Takimi i mbrëmshëm i krerëve të koalicionit VLEN ka përfunduar pa asnjë rezultat konkret. Arben Taravari nga Aleanca për Shqiptarët nuk mori pjesë në bisedimet që u zhvilluan mes liderëve të koalicionit, përfshirë Izet Mexhitin, Bilall Kasamin dhe Zeqirja Ibrahimin. Në tryezën e bisedimeve ishin gjithashtu deputeti i pavarur Bekim Qoku, si dhe dy përfaqësues të Aleancës për Shqiptarët: deputeti Halil Snopçe dhe zëvendëskryeministri Arben Fetai, raporton Klan Maqedoni.

Takimi, që zgjati më shumë se tre orë, nuk arriti të prodhojë asnjë dakordësi konkrete. Qëndrimet e palëve mbetën të paqarta, pasi njëra palë kërkonte informacione për ndarjen e komunave dhe listave zgjedhore, ndërsa pala tjetër kërkonte garanci të forta që Taravari nuk do të mbështeste BDI-në.

Pavarësisht bisedimeve të gjata, palët janë pajtuar vetëm për një gjë – të zhvillojnë një takim të radhës në ditët në vijim. Më herët gjatë ditës, Taravari pranoi atë që kishte mohuar deri tani: 40% të “kulaçit” të marrë, ndërkohë që kishte deklaruar se ishte informuar vetëm përmes mediave për shkrirjen e VLEN-it në një parti të vetme.

“Sot pata kënaqësinë të mirëpres Ambasadoren e Republikës së Kroacisë, znj. Nives Tiganj, me të cilën zhvilluam një takim të frytshëm dhe miqësor.
Theksuam rëndësinë e respektimit të Marrëveshjes së Ohrit si një gurthemel për stabilitetin dhe bashkëjetesën ndëretnike në vend. E vura në dukje zbatimin e Ligjit për përdorimin e gjuhëve, si një nga rezultatet më të prekshme të kësaj marrëveshjeje historike, dhe nevojën për zbatim të plotë e të barabartë në të gjitha institucionet.
Po ashtu diskutuam mbi rrugëtimin e Republikës së Maqedonisë së Veriut drejt anëtarësimit në Bashkimin Evropian, me theks të veçantë mbi bashkëpunimin përmes projekteve Twinning, të cilat përbëjnë një urë të rëndësishme për afrimin me standardet evropiane. Realizimi i 18 projekte aktive të përbashkëta mes vendit tonë dhe Kroacisë, kontribuojnë drejtpërdrejt në forcimin e institucioneve dhe përgatitjen për integrimin evropian.
Falënderoj Shkëlqesinë e Saj për mbështetjen e vazhdueshme të Kroacisë në rrugëtimin tonë evropian dhe për partneritetin e sinqertë mes dy vendeve tona” ka shkruar Ahmeti

Në rrugën “Nexhat Agolli” kanë vijuar punimet infrastrukturore me fillimin e gryrjes së asfaltit, pas përfundimit të instalimit të rrjetit të ri të kanalizimit fekal.

Ky proces është pjesë e përgatitjeve për vendosjen e rrjetit të ri të ujësjellësit, nga i cili do të përfitojnë mbi 50 amvisëri të zonës. Pas përfundimit të instalimeve nëntokësore, do të realizohet edhe asfaltimi përfundimtar i rrugës.

Ky projekt është pjesë e investimeve të vazhdueshme që Komuna e Çairit po realizon në funksion të modernizimit të infrastrukturës publike dhe përmirësimit të kushteve të jetesës për qytetarët.

Çairi po ndryshon çdo ditë, me projekte konkrete dhe zbatim të përgjegjshëm institucional.