Lajme nga vendi
A do të ndikojë “presioni” i SHBA-së ndaj opozitës për vazhdimin e rrugës evropiane të vendit?
Maqedonia e Veriut ndodhet në udhëkryq, fundviti shënon edhe vazhdimin e orientimit të vendit. Vendi duhet ta kalojë me sukses “provimin” për të vazhduar tutje rrugëtimin drejt Bashkimit Evropian. Por, politikbërja në vend nuk është një zëri e rreshtuar drejtë këtij procesi, pushteti është pro dhe opozita maqedonase kundër. Vendi më herët ka kaluar edhe procese tjera ngjashëm të komplikuara mbase me tematikë tjetër, por që opozita maqedonase çdoherë ka qenë bllokatorë që ka barrigaduar secilin proces të rëndësishëm për të ardhmen e vendit. Por, të gjitha kanë kaluar me sukses falë ndihmës së faktorit ndërkombëtarë, që kanë luajtur rol të jashtëzakonshëm si ndërmjetësues. Një ndihmë e tillë e faktorit ndërkombëtarë tani në këtë moment historik në prag të ndryshimeve kushtetuese është mëse i nevojshëm se asnjëherë më parë. Sinjale të tilla janë vërejtur menjëherë, Uashingtoni i ka thënë drejtpërdrejt opozitës që të mbështesë rrugën evropiane të shtetit, të mbështesë amendamentet kushtetuese dhe të mos bllokojë ligjet me rëndësi vendimtare për shtetin, bënë të ditur burime qeveritare, duke përmbledhur vizitën e delegacionit qeveritar amerikan, shkruan Zhurnal.
SHBA-të i kërkojnë opozitës të mbështesë rrugën evropiane të vendit –
Në SHBA, theksojnë burime qeveritare, kemi marrë një mbështetje të qartë dhe të fortë për vazhdimin e rrugës evropiane të vendit, që nënkupton zbatimin e ndryshimeve kushtetuese, pra miratimin e amendamenteve dhe vazhdimin e negociatave të përcaktuara sipas kornizës së negociatave.
SHBA-ja përmes zyrtarëve të saj të lartë thekson mbështetjen që kemi për vazhdimin e rrugës evropiane, si dhe mbështetjen e padyshimtë për marrjen e këtyre vendimeve që i nevojiten Kuvendit tonë dhe ai mesazh ishte i drejtpërdrejtë edhe për opozitën – dallimet ideologjike nuk mund të jenë pengesë për përparimin e shtetit dhe për marrjen e vendimeve të rëndësishme për qytetarët, jo për partitë politike, e më së paku për liderët e tyre sepse karriera personale e dikujt është shumë më pak e rëndësishme se e ardhmja e shtetit”, shtuan burimet qeveritare.
Nga aty shtojnë se procesi eurointegrues është proces i pakthyeshëm i cili ka filluar dhe askush nuk mund ta kthejë prapa, as të dërgohet në një tjetër drejtim.
“E vetmja gjë që mund të bëjë është ta ngadalësojë për interes personal, një ngadalësim të tillë e kemi pasur tashmë për 11 vjet, për të cilin kemi kuptuar se askush nuk ka pasur asnjë përfitim, më së paku ata që e kanë penguar procesin. Për këtë arsye ata shprehën shqetësimin për bllokadën që po bën opozita në Kuvend jo vetëm në këtë proces, por edhe në procese të tjera, shtojnë burimet qeveritare.
Sipas tyre kjo është hera e parë që bllokada nuk vjen nga jashtë, por nga brenda, nga opozita, dhe kjo duhet thënë qartë sepse de fakto, është kundër të gjitha proceseve që e çojnë shtetin përpara dhe kjo, siç theksojnë, nuk është proces i një personi ose një partie, por janë vendime dhe procese nga të cilat varet e ardhmja e gjeneratave të tashme dhe të ardhshme.
Nga Qeveria njoftojnë se në VMRO-DPMNE ka individë, deputetë dhe përfaqësues të udhëheqësisë të cilët nuk mendojnë si një pjesë e lidershipit aktual dhe të cilët duan që vendi ta vazhdojë rrugën drejt BE-së dhe ata individë, siç shtojnë, duhet të inkurajohen.
