë fëmijët e tyre nëpër aktivitete të ndryshme fizike ose ushtrimet e caktuara nga mjeku t’i kryejnë në shtëpi. /Alsat.mk
Lajme nga vendi
Paraburgim për një 31 vjeçar nga Shkupi, dyshohet për tentim për përdhunim
![](https://tetovaexpres.com/wp-content/uploads/2024/09/paraburgim_Pritvor-780x470-1.jpg)
Prokuroria Themelore Publike (PTHP) Shkup ka lëshuar urdhër për zhvillimin e procedurës hetuese ndaj personit për të cilin ekziston dyshimi i bazuar se ka kryer vepër penale sulm seksual dhe dhunim nga neni 186 paragrafi 1 lidhur me nenin 19 (në tentativë ) të Kodit Penal.
“Më 5 shtator, 31-vjeçari ka sulmuar një grua në Kisella Vodë dhe në kundërshtim me vullnetin e saj të shprehur qartë, ka tentuar qëllimisht të kryejë akte seksuale ndaj saj. Viktima ka qenë duke ecur në drejtim të shtëpisë së saj dhe pasi ka kaluar në vendkalimin për këmbësorë në bulevardin “Boris Trajkovski” afër komunës Kisella Boda, i dyshuari e ka kapur me të dyja duart dhe ka tentuar ta tërheqë zvarrë në një rrugë anësore. Ai e shtyu dhe tentoi ta sulmonte seksualisht. Gruaja vazhdonte të bërtiste, të kërkonte ndihmë dhe përpiqej të çlirohej, ndërsa kur njerëzit filluan të mblidheshin, i dyshuari e la të ikte pa e arritur qëllimin e tij”, thuhet në njoftimin e lëshuar nga PTHP-ja.
Prokurori publik kompetent i ka dorëzuar gjyqtarit të procedurës paraprake propozim për caktimin e masës së paraburgimit për të dyshuarin, me të cilin ka deklaruar se ekziston rreziku që ai të ikë, të pengojë procedurën penale ose të përfundojë tentativën e veprës penale. Gjykata themelore penale e Shkupit e ka pranuar propozimin dhe të dyshuarit i është shqiptuar masa e paraburgimit në kohëzgjatje prej 30 ditësh.
Lajme nga vendi
Durmishi: Ministria e Ekonomisë dhe Punës ndan mjete financiare për realizimin e programit (projektit) për mbrojtjen e konsumatorëve
![](https://tetovaexpres.com/wp-content/uploads/2024/09/thumbnail.jpg)
Ministria e Ekonomisë dhe Punës, në përputhje me përkushtimin e saj për mbrojtjen e të drejtave të konsumatorëve, shpalli sot thirrje publike për ndarjen e mjeteve financiare për realizimin e programeve dhe projekteve nga shoqatat e konsumatorëve në kuadër të Programit për mbrojtjen e konsumatorëve për vitin 2024. Mjetet financiare nga ky Program janë të dedikuara për realizimin e programeve dhe projekteve nga shoqatat e konsumatorëve. Përmes kësaj mbështetjeje financiare, Ministria e Ekonomisë dhe Punës ndan mjete financiare për realizimin e programit (projektit) për mbrojtjen e konsumatorëve në vlerë prej 300.000,00 denarë deri në 500.000,00 denarë në përputhje me propozim programet (projektet) e dorëzuara për mbrojtjen e konsumatorëve deri në shterimin e mjeteve financiare të parashikuara për këtë thirrje, të organizatave joqeveritare për mbrojtjen e konsumatorëve për sigurimin e informacioneve dhe ndihmës për konsumatorët.Kjo iniciativë është pjesë e përpjekjeve tona të vazhdueshme për të përmirësuar cilësinë e jetës së të gjithë qytetarëve dhe për të forcuar mbrojtjen dhe të drejtat e tyre.Inkurajojmë të gjitha shoqatat e konsumatorëve që të shfrytëzojnë këtë mundësi dhe të aplikojnë për mbështetje financiare që do t’u mundësojë atyre të realizojnë projekte të rëndësishme për të mirën e konsumatorëve. Kjo thirrje është dëshmi e përkushtimit tonë për transparencë, drejtësi dhe gjithëpërfshirje në krijimin e politikave që përmirësojnë kushtet e jetesës së të gjithë qytetarëve.Më shumë informacione për kushtet e aplikimit, shumën e mjeteve financiare dhe afatin për dorëzimin e kërkesave mund të gjeni në ueb-faqen tonë www.economy.gov.mk.Sektori i Koordinimit të aktiviteteve të ministrit
Ju bëjmë thirrje të kontribuoni bashkërisht në forcimin e të drejtave të konsumatorëve në vendin tonë. Afati përfundimtar për dorëzimin e aplikimeve është jo më vonë se ora 16:00 më 20.09. të vitit 2024.Tv Koha
Lajme nga vendi
Gjendet një trup i pajetë brenda një hoteli në Tetovë
![](https://tetovaexpres.com/wp-content/uploads/2024/09/policia-mk-stop-780x439-1.webp)
Me datë 05.09.2024 në ora 11:40, në SPB Tetovë nga Emergjenc Mjekësore e Tetovës kanë raportuar se në një hotel në Tetovë ndodhet një person i vdekur, i cili nga mjeku i Mjekësisë Emergjente ka konstatuar vdekjen pa shenja dhune.
“Është konstatuar se bëhet fjalë për P.J.R (68) nga Britania e Madhe. Prokurori publik dhe zyrtarët policorë nga SPB- Tetovë kanë kryer këqyrje në vendin e ngjarjes dhe me urdhër të Prokurorisë Publike, trupi i pajetë i të ndjerit është dorëzuar për obduksion”, thuhet në kumtesën e SPB Tetovë.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve