Lajme nga rajoni
Kosovë, me protestë u kërkua drejtësi për viktimat e dhunës në familje
Dita e Gruas sot në Kosovë nisi me protestë para Pallatit të Drejtësisë. Kolektivi “Marshojmë, s’festojnë“ nga hapësirat e Pallatit nisën marshin protestues përmes të cilit kërkuan drejtësi për gratë e dhunuara, transmeton Syri.net.
“Vrasjet e grave janë të paralajmëruara”, “Siguri për gra në hapësira private e publike”, “Poshtë patriarkati”, “Edhe sa gra të vrara”, “Gjykata i ka duart me gjakun e grave”, ishin disa nga pankartat që e përfaqësonin këtë protestë.
E mbijetuara e dhunës në familje, Elmedina Hajdari u shpreh se sot përmes kësaj proteste kërkon drejtësi për të gjitha gratë e dhunuar të cilat shpesh bëhen siç tha ajo fajtore për dhunën që përjetojnë.
Ajo tha se për shkak të neglizhencës nga Policia dhe Prokuroria shumë raste të raportuara të dhunës nuk janë hapur.
“Si e mbijetuar e dhunës në familje, kam raportuar rastin në vitin 2021 dhe ka 2 vite që po luftojë për drejtësi. Prej që kam raportuar rastin ne 2021, u bënë dy vite që kur po luftojë për drejtësi dhe të drejtat e mija. Për afër dy vite nga urdhër mbrojtja shkak I dhunës psikike sistematike unë qëndroj sot para jush si e mbijetuar e dhunës dhe si një grua e cila ka hasur në shumë dhunë e padrejtësi, jo vetëm prej dhunuesit, por edhe prej shtetit. Unë jam dëshmitare e neglizhencës, mosbesimit dhe padrejtësive të vazhdueshme që u bëhen grave nga Policia, Prokuroria e Gjykata. Mjafton tu përmendi që në Polici janë shumë raste që nuk janë hapur për shkak të neglizhencës të Policisë dhe Prokurorisë“, tha ajo.
E mbijetuara e dhunës në familje, Elmedina Hajdari, u shpreh se përkundër provave të mjaftueshme Gjykata Themelore në Drenas ish bashkëshortin që ndaj saj ushtroi dhunë sistematike e dënoi me dënim të ulët.
Ajo u shpreh se aktualisht është në pritje të vendimit nga gjykata për dhunën që vëllai i ish-bashkëshortit kishte ushtruar ndaj saj, për çka pret dënim meritor.
Hajdari theksoi se nëse nuk ka drejtësi në Kosovë lëndën e saj do ta dërgojnë në organet e drejtësisë jashtë vendit.
“Përkundër provave të vazhdueshme që i kam ofruar në gjykatë për dhunën që po bëhej e vazhdon të më bëhet dënimi që ish bashkëshorti ka marr nga Gjykata Themelore e Drenasit është tepër i ulët….Unë nuk jam dorëzuar dhe nuk do të dorëzohem kurrë, dhe thërras çdo grua që të luftojë dhunën dhe mos ta mbajë të fshehur brenda burrave sepse nuk është marre për neve gratë që të raportojmë për dhunuesit që përdorin dhunë. Fjala e fundit e imja është edhe nëse gjykata ku jetoj, jep vendimin jo meritor dhe më paragjykon mua si grua, do të kërkoj drejtësi në gjykatat e Apelit dhe Supreme dhe nëse nuk ka drejtësi në shtetin tonë në Kosovë lëndën time do ta dërgoj jashtë vendit”, u shpreh ajo.
E mbijetuara për dhunë në familje, Elmedina Hajdari kërkoi mbështetje për luftën e grave për të jetuar pa dhunë.
Marshi protestues i cili nisi nga Pallati i Drejtësisë ka vazhduar drejt objektit të Qeverisë së Kosovës
Lajme nga rajoni
“Vuçiç po mashtron Perëndimin”, Kurti: Qëllimi i Serbisë është hakmarrja, duhet të jemi të përgatitur për këtë
Kryeministri i Kosovës, Albin Kurti ka thënë se elita politike në Beograd nuk ka hequr dorë nga projekti i Serbisë së Madhe. Kurti thotë se Vuçiç thjesht po e mashtron Perëndimin.
“Aspak, Vuçiç thjesht po mashtron Perëndimin. Elita që dominon vendin nuk ka hequr dorë kurrë nga projekti i Serbisë së Madhe. Thjesht quhet diçka ndryshe tani, domethënë ‘Bota Serbe’”. Kjo do të thotë bashkim i të gjithë serbëve në një vend. Kjo do të nënkuptonte shpërbërjen e Bosnje-Hercegovinës, Malit të Zi dhe Kosovës”, ka thënë Kurti për gazetën zvicerane NNZ.