Ata shtojnë se VMRO-DPMNE-ja dhe partitë e tjera opozitare duhet të jenë pjesë e marrjes së këtij vendimi sepse të mos jesh pjesë e vendimeve të tilla është e padenjë për një parti politike, e cila, siç thonë ata, ekziston që nga dita e parë e pavarësisë së shtetit. Nga aty, sqarojnë se nuk kanë diskutuar drejtpërdrejt me deputetët e opozitës, as se si të vendosin, por, thonë se është përgjegjësi e secilit individ që të marrë vendime në interes të qytetarëve.
Një front i tërë kundër ndryshimeve kushtetuese, a po vështirësohet procesi?
Përderisa nga BDI është krijuar parulla për frontin evropian, nga ana tjetër është krijuar një front i tërë kundër ndryshimeve kushtetuese, përmes të cilave edhe hapet rruga për integrim në Bashkimin Evropian. Këtij fronti kundër ndryshimeve kushtetuese i prinë VMRO-DPMNE në krye me Hristijan Mickovskin, të cilët tashmë kanë dalë edhe me vendim të prerë që janë kundër ndryshimeve kushtetuese, dhe nuk do të lejojnë që asnjë deputet nga radhët e kësaj partie të votojnë për këto ndryshime
Por, nuk është VMRO e vetme në këtë front, pasi me qëndrime pothuajse të njëjta janë edhe nga e Majta në krye me Dimitar Apasiev, të cilët edhe pse në numër janë vetëm dy deputet, janë shprehur kategorikisht kundër ndryshimeve kushtetuese.
Në të njëjtin front është edhe deputeti dhe kryetari i partisë Bashkimi Demokratik, Pavle Trajanov, i cili propozon mbajtjen e referendumit për ndryshimet kushtetuese ose organizimin e zgjedhjeve të parakohshme parlamentare.
“Meqenëse janë grupuar më shumë parti politike, LSDM duhet të vlerësojë nëse e kanë mbështetjen e qytetarëve. Kovaçevski duhet të dalë para qytetarëve. Besoj se referendumi apo zgjedhjet janë të nevojshme, por për mua zgjedhjet e parakohshme parlamentare janë më të pranueshme”, tha Trajanov në Sitel. Ai përsëriti qëndrimin e partisë se nuk do t’i dërgojnë përfaqësuesit e tyre në grupin punues për ndryshime kushtetuese, i cili duhet të fillojë debatin nga mesi i këtij muaji.
Nuk janë këto të vetmit, pasi bashkë me këto të lartëpërmendurit është edhe kryetari i partisë GROM, Stevce Jakimovski, të cilët kanë njoftuar se nuk do të marrin pjesë në grupin punues për ndryshime kushtetuese, pas seancës së rregullt të kryesisë së partisë.
“Pas diskutimit të gjerë në të cilin kanë marrë pjesë pothuajse të gjithë anëtarët e kryesisë, qëndrimi i GROM-it është që të mos marrë pjesë në punën e këtij grupi sepse nuk ka nevojë për ndryshime kushtetuese. Ky qëndrim vjen nga korrelacioni mes kushtetutës maqedonase dhe bullgare, ku pakica kombëtare maqedonase nuk ka asnjë të drejtë të garantuar me kushtetutë. Nëse në kushtetutën e tyre nuk ka vend për mbi 200.000 maqedonas në Bullgari, pse duhet të ketë vend në kushtetutën e Maqedonisë vetëm për 3.400 bullgarë të vetëidentifikuar”, thonë nga kjo parti.
Kujtojmë që, të bëhen ndryshimet kushtetuese nevojiten 80 deputetët. Shumica aktuale parlamentare ka vetëm 64, pra i nevojiten edhe 16 deputetë të tjerë, që kjo shpjegon qartazi situatën që pa ndihmën e partive opozitare ndryshimet e tilla nuk do të ndodhin asnjëherë. Prandaj, pritet që “presioni” i SHBA-ve direkt ndaj opozitës të japin efektin e duhur dhe ndryshimet kushtetuese të realizohen dhe të vazhdojë rrugëtimi i vendit drejt BE-së. /Zhurnal.mk
Të rinjtë, të cilët janë pjesë e partive politike që janë futur në garë për zgjedhjet parlamentare që do të mbahen më 8 maj, thonë se janë të lodhur nga frazat se gjërat nuk ndryshojnë në Maqedoninë e Veriut. Për këtë arsye, ata thonë se janë inkuadruar në to, që në mënyrë të drejtpërdrejtë të ndikojnë në vendimmarrje kur bëhet fjalë për interesat e tyre.
