Ali Ahmetin e ka kapur sindromi i Menduh Thacit i cili vetëm kërcënon dhe në terma kërcënues e ofendues frikëson popullin shqiptar, tha Bilall Kasami kryetar i Lëvizjes BESA i pyetur për deklaratën e Ali Ahmetit se do ta nokautojë në zgjehdjet e ardhshme.

“Ali Ahmetin e ka kapur sindromi i Menduh Thacit i cili vetëm kërcënon dhe në terma kërcënues e ofendues frikëson popullin shqiptar, mirëpo më 8 maj do ta marr përgjigjen dhe do përfundimisht do të merr nokaut teknik nga votuesit shqiptar të cilët i ka përbuzur dhe i ka varfëruar e shpërngulur tash e 20 vite”, tha Kasami.

Këto komente kreu i Lëvizjes BESA, njëherit dhe bartës i listës në zonën gjashtë zgjedhore e koalicionit VLEN, Bilall Kasami i bëri në intervistën dhënë për Euroneës Albania.

Kreu i Lëvizjes BESA, njëherit dhe bartës i listës në zonën zgjedhore gjashtë të koalicionit VLEN, i shoqëruar nga kandidati për deputet në këtë zonë, Adnan Azizi vizituan disa fshatra të Komunës së Tearcës, Jegunovcës dhe Komunës së Bërvenicës.

Bashkë me banorët diskutuan rreth programës Plani 2030 VLEN. Pas takimkt me banorët e Sllatinës Kasami vazhdoi vizitën në Neproshten për të vazhduar më pas në fshatrat me banorë shqiptarë të komunës së Jegunovcës si në Orashë dhe Jazhincë me të cilë bashkëbiseduan rreth sfidave të ndryshme me të cilat përballen çdo ditë, e në veçanti migrimin që i ka boshadisur këto fshayra.

Vizitën Kasami e vazhdoi edhe në fshatrat e komunës së Bërvenicës si Çellopek, Miletinë, Radiovcë dhe Tenovë ku u prit nga banorët me shumë shpresë për ndryshimin e madh që do të sjellë Koalicioni VLEN pas fitorës së 8 majit.

Forumi i Gruas së VLEN në njesinë e 6 zgjedhore ka organizuar diskutim në temë “Roli i Gruas dhe politika”. Në këtë panel diskutim ishin të pranishme mbi 150 gra të kësaj zone, ndërsa mes palenisteve të ftuara ishin edhe deputetet e Lëvizjes Vetvendosje nga Kosova, Arbëresah Kryeziu Hyseini dhe Fitore Pacolli.

Deputetet Hyseini dhe Pacolli treguan për mënyrën se si ndër vite është avancuar gruaja në udhëheqjen e isntitucioneve të shtetit në Kosovë, për pozitata që ka, si dhe rolun kyç në vendimmarje.

Ndërsa kandidatet për deputete në Koaliconit VLEN në njesinë e Gjashtë zgjedhore, Kaltrina Beqiri, Sevime, Sevim Veseli Berzati, Mimoza Musa dhe kandidatet tjera, folën për pozitën aktuale të gruas në politikën e vendit, se sa pak hapësirë ka gruaja në krijimin e politikave dhe në vendimmarrje. Po ashtu folën edhe për vizionin e tyre dhe hapat që do i marrin pas 8 majit si deputete të ardhshme në Kuvendin e Maqedonisë së Veriut.

Ndërsa Shefkete Hamza, udhëheqëse e njesisë Projektuese për Romët në Komunën e Tetovës, foli për bashkëpunimin e shkëlqyer me Komunën dhe mbështetjen që i jepet femrave të komunitetit rom për përfshirje sa më të madhe në krijimin e politikave.

Në diskutim u konstatua se gruaja në politikën e vendit tonë, shihet vetëm sa për tu përmbushur kushtet ligjore, por pa iu dhënë hapsirë në vendimmarrje, pa u përfshirë në krijimin e politikave dhe pa pasur të drejtën e zërit kritik. Andaj në përbërjen e ardhshme të Kuvendit dhe Qeverisë së re, do të ketë përfaqësim më të madh të gruas e cila do të jetë edhe udhëheqëse e më shumë proceseve të shtetit.

Advertisement