Policia Financiare po zhvillon një operacion për kapjen e një tjetër personi të dyshuar për lidhje me rastin “Lotaria Shtetërore”.

Autoritetet kanë bërë të ditur se do të publikojnë detaje pasi hetimet për këtë person të dorëzohen në Prokurori.

Në seancën e Kuvendit, për pyetje të deputetëve, ministrja e Financave, Gordana Dimitrieska Koçovska, konfirmoi se personi i ndaluar është i akuzuar për keqpërdorim të buxhetit.

Ndërkohë, kryeministri Hristijan Mickoski deklaroi se ka marrë informacione të reja gjatë seancës.

Ai theksoi se lista e personave të arrestuar për keqpërdorimet në Lotari po zgjerohet dhe se individë të tjerë janë identifikuar dhe do të përballen me drejtësinë, përfshirë paraqitjen e tyre para prokurorit dhe gjyqtarit.

Advertisement

Ministri i Ekonomisë dhe Punës, Besar Durmishi, sot është takuar me ministrin e Tregtisë së Turqisë, Omer Bolat, i cili ndodhet për një vizitë njëditore në Maqedoninë e Veriut. Në takimin që u mbajt në Ministrinë e Ekonomisë dhe Punës, të dy ministrat diskutuan për marrëdhëniet tregtare dhe ekonomike ndërmjet Turqisë dhe Maqedonisë së Veriut, si dhe për zhvillimin dhe thellimin e këtyre marrëdhënieve.Siç theksoi ministri Durmishi në këtë takim, Republika e Turqisë është ndër partnerët tanë më të rëndësishëm tregtarë dhe një vend që vazhdimisht investon në ekonominë e Maqedonisë në sektorë të ndryshëm si një partner strategjik investues.“Të dhënat e shkëmbimit tregtare tregojnë se Republika e Turqisë vitin e kaluar u rendit e 7-ta në listën e vendeve me të cilat Republika e Maqedonisë së Veriut ka vëllimin më të madh të shkëmbimit tregtar. Shpresoj që në periudhën e ardhshme ky bashkëpunim të thellohet edhe më shumë”, tha Durmishi në takim dhe shtoi se në dhjetë muajt e parë të vitit 2024, këmbimi i përgjithshëm tregtar ndërmjet Maqedonisë së Veriut dhe Turqisë arrin në 747.5 milionë euro, që është një rritje prej 10.4% krahasuar me 10 muajt e parë të 2023Ministri Durmishi nënvizoi se investimet turke në Maqedoni gjithsej janë rreth dy miliardë euro. Investitorët turq përbëjnë 38 për qind të totalit të investimeve të huaja në vend. Turqia është partneri ynë i pestë për sa i përket investimeve dhe i shtati për sa i përket tregtisë.Në takim u theksua se bashkëpunimi ekonomik mes dy vendeve është i mirë, por kapacitetet nuk shfrytëzohen sa duhet. Duhet të punohet për ndërlidhje ndërmjet kompanive të vogla dhe të mesme në pothuajse të gjithë sektorëtPalët në këtë takim iu referuan edhe për mundësive për bashkëpunimit mes dy vendeve, ku një herit u bë apel për rritjen e investimeve.Dy ministrat diskutuan edhe për pjesëmarrjen më të madhe të kompanive turke në projektet e infrastrukturës dhe energjetikës maqedonase me qëllim të rritjes së Sektori i Koordinimit të aktiviteteve të ministrit Сектор за координација на активностите на министерот
investimeve në Maqedoninë e Veriut.

Kryetari i Komunës së Gostivarit, Valbon Limani, deklaroi se me 30 dhjetor Këshilli Komunal i Gostivarit, e ka seancën kur do të shqyrtohet Buxheti Komunal për vitin 2025. Sipas tij, Buxheti Komunal për vitin 2025 është 25 milion euro dhe do të jetë buxheti më i madh që e ka pasur deri më tani Komuna e Gostivarit.
“Ky buxhet i cili premton zhvillim lokal dhe premton projekte tjera të cilat kanë të bëjnë me arsimin dhe ambientin jetësor por edhe disa masa tjera të cilat do t’i propozoj për herë të parë. Siç është 6.000 denarë për çdo fëmijë të lindur në komunën e Gostivarit, gjithashtu do të ketë ndihmë për të gjithë nxënësit që do të regjistrohen në klasën e parë, do të ketë subvencione për inverter dhe biçikleta. Në projektin e Buxhetit për vitin 2025 dhe do të ketë masa tjera të cilat do të ndihmojnë dukshëm në Komunën tonë”, nënvizoi Limani.
Ai shtoi gjithashtu se Komuna e Gostivarit ka paraparë ndarje të buxhetit edhe për Akademinë shqiptare.