Drejtuesit e forumeve rinore brenda katër forcave kryesore politike, Lidhjes Social Demokrate(LSDM), Frontit Evropian të udhëhequr nga Bashkimi Demokratik për Integrim (BDI), koalicioni i partive shqiptare në opozitë VLEN, dhe VMRO DPMNE-ja thonë për Radion Evropa e Lirë se angazhimi i tyre në politikë si prioritet ka ngritjen e cilësisë së jetesës që të rinjtë mos largohen nga vendi.
Por, ata kanë edhe ide inovative, si angazhimi i psikologëve sipas modelit të mjekëve familjarë për çdo të ri, krijimi i zonave ekonomike për bizneset e të rinjve etj.
Jetmir Asani nga Lidhja Demokratike që është pjesë e koalicionit të partive politike shqiptare në opozitë, VLEN, thotë se synim ka hapjen e zonave të lira ekonomike për “start up” kompanitë, që do të drejtohen nga të rinjtë në mënyrë që ata të inkurajohen që me njohuritë e tyre të zhvillojnë biznese në Maqedoninë e Veriut dhe jo jashtë vendit.
“Do të angazhohemi që të rinjtë ta kenë më të lehtë të merren me biznes dhe këtë do ta realizojmë përmes krijimit të zonave të lira ekonomike me shumë lehtësime për të rinjtë që do të merren me biznes”, thotë Asani për Radion Evropa e Lirë(REL).
Në programin për zgjedhjet parlamentare të koalicionit VLEN, për sa i përket të rinjve veç tjerash theksohet se “personat më të rinj se 30 vjeç që hapin biznes në Maqedoninë e Veriut për tre vjet do të lirohen tërësisht nga taksat për realizimin e veprimtarive ekonomike”.
Në programin zgjedhor të koalicionit VLEN është apostrofuar dhe sigurimi linjave kreditore pa normë interesi për blerjen e banesave për çiftet e reja nën moshën 35-vjeçare.
“Kredi me zero interes për banim për çiftet e reja”, theksohet në programin zgjedhor të këtij koalicioni.
Jetmir Asani thekson se në fokus të koalicionit të partive shqiptare në opozitë mbetet dhe heqja e taksës së pagesës për studentët në universitete, gjegjësisht studime tërësisht pa pagesë.
Nga ana tjetër, Marko Mihallovski që drejton forcat e të rinjve te socialdemokratë thotë se prioritet mbetet themelimi i një ministrie për të rinjtë, ndërtimi i një sistemi për mbështetje sociale të të rinjve, si dhe promovimi i rëndësisë që ka shëndeti mendor përkatësisht sigurimi i psikologëve sipas modelit të mjekëve amë.
“Ngritja e standardit jetësor dhe konvikteve për studentët do të jetë angazhimi ynë primar. Do theksuar se këtë e kanë premtuar shumë parti politike përfshirë këtu dhe partinë që përfaqësoj se do të rinovojmë dhe ndërtojmë konvikte të reja, që disi nuk ia dolën. Tani kjo çështje do të jetë në fokus tonin”, thekson Mihajllovski për REL-in.
Në programin zgjedhor të Lidhjes Social Demokrate theksohet se kjo parti do të angazhohet për zhvillimin e softuerit “Youth job – E-Youth job” , nëpërmjet të cilit të rinjtë, gjegjësisht studentët dhe nxënësit e shkollave të mesme do të mund të përfitojnë njohuri për t’u bërë më konkurrues në tregun e punës me këtë dhe krijojnë pavarësi ekonomike.
Në programin e zgjedhjeve parlamentare të socialdemokratëve gjithashtu theksohet se “do të angazhohen për zhvillimin e mekanizmave që të rinjtë ta kenë më të lehtë të jenë pjesë e aktivitetet politike dhe pozitave drejtuese”.
Ndërkaq, nga Koalicioni i Frontit Evropian që udhëhiqet nga Bashkimi Demokratik për Integrim thonë për REL-in se fokusi do të vendoset në përfshirjen e të rinjve në vendimmarrje.
Në programin zgjedhor 2024 të Frontit Evropian, për sa i përket të rinjve, theksohet “nxitja e sipërmarrjes te të rinjtë, si mundësi për ngritjen e cilësisë së jetesës dhe pavarësisë ekonomike në një moshë më të re. Në programin zgjedhor theksohet dhe hartimi i një strategjie për kthimin e të rinjve në vendlindje dhe shfrytëzimin e njohurive të tyre në vend”.
Sergej Popov nga VMRO DPMNE-ja për Radion Evropa e Lire thotë se me prioritet mbetet ndarja e 50 milionë eurove nga buxheti për ndarjen e bursave dhe ndihmave financiare për studentët dhe nxënësit e shkollave të mesme.
Popov thotë se do të angazhohet dhe për sigurimin e kartelave ku të rinjtë do të kenë zbritje për produkte dhe shërbime të caktuara.
“Kemi një program përmbajtjesor të hartuar nga të rinjtë për të rinjtë që më vete përfshin interesat edhe të atyre që jetojnë këtu, po edhe atyre që duhet motivuar për t’u kthyer në vend”, thekson Popov.
Në programin zgjedhor të partisë maqedonase, VMRO DPMNE, theksohet se do të angazhohen që të zhvillohen viset rurale duke vënë theksin në zhvillimin e bujqësisë, përkatësisht do të ofrohen subvencione për çiftet e reja që do të shpërngulen e të kthehen në fshatra.
“Për të mbajtur popullsinë që jeton në zonat rurale, veçanërisht të rinjtë, parashikojmë investime sistematike dhe strukturore në infrastrukturë dhe vende të reja pune në zonat rurale”, theksohet në programin zgjedhor të VMRO DPMNE-së.
Edhe kundrejt ofertave të këtilla të partive politike, më shumë se gjysma e të rinjve nën moshën 29 vjeç të ardhmen e shohin jashtë vendit.Burimi: Radio Evropa e Lirë
Lajme nga vendi
Ambasada e SHBA-ve në RMV: Nga nesër do të dalin rezultatet e lotarisë për viza emigrimi
Ambasada e Shteteve të Bashkuara të Amerikës në Maqedoninë e Veriut dha një lajm të mirë.
Nga atje thonë se rezultatet e lotarisë do të njoftohen nga nesër.
Ndryshe, SHBA-ja çdo vit organizon lotari përmes së cilës kandidatët e interesuar nga e gjithë bota kanë mundësi të marrin vizë emigrimi.
Nëse keni aplikuar, nga nesër do të mund të kontrolloni nëse jeni në mesin e të përzgjedhurve./Telegrafi/
https://www.facebook.com/share/p/UFNgHsrVjrskH58b/?mibextid=oFDknk
Lajme nga vendi
Kompanitë e sigurimeve në Maqedoni reagojnë për shtyrjen e rritjes së çmimit të polisave
Analiza nuk merr parasysh dëmet e rezervuara dhe nuk bën një projeksion të ndikimit inflacioniste në to në vitet në vijim – gjë që është kyçe për një biznes me bisht të gjatë, pra shërbimin e dëmeve jomateriale në afat të gjatë.
Analiza nuk merr fare parasysh pjesën e kryerjes së aktivitetit dhe nuk mbështetet nga llogaritjet aktuariale dhe projeksionet e kostos.
Analiza përmban dispozita të përgjithshme interpretuese dhe pohime të bazuara në opinion dhe jo në fakte, RMV është një nga vendet e pakta ku shteti ka ende një funksion në përcaktimin e çmimit për AO të detyrueshme pavarësisht se është një ekonomi tregu. BE-ja çdo vit në Raportin e progresit të vendit përmend se kjo ndërhyrje shtetërore është në kundërshtim me rregulloren evropiane dhe se çmimi duhet të përcaktohet nga tregu i lirë, pra të bëhet liberalizimi i këtij tregu.
Me vendimin e miratuar nga Komisioni i Auto-përgjegjësisë, kufizohet pjesa e kryerjes së veprimtarisë, përkatësisht shpenzimet dhe vendoset kontroll 100% shtetëror mbi çmimet e autopërgjegjësisë. Me këtë po largohemi nga parimet e Bashkimit Europian dhe rregullat e ekonomisë së tregut.
Çka premtojnë të rinjtë e angazhuar në politikë?
Dënohet sulmi në Banjskë, Parlamenti britanik miraton mocionin e Alicia Kearns për Kosovën
Ambasada e SHBA-ve në RMV: Nga nesër do të dalin rezultatet e lotarisë për viza emigrimi
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve