Lajme nga vendi
Paralajmërohet rikonstruimi i bulevardit “Ilinden” në dalje të Tetovës për në Gostivar
Zgjerimi dhe rivitalizimi i bulevardit “Ilinden” nga rreth-rrotullimi afër Universitetit të Evropës Juglindore i cili lidhet me pikë-pagesën dhe autostradën për në Gostivar është në planin e Komunës së Tetovës për këtë vit. Por, nuk dihet nëse e njëjta do të realizohet në tërësi sivjet, pasi do të varet nga sigurimi i mjeteve financiare. Nga Ndërmarrja Publike “Rrugët Shtetërore” thonë se kjo pjesë e rrugës e cila lidhet me autostradën, është nën juridiksion të Komunës së Tetovës, shkruan Portalb.mk.
Kjo pjesë e bulevardit të “Ilindenit” nuk është e sinjalizuar siç duhet, mungon ndarja e bulevardit në të dy kahjet, në disa pjesë mungon ndriçimi publik si dhe probleme të tjera infrastrukturore.
Pasi që kjo pjesë e bulevardit është në dalje të qytetit dhe lidhet me autostradën Tetovë-Gostivar, pyetëm në Ndërmarrjen Publike “Rrugët Shtetërore”, ata topin e hedhin te Komuna.
“Seksioni lëndor për të cilin ju bëni pyetjen, rruga “Ilindenska”, nuk është pjesë e rrjetit rrugor shtetëror dhe është nën juridiksionin e komunës”, thanë nga NP “Rrugët Shtetërore”.
Nga ana tjetër, Komuna e Tetovës njofton se për rivitalizimin dhe zgjerimin e bulevardit “Ilinden” (nga rreth-rrotullimi afër Universitetit të Evropës Juglindore deri te pikë-pagesa për në dalje të Tetovës, e cila lidhet me autostradën) Komuna e Tetovës ka projekt të përgatitur.
“I njëjti është paraparë në Programin e punës për vitin 2023, kurse realizimi i projektit në fjalë do implementohet pasi të sigurohen mjetet financiare”, thane nga Zyra për informim e Komunës së Tetovës.
Memet Jonuzi, udhëheqës i Sektorit për veprimtari komunale në Komunën e Tetovës sqaron se për bulevardin e “ilindenit” prej te rreth-rrotullimi prej te UEJL deri te mbikalimi, së bashku me rrugën servisore, projekti kap shumën prej 40 milionë denarëve, i cili kap të gjithë fazat, përfshin rikonstruimin e rrugës, kanalizim atmosferik, elektriken dhe sinjalizimin.
“E gjithë kjo ka të bëjë me një gjatësi prej 390 metra gjatësi, është i formuar projekti me dy korsi të ndara nga 7 metra e gjysmë, kemi gjelbërimin në mes nj metër dhe trotuaret që janë të përfshira në të dy anët nga katër metra gjerësi”, sqaron Jonuzi.
Por, sipas tij gjendja financiare e Komunës mbetet problematike.
“Komuna siç e dini është me borxhe dhe buxheti i komunës është i limituar, mendojmë të shfrytëzojmë burime tjera që kanë të bëjnë me disa organizata ndërkombëtare dhe institucione vendore që ne të aplikojmë, edhe nga vetë Qeveria, ose do të provojmë edhe në formën e kredisë që të sigurojmë mjetet për realizimin e saj. Kjo nuk do të thotë se ne si tërësi këtë ta realizojmë, por jemi të interesuar që komplet si projekt të fillon, ta ketë nisjen dhe në bazë të asaj varësisht prej mjeteve që do të kemi dhe që do të bëjmë rebalancin gjatë këtij viti mendojmë që të paktën të fillohet mandej të ketë edhe përfundimin”, theksoi Jonuzi.
Ky projekt i Komunës përfshin pjesën prej te rreth-rrotullimi deri te mbikalimi së bashku me rrugën servisore, ku lidhet pjesa që vjen prej Gostivarit, ndërsa siç tha Jonuzi pjesa tjetër i takon autostradës dhe i takon Rrugëve Shtetërore.
“Me ndërtimin e Qarkores e qytetit të Tetovës, autostrada A2, pjesa e rrugëve rajonale që kalonin nëpër qytetin e Tetovës automatikisht brenda 6 muajve do të kalojë në juridiksionin e komunës sipas Rregullores për kategorizimin e rrugëve publike. Në vitin 2021, Ndërmarrja Publike për Rrugë Shtetërore, përmes Marrëveshjes me Ndërmarrjen Publike për Mirëmbajtjen dhe Mbrojtjen e Rrugëve Magjistare dhe Regjionale, ka bërë përmirësimin e rrugës në rampën hyrëse nga kryqëzimi “Tetova Jug””, thanë nga NP “Rrugët Shtetërore”.
Kujtojmë që zëvendëskryeministri i parë, Artan Grubi para dhjetë ditësh njoftoi se Qeveria ka nënshkruar marrëveshje me kompaninë “Bechtel Enka” për të ndërtuar autostradën e Korridorit 8 në tërësi. Sipas tij, do të rrënohet tërësisht rruga aktuale Tetovë-Gostivar dhe do të ndërtohet autostrada me nga tre korsi në secilën anë që do të lidhet pastaj edhe me autostradën Gostivar-Kërçovë. Si edhe një rrugë anësore që do të lidh fshatrat nga Tetova në Gostivar.
Përndryshe, në muajin nëntor të vitit të kaluar, kryetari i Komunës së Tetovës, Bilall paralajmëroi se kanë filluar punët për vazhdimin e dy bulevardeve, “Ilindenit” dhe “Industrialit” nga pjesa e cila del në rrugën rajonale Tetovë-Jazhincë.
Tetova ka katër bulevarde, “Iliria”, “Ilinden”, “Industrial” dhe “Bllaogoja Toska”- lidhja e të të cilit nga shkolla tekstile me pjesën afër spitalit pritet të përfundojë në pranverë. Hapja e tre bulevardeve “Ilindenit”, “Industrial” dhe “Bllagoja Toskës” është edhe pjesë e Programit Zgjedhor 2021-2025 për Tetovën të kryetarit aktual të Komunës së Tetovës.
Për vetëm dy orë dhjetëra aeroplan me mërgimtar shqiptarë kanë aterruar në aeroportin Ndërkombëtar të Shkupit. Të gëzuar që erdhën në vendlindje, me bluza me mbishkrimin ‘Ndryshimi VLEN’, ata thonë se kemi ardhur ta bëjmë ndryshimin në vendin tonë ditën e nesërme.
Në aeroport mërgimtarët u pritën nga Bilall Kasami, kryetar i Lëvizjes BESA.
Më 18 prill në Maqedoninë e Veriut ka filluar fushata zgjedhore për zgjedhjet kuvendare, të cilat do të mbahen më 8 maj. Fushata zgjedhore përfundon sot, ndërsa nga mesnata nis edhe heshtja zgjedhore.
Ju sjellim disa nga aktivitetet e koalicioneve më të mëdha në ditën e fundit të fushatës.
LSDM dhe koalicioni “Për ardhmëri Evropiane” mbajti tubim në Strumicë. Kreu i kësaj partie. Dimitar Kovaçevski tha se të gjithë qytetarët që dalin për të votuar më 8 maj, do të duhet të kenë parasysh se vota për LSDM-në është votë për të nesërme dhe të ardhme më të mirë.
“Nëse ata vijnë në pushtet, mbani mend këto fjalë. Deri në vitin 2030 do t’i shihni, Malin e Zi dhe shtetet e tjera se si ulen në karriget e tyre në Bruksel, ndërsa e jona, përsëri me VMRO-në në pushtet, do të mbetet e zbrazët. Pastaj, do t’i fajësojnë qytetarët brenda, do t’i fajësojnë fqinjët jashtë dhe në fund do të jetë fajtore vetë BE-ja, siç ishte fajtore prej vitit 2006 deri në vitin 2017. Mi mbani mend fjalët, ka inçizim nga ky fjalim, do ta ridëgjojmë dhe rishikojmë shumë herë”, u shpreh Dimitar Kovaçevski, LSDM.
Dragan Kovaçki nga VMRO-DPMNE u bëri thirrje të gjithë qytetarëve që më 8 maj të votojnë për opsionin që siç tha ai, do ta kthejë shtetin në duart e qytetarëve.
“Për dy ditë prej sot, të mërkurën, votohet. Për dy ditë qytetarët do të kenë mundësi të zgjedhin mes Maqedonisë së poshtëruar, plaçkitur e shkatërruar dhe Maqedonisë dinjitoze, Maqedonisë që ndërtohet dhe ku ligjet vlejnë për të gjithë njësoj. Prandaj prej këtu, prej Karbincit patriotik, bëj thirrje për kohezion, unitet, për unitet maqedonas, për unitetit shoqëror, për unitetit nacional. Të jemi krenarë dhe me unitet, ta kthejmë Maqedoninë në duart e qytetarëve. Ju ftoj të gjithëve të dilni dhe të votoni për numrin 2″, theksoi Dragan Kovaçki.
Fronti Evropian zhvilloi takim me përfaqësuesit e Odës ekonomike të Maqedonisë Veriperëndimore ku është folur lidhur me implementimin e programit të Odës në programin e frontit dhe qeverisë.
“Konstatuam bashkërisht që në aspekt të programit ekonomik shumë gjëra na bashkojnë me odën ekonomike të Maqedonisë Veriperëndimore dhe natyrisht që ngelet që bashkërisht t’i implementojmë këto politika në të mirë të të mirës së përgjithshme, në të mirë të zhvillimit të vendit, në të mirë të hapjes dhe vazhdimit të rrugëtimit drejt Bashkimit Evropian dhe në të mirë të qytetarëve të këtij vendi”, tha Ziadin Sela.
Ndërsa Koalicioni VLEN sonte ka mbajtur tubimin përmbyllës në Tetovë. Prej atje, liderët e këtij koalicioni kërkuan mbështetjen e qytetarëve më 8 maj.
“E di që ju kemi lodhur edhe juve, pasi me leje e pa leje kemi trokitur në çdo derë, por mikpritja e juve ka qenë e jashtëzakonshme. Me thënë të vërtetën na keni shtuar përgjegjësinë edhe më shumë. Me besë premtoj se unë dhe ekipi i VLEN-it, kur ta bëjmë qeverinë tash së shpejti pas 2-3 ditëve, do të vrapojmë edhe më fuqishëm sesa në fushatë. Nuk do të rahatohemi në kolltuqe. Kjo fushatë ishte një nevojë e paharrueshme”, u shpreh Arben Taravari nga Koalicioni VLEN./Telegrafi/
“Me besë premtoj se unë dhe të gjithë prijësit e VLEN-it, kur të bëjmë Qeverinë, do të vrapojmë edhe më fort se në fushatë”, ky ishte premtimi i parë publik që Arben Taravari e bëri në tubimin madhështor në Tetovë, duke shtuar se pas 8 majit ata nuk do të rehatohen në lëkurat e kolltuqeve, por do të punojnë edhe më fort për të gjithë. Taravari theksoi se edhe pse kishte shumë oferta nga Ali Ahmeti, ai zgjodhi të jetë me popullin.
“Nuk dua ta zgjas. Kjo fushatë ishte një përvojë e paharrueshme për mua!
Gjeta shokë dhe ekip si VLENI, pashë edhe tradhti nga disa që ashtu si çdo tradhtar ju mbetet vetëm hija e vet, por gjeta shumë besë e burrni tek shumica! Unë pata shumë oferta nga Ali Ahmeti, oferta që si u pa ca të partisë time nuk i rezistuan dot…po unë zgjodha të jem ju. Jam krenar që e kam bërë këtë zgjedhje dhe na qoftë Fitorja Gëzuar!” theksoi Taravari.
Taravari i bindur për fitore tha se Ndryshimi Historik do mbahet mend si Revolucioni i Dritave.
“Tani, gjithçka ka nisur me ca drita celularësh, të cilat ndriçuan edhe atëherë ku regjimi bërtiste se ja fik dritat popullit…këto drita rezistuan…u shtuan dhe sot janë shkëlqim lirie që kanë çuar një shtet në këmbë! Tani ftoj në skenë kolegët e mi të VLENit dhe dua që të gjithë bashkë të bëjmë foto me dritat tuaja dhe le ta dinë të gjithë se ky Ndryshim Historik do mbahet mend si Revolucioni i Dritave. Zoti Ju Bekoftë!” përfundoi Taravari para mijëra qytetarëve në Tetovë.
Ndryshimi historik do të mbahet mend si Revolucioni i Dritave
“Me besë premtoj se unë dhe të gjithë prijësit e VLEN-it, kur të bëjmë Qeverinë, do të vrapojmë edhe më fort se në fushatë”, ky ishte premtimi i parë publik që Arben Taravari e bëri në tubimin madhështor në Tetovë, duke shtuar se pas 8 majit ata nuk do të rehatohen në lëkurat e kolltuqeve, por do të punojnë edhe më fort për të gjithë. Taravari theksoi se edhe pse kishte shumë oferta nga Ali Ahmeti, ai zgjodhi të jetë me popullin.
“Nuk dua ta zgjas. Kjo fushatë ishte një përvojë e paharrueshme për mua!
Gjeta shokë dhe ekip si VLENI, pashë edhe tradhëti nga disa që ashtu si çdo tradhëtar ju mbetet vetëm hija e vet, por gjeta shumë besë e burrni tek shumica! Unë pata shumë oferta nga Ali Ahmeti, oferta që si u pa ca të partisë time nuk i rezistuan dot…po unë zgjodha të jem ju. Jam krenar që e kam bërë këtë zgjedhje dhe na qoftë Fitorja Gëzuar!” theksoi Taravari.
Taravari i bindur për fitore tha se Ndryshimi Historik do mbahet mend si Revolucioni i Dritave.
“Tani, gjithçka ka nisur me ca drita celularësh, të cilat ndriçuan edhe atëherë ku regjimi bërtiste se ja fik dritat popullit…këto drita rezistuan…u shtuan dhe sot janë shkëlqim lirie që kanë çuar një shtet në këmbë! Tani ftoj në skenë kolegët e mi të VLENit dhe dua që të gjithë bashkë të bëjmë foto me dritat tuaja dhe le ta dinë të gjithë se ky Ndryshim Historik do mbahet mend si Revolucioni i Dritave. Zoti Ju Bekoftë!” përfundoi Taravari para mijëra qytetarëve në Tetovë.
Bilall Kasami pret mërgimtarët: Kemi ardhë ta bëjm ndryshimin
Nata e fundit e fushatës, partitë mbajtën tubimet përmbyllëse ja mesazhet e tyre
Arben Taravari: Ndryshimi historik do të mbahet mend si Revolucioni i Dritave
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve