Lajme nga vendi

Kovaçevski: Amendamentet kushtetuese në Kuvend gjatë dy javëve të ardhshme

Published

1 year ago

July 7, 2023

Ndryshimet kushtetuese do të shtrohen në Kuvend gjatë dy javëve të ardhshme dhe do të fillojë procesi i diskutimit në pajtim me produrën për të njëjtat, në Kuvend, aty edhe ku është vendi, deklaroi sot kryeministri Dimitar Kovaçevski.

I pyetur nëse kjo do të thotë se ka pasur takim dhe është arritur pëlqim që të votohen ndryshimet kushtetuese me opozitarin e parë, kryetarin e VMRO-DPMNE-së, Hristijan Mickoski dhe nëse nuk votohen në vjeshtë do të ketë zgjedhje të parakohshme, shefi i Qeverisë e përsëriti qëndrimin se nuk do të ketë zgjedhje të parakohshme dhe se ndryshimet kushtetuese nuk lidhen me mandatin e Qeverisë.

“Në vend nuk do të ketë zgjedhje në vjeshtë. Zgjedhjet do të jenë vitin e ardhshëm – presidenciale, pastaj parlamentare. Procesi i ndryshimeve kushtetuese nuk lidhet me mandatin e Qeverisë por me integrimin evropian të shtetit dhe obligim i çdo partie politike është t’i mbështesë integrimet evropiane. Kur të shqyrtohen amendamentet e Kushtetutës nga Qeveria, ato do të kumtohen dhe do të publikohen publikisht dhe atëherë të gjithë qytetarët tanë do të mund të binden se bëhet fjalë për amendamente teknike, me të cilat diçka që tashmë është fakt në Kushtetutë, sipas atyre që thonë ekspertët më të mëdhenj juridikë në shtet, do të futen shtesë në Kushtetutë në pjesën e “pjesëve të popujve të tjerë të cilët jetojnë në shtet”. Dhe prandaj vlerësoj se obligim i çdo deputeti, e çdo partie politike në Kuvend është ta mbështesë këtë proces dhe të sigurojmë vazhdimin e integrimit evropian me hapjen e kapitujve, me hapjen e klasterëve dhe përfundimin e negociatave deri në vitin 2030 dhe anëtarësimin e shtetit në BE”, potencoi kryeministri Kovaçevski në deklaratën pas ndarjes së banesave sociale për 27 familje në Sveti Nikollë.

Lajme nga vendi

Bexheti: Ligji për shkollim të mesëm u tërhoq falë reagimit të popullit

Published

2 days ago

December 20, 2024

TetovaExpres

Deputeti i Frontit Evropian, Blerim Bexheti, ka deklaruar se propozim ligji për shkollim të mesëm është tërhequr falë reagimit të popullit dhe jo nga dëshira e qeveritarëve.

“Propozimi për ligjin për shkollim të mesëm nuk u tërhoq nga dëshira e qeveritarëve pa legjitimitet etnik por u tërhoq falë reagimit të fuqishëm të popullit!

Ky është një shembull i qartë i asaj se çfarë mund të arrihet kur zëri i qytetarëve dëgjohet në Kuvend dhe kur ne qëndrojmë të bashkuar për të mbrojtur të drejtat dhe interesat tona.

Maqedonia e Veriut është shtet multietnik, respekti i ndërsjellë dhe barazia midis shqiptarëve dhe maqedonasve janë gurëthemeli për stabilitet, siguri dhe një të ardhme të qëndrueshme.

Cënimi i Marrëveshjes së Ohrit nga Qeveria është i papranueshëm!”, ka shkruar Bexheti.

Lajme nga vendi

VLEN: Stopuam ligjin për arsim të mesëm

Published

2 days ago

December 20, 2024

TetovaExpres

Pas parashtrimit te amandamenteve nga ana e koalicionit VLEN, qeveria e tërhoqi ligjin për arsim të mesëm.

“U dëshmua edhe njëherë se faktori kyç që është garantuese e interesave shqiptare është vetëm VLEN.

Ne vepruam ashtu si na ka hije. Pa zë dhe pa zhurmë. Në lexim të parë dhamë porosinë duke mos e votuar aspak, ndërsa kur duhej parashtruam amandamente. Si rezultat kemi tërheqjen e ligjit nga ana e qeverisë.

Intonimi shtetëror nuk do të bëhet në shkollat e vendit, por në Veles po, sepse BDI ka votuar pro intonimit të himnit maqedonas në atë komunë.

VLEN është garanca se nuk do të kalojnë ligje të njëanshme sikur që ka ndodhur me BDI-në në të kaluarën”, thuhet ne reagimin e koalicionit VLEN.

Lajme nga vendi

Kryetari i Kuvendit të Turqisë të hënën vizitë në Tetovë, do të ketë regjim të veçantë në komunikacion

Published

2 days ago

December 20, 2024

TetovaExpres

Me datë 23 dhjetor (e hënë) në Tetovë, me rastin e qëndrimit të delegacionit zyrtar të kryesuar nga Kryetari i Kuvendit të Madh të Republikës së Turqisë, Sektori i Punëve të Brendshme Tetovës do të vendosë regjim të veçantë të qarkullimit në zonën qendrore të qytetit në periudhën prej orës 05:00 të mëngjesit deri në përfundim të vizitës zyrtare.

Gjatë kësaj periudhe do të ndalohet parkimi i automjeteve nga kryqëzimi i Bërvenicës deri te Universiteti i Tetovës, pastaj në bulevardin e “Ilindenit” nga kryqëzimi me rrugën “Kthesa e Bërvenicës” deri tek Xhamija e Larme, përgjatë rrugës “Kiro Ristoski – Drnc”, rrugën e “Lubotenit” deri tek Arabati Baba Teqe, pastaj rruga “Gjorçe Petrov” dhe “Vëllezërit Miladinovi”.

“Më pas në bulevardi “Vidoe Smilevski Bato” nga rrethrrotullimi me bulevardin e “Ilindenit” deri te rruga “Fushtanska” dhe anasjelltas duke vazhduar në drejtim të Shkollës private “Marif”.

“Automjetet që do të gjenden të parkuara në parkingje të shënuara do të merren me anë të merimangës dhe pronarët do të mund t’i largojnë pa asnjë dëmshpërblim, ndërsa ato mjete që do të merren nga parkingjet e paligjshme do të përballen me parashtresat ligjore. Gjithashtu, në të gjitha rrugët e tjera të qytetit, ku parkimi tashmë është i ndaluar, automjetet do të sanksionohen dhe tërhiqen për të siguruar lëvizjen nërmale dhe të sigurt të pjesmarrësve të tjerë të rrugës”.

“SPB Tetovë apelon që qytetarët të hënën (23 dhjetor) të mos drejtojnë automjete në zonën qendrore pa nevojë më të madhe dhe imediate dhe të respektojnë dhe veprojnë sipas urdhrave dhe udhëzimeve të zyrtarëve policorë”, thonë nga SPB Tetovë.