Lajme nga vendi
Lloga: Demokracia varet nga liria e shprehjes dhe pavarësia e mediave
![](https://tetovaexpres.com/wp-content/uploads/2023/05/1.jpeg)
Demokracia varet nga liria e fjalës dhe pavarësia e mediave, ka shkruar ministri i Drejtësisë, Krenar Lloga, në urimin deri te të gjithë gazetarët, videografët, fotoreporterët, mediat dhe punonjësit e mediave, me rastin e 3 Majit – Ditës Botërore të lirisë së mediave.
“Gazetarët duhet të punojnë me profesionalizëm dhe përgjegjësi dhe të jenë të liruar nga çdo lloj presioni. Gazetari e lirë është e barabartë me gazetari cilësore. Media të lira dhe të pavarura janë të domosdoshme për promovimin dhe mbrojtjen e demokracisë në të gjitha segmentet në shoqëri. Qytetarët kanë nevojë për informata të sakta, në kohë dhe të verifikuara. Vetëm një gazetari cilësore, e përgjegjshme dhe etike mund të sjellë deri në zhvillim të demokracisë, gjithëpërfshirjes dhe shoqëri rezistuese. Apeloj, të gjithë së bashku t’u kundërvihemi dezinformatave, të cilat kanë për qëllim të krijojnë një pasqyrë të rrejshme në shoqëri dhe panik te qytetarët”, udhëzoi Ministri i Drejtësisë, Krenar Lloga.
Me qëllim të përmirësimit të gjendjes, Ministria e Drejtësisë nëpërmjet të ndryshimeve ligjore për përgjegjësi qytetare për fyerje dhe shpifje, mundësoi të garantohet liria e shprehjes. Me këtë ligj ulet në mënyrë drastike masa e gjobave për punonjësit e mediave për dëmin e shkaktuar nga fyerja apo shpifja.
Me ndryshimet në Kodin Penal, sulmi ndaj gazetarit dënohet si sulm ndaj zyrtarit.
“Qeveria në periudhën e ardhshme do të fokusohet edhe në përmirësimin e gjendjes në këtë sferë për të mundësuar ecurinë e pavarur, profesionale dhe dinjitoze të profesionit të gazetarit”, potencojnë nga Ministria e Drejtësisë.
Lajme nga vendi
Paraburgim për një 31 vjeçar nga Shkupi, dyshohet për tentim për përdhunim
![](https://tetovaexpres.com/wp-content/uploads/2024/09/paraburgim_Pritvor-780x470-1.jpg)
Prokuroria Themelore Publike (PTHP) Shkup ka lëshuar urdhër për zhvillimin e procedurës hetuese ndaj personit për të cilin ekziston dyshimi i bazuar se ka kryer vepër penale sulm seksual dhe dhunim nga neni 186 paragrafi 1 lidhur me nenin 19 (në tentativë ) të Kodit Penal.
“Më 5 shtator, 31-vjeçari ka sulmuar një grua në Kisella Vodë dhe në kundërshtim me vullnetin e saj të shprehur qartë, ka tentuar qëllimisht të kryejë akte seksuale ndaj saj. Viktima ka qenë duke ecur në drejtim të shtëpisë së saj dhe pasi ka kaluar në vendkalimin për këmbësorë në bulevardin “Boris Trajkovski” afër komunës Kisella Boda, i dyshuari e ka kapur me të dyja duart dhe ka tentuar ta tërheqë zvarrë në një rrugë anësore. Ai e shtyu dhe tentoi ta sulmonte seksualisht. Gruaja vazhdonte të bërtiste, të kërkonte ndihmë dhe përpiqej të çlirohej, ndërsa kur njerëzit filluan të mblidheshin, i dyshuari e la të ikte pa e arritur qëllimin e tij”, thuhet në njoftimin e lëshuar nga PTHP-ja.
Prokurori publik kompetent i ka dorëzuar gjyqtarit të procedurës paraprake propozim për caktimin e masës së paraburgimit për të dyshuarin, me të cilin ka deklaruar se ekziston rreziku që ai të ikë, të pengojë procedurën penale ose të përfundojë tentativën e veprës penale. Gjykata themelore penale e Shkupit e ka pranuar propozimin dhe të dyshuarit i është shqiptuar masa e paraburgimit në kohëzgjatje prej 30 ditësh.
Lajme nga vendi
Durmishi: Ministria e Ekonomisë dhe Punës ndan mjete financiare për realizimin e programit (projektit) për mbrojtjen e konsumatorëve
![](https://tetovaexpres.com/wp-content/uploads/2024/09/thumbnail.jpg)
Ministria e Ekonomisë dhe Punës, në përputhje me përkushtimin e saj për mbrojtjen e të drejtave të konsumatorëve, shpalli sot thirrje publike për ndarjen e mjeteve financiare për realizimin e programeve dhe projekteve nga shoqatat e konsumatorëve në kuadër të Programit për mbrojtjen e konsumatorëve për vitin 2024. Mjetet financiare nga ky Program janë të dedikuara për realizimin e programeve dhe projekteve nga shoqatat e konsumatorëve. Përmes kësaj mbështetjeje financiare, Ministria e Ekonomisë dhe Punës ndan mjete financiare për realizimin e programit (projektit) për mbrojtjen e konsumatorëve në vlerë prej 300.000,00 denarë deri në 500.000,00 denarë në përputhje me propozim programet (projektet) e dorëzuara për mbrojtjen e konsumatorëve deri në shterimin e mjeteve financiare të parashikuara për këtë thirrje, të organizatave joqeveritare për mbrojtjen e konsumatorëve për sigurimin e informacioneve dhe ndihmës për konsumatorët.Kjo iniciativë është pjesë e përpjekjeve tona të vazhdueshme për të përmirësuar cilësinë e jetës së të gjithë qytetarëve dhe për të forcuar mbrojtjen dhe të drejtat e tyre.Inkurajojmë të gjitha shoqatat e konsumatorëve që të shfrytëzojnë këtë mundësi dhe të aplikojnë për mbështetje financiare që do t’u mundësojë atyre të realizojnë projekte të rëndësishme për të mirën e konsumatorëve. Kjo thirrje është dëshmi e përkushtimit tonë për transparencë, drejtësi dhe gjithëpërfshirje në krijimin e politikave që përmirësojnë kushtet e jetesës së të gjithë qytetarëve.Më shumë informacione për kushtet e aplikimit, shumën e mjeteve financiare dhe afatin për dorëzimin e kërkesave mund të gjeni në ueb-faqen tonë www.economy.gov.mk.Sektori i Koordinimit të aktiviteteve të ministrit
Ju bëjmë thirrje të kontribuoni bashkërisht në forcimin e të drejtave të konsumatorëve në vendin tonë. Afati përfundimtar për dorëzimin e aplikimeve është jo më vonë se ora 16:00 më 20.09. të vitit 2024.Tv Koha
Lajme nga vendi
Gjendet një trup i pajetë brenda një hoteli në Tetovë
![](https://tetovaexpres.com/wp-content/uploads/2024/09/policia-mk-stop-780x439-1.webp)
Me datë 05.09.2024 në ora 11:40, në SPB Tetovë nga Emergjenc Mjekësore e Tetovës kanë raportuar se në një hotel në Tetovë ndodhet një person i vdekur, i cili nga mjeku i Mjekësisë Emergjente ka konstatuar vdekjen pa shenja dhune.
“Është konstatuar se bëhet fjalë për P.J.R (68) nga Britania e Madhe. Prokurori publik dhe zyrtarët policorë nga SPB- Tetovë kanë kryer këqyrje në vendin e ngjarjes dhe me urdhër të Prokurorisë Publike, trupi i pajetë i të ndjerit është dorëzuar për obduksion”, thuhet në kumtesën e SPB Tetovë.
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve