Lajme nga vendi
Kovaçevski paralajmëroi drejtor të ri të Drejtorisë për Zbatimin e Sanksioneve
Kryeministri Dimitar Kovaçevski, ka paralajmëruar drejtor të ri të Drejtorisë për Zbatimit e Sanksioneve, sepse siç u shpreh ai nuk është i kënaqur me punën e drejtorit në fjalë.
“Ndërrimi nuk do të jetë në seancën e nesërme të Qeverisë, por do të jetë në njërën nga seancat e ardhshme të Qeverisë, sepse thash që procesi i seleksionimit ka filluar. Ndërkohë lidhur me drejtorin e burgut të Idrizovës, atje kemi drejtor të ri, prej para disa muajve, ndërrimi i drejtorit të mëhershëm u bë pas konsultave që kisha me disa institucione ndërkombëtare ne pjesën e menaxhimit të sistemit të burgjeve dhe të institucioneve që financojnë përparimin e sistemit të burgjeve në shtet, dhe në bazë të atyre konsultave atëherë bëmë ndërrimin e drejtorit të burgut të Idrizovës. Tani në bazë të disa lëshimeve që janë konstatuar do të kemi drejtor të ri të Drejtorisë për Zbatimin e Sanksioneve”, deklaroi Kovaçevski.
Lajme nga vendi
Ish ushtari i UÇK-së, Ali Ahmeti injoroi 2 Majin dhe Karadakun për Erion Veliajn
Ish ushtari i UÇK-së dhe vëllau i dëshmorit, Ardian Krasniqi ka reaguar nëpërmjet rrjete sociale për injorimin që Ali Ahmeti i bëri sot 2 Majit, ku përkujtohet lufta e lavdishme e UÇK-së në Karadak, vetëm për të marrë çmim nga Erion Veliaj.
Ja postimi i tij:
Takimet e tilla behen ne kordinim !
Ka protokoll! Jam i bindur se sikur ta ftonte z.Velijaj do ishte prezent me knaqesi ne kete date te shenjte perkujtimi!
Ali Ahmeti injoroi Gjakun e derdhiur ne Karadak,Injoroi Deshmoret,Familjaret e tyre,Invalid e ish Ushtar,injoroi 2 Majin diten e Çlirimit! Athua ska pse te shkon sepse e injoroin si vitin e kaluar,kane kuptu mileti Kombetarizmin e tije me korrespodenz!
Ahmeti ne kete rast konsideroi qe me shum vota di i bjere ai letra (qmimi si qytetar nderi e kordinuar) se sa vizita e perkujtimi i gjakut te njome ne Sllupqanin Legjendar!
Lajme nga vendi
AMS: E pajustifikuar dhe e pabazë rritja e çmimeve të sigurimit të detyrueshëm të përgjegjësisë automobilistke
Agjencia e Mbikëqyrjes së Sigurimeve (AMS) inkurajon Qeverinë, në përputhje me kompetencat e saj ligjore, të mbrojë të drejtat e të siguruarve dhe nëpërmjet ndryshimeve në Listën e çmimeve të ulë çmimet e policave të sigurimit të detyrueshëm ndaj përgjegjësisë automobilistike.
Siç thuhet në kumtesë, AMS-ja, si rregullator i tregut të sigurimeve, bën me dije edhe një herë publikisht se veprimi që kompanitë e sigurimeve rritën çmimet e sigurimit të detyrueshëm të përgjegjësisë automobilistike është krejtësisht i pajustifikuar dhe i pabazë.
Argumentet kryesore kundër rritjes së çmimit janë renditur në analizën e dorëzuar në komisionin kompetent në Ministrinë e Financave.
Rritja e çmimit të sigurimeve nuk është në funksion të forcimit të mbrojtjes së të siguruarve. Përkundrazi, kjo rritje çmimesh është vetëm dhe ekskluzivisht në funksion të mbulimit të kostove operacionale të shoqërive të sigurimeve.
Lajme nga vendi
Mexhiti: Karshiaka është e vendosur në përkrahje të ndryshimit
Lideri i Lëvizjes Demokratike, Izet Mexhiti ka vazhduar aktivitetet në kuadër të fushatës së zgjedhjeve parlamentare.
“Vizituam Studeniçanin dhe Moranën bashkë me Bekimin.
Me banorët diskutuam rreth programit tonë që është tejet me vlerë. Karshiaka është e vendosur në përkrahje të ndryshimit.
Karshiaka VLEN!’, ka shkruar Mexhiti.