Kurti ka thënë se qëllimi i Serbisë është hakmarrja, dhe Kosova duhet të jetë e përgatitur.
Thjesht duhet të dëgjoni me kujdes se çfarë po thotë Vuçiç, vazhdon Kurti. “Për shembull, kur bëhet fjalë për Kaukazin e Jugut. Në vitin 2023, presidenti serb vlerësoi veprimet e Azerbajxhanit për “kthimin në shtëpi” të Nagorno-Karabakut. Zona shpalli në mënyrë të njëanshme pavarësinë në 1991. Presidenti i Azerbajxhanit Ilham Aliyev më pas mori kohën e tij. Ai u përqendrua në zhvillimin e ekonomisë dhe riarmatosi sistematikisht ushtrinë. Vetëm kur situata gjeopolitike e lejoi, ai goditi dhe rifitoi zonën. Durimi, sipas Vuçiçit, shpërblehet.
“Kjo është pikërisht ajo që Vuçiç dëshiron të bëjë me Kosovën”, thotë Kurti. Ushtron edhe durim strategjik, por synimi mbetet hakmarrja. Ne duhet të jemi të përgatitur për këtë”, citohet të ketë thënë ai.
Lajme nga rajoni
11 persona janë arrestuar për shkak të tragjedisë në stacionin hekurudhor në Novi Sad
Prokuroria e Lartë Publike në Novi Sad njoftoi sot se gjithsej 11 persona janë arrestuar dhe ndaluar në lidhje me tragjedinë në Novi Sad, kur 15 persona humbën jetën dhe dy u plagosën rëndë nga rënia e tendës së stacionit hekurudhor në atë qytet. .
“Pas grumbullimit të të gjitha informacioneve dhe analizës së detajuar të të gjithë dokumentacionit të nevojshëm, bisedave me një numër të madh qytetarësh, si dhe pas ekspertizës së kryer për të përcaktuar shkakun dhe rrethanat në të cilat ka rënë tenda, e cila iu dorëzua prokuroria më 20.11.2024 dhe njohja me konstatimet dhe mendimin e ekspertit nga profesioni i ndërtimit, dhe me urdhër të Prokurorisë së Lartë Publike në Novi Sad, më 21.11.2024 Vitin e kaluar janë arrestuar dhe ndaluar gjithsej njëmbëdhjetë persona për ekzistimin e dyshimit për përgjegjësi – thuhet në njoftimin e Zyra e Prokurorit të Lartë Publik në Novi Sad.
Janë ndaluar gjithsej njëmbëdhjetë persona, për shkak të shkaqeve të dyshimit: J.T., G.V. A.D dhe N.Sh kanë kryer vepër kundër sigurisë së përgjithshme nga neni 288 paragrafi 2 i Kodit Penal në lidhje me veprën e shkaktimit të rrezikut të përgjithshëm nga neni 278 paragrafi 3 i Kodit Penal, ndërsa të dyshuarit S.N. M.J., LJ.MM., M.S., D.J., M.G. dhe D.T. kanë kryer vepër penale të rëndë kundër sigurisë së përgjithshme nga neni 288 paragrafi 2 i Kodit Penal në lidhje me veprën penale “Kryerja e parregullt dhe e parregullt e punëve ndërtimore” nga neni 281 paragrafi 1 i Kodit Penal.
Për krimet e përmendura është paraparë dënim me burg prej 2 deri në 12 vjet, raportojnë mediat serbe.
Onur Gjunaj, djali i kryetarit të komunës së Güzelbahçes (pjesë e qytetit të Izmirit), ka ndërruar jetë nga një atak në zemër në Shkup, raportojnë mediat turke.
Lajmin për vdekjen e ka konfirmuar në rrjetet sociale babai i tij dhe kryebashkiaku Mustafa Gjunaj.
Kemi dhimbje të mëdha, humbëm djalin Onurin nga një atak kardiak. Informacionet për ceremoninë mortore do të shpërndahen. Nuk mund t’i pranoj telefonatat tuaja sepse nuk mund t’i përgjigjem telefonit. “Faleminderit për mirëkuptimin”, ka shkruar babai dhe kryetari i komunës Güzelbahçe, Mustafa Gjunaj.
Ministria e Kulturës dhe Turizmit shpalli konkursin për Qytetin e Kulturës për vitin 2025
Gashi për ditën e Alfabetit: E vlerësoj këtë festë dhe gjuhën shqipe si gurthemel të shoqërisë dhe diversitetit etnik
Kina hapi dyert, qytetarët nga Maqedonia dhe 8 vendeve të tjera do të mund të udhëtojnë pa viza
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve