Lajme nga vendi
IRI i publikoi rezultatet për rejtingun e partive,BDI 6%, ASH 5% , BESA 4%
Nëse nesër do të mbaheshin zgjedhjet parlamentare, 19% e të anketuarve do të votonin për VMRO-DPMNE-në, 11% për LSDM-në, 7% për BDI-në, 6% për Levicën, 5% për Aleancën për Shqiptarët dhe 4% për Lëvizjen BESA. Kështu tregojnë të dhënat e anketës së Institutit Ndërkombëtar Republikan (IRI), e cila është zbatuar prej 23 shtatorit deri më 13 tetor të këtij viti, me margjinë të gabimit prej 2,8% dhe 95% nivel të besimit me 1.207 të anketuar, njofton Portalb.mk.
6% e të anketuarve do të votonin për ndonjë parti tjetër, 52% nuk i përkasin ndonjë partie, ndërkaq 5% kanë refuzuar të përgjigjen.
Në lidhje me popullaritetin e politikanëve, ish kryeministri Nikolla Gruevski, i cili është azilant në Hungari udhëheq me 7%, Hristijan Mickoski dhe Ali Ahmeti pas tij janë me nga 6%, kryeministri aktual Dimitar Kovaçevski me 5%, presidenti Stevo Pendarovski, Dimitar Apasiev dhe Bilall Kasami me nga 3%, ndërkaq Zoran Zaev, Ziadin Sela dhe Branko Cërvenkovski me nga 2%.
36% e të anketuarve, vlerësojnë se tani jemi më afër BE-së, ndërkaq 43% vlerësojnë se kemi qenë më afër kur e kemi marrë statusin vend kandidat në vitin 2005. 21% nuk dinë ose refuzojnë të përgjigjen.
Në lidhje me atë se kur pritet që Maqedonia e Veriut të bëhet anëtare e BE-së, 20% janë përgjigjur për periudhën prej 1 deri në 5 vjet, 26% për periudhën prej 5-10 vjet, 25% për periudhën më shumë se 10 vjet dhe 23% kanë deklaruar se nuk presin ndonjëherë që RMV të anëtarësohet në BE. 6% nuk e dinë ose kanë refuzuar të përgjigjen.
Grupi punues i Rishikimit Universal Periodik (RUP) i Këshillit për të Drejtat e Njeriut të Kombeve të Bashkuara (OKB), sot në takimin në Gjenevë, për herë të katërt do t’i shqyrtojë të dhënat për gjendjen e të drejtave të njeriut në Maqedoninë e Veriut.
“Maqedonia e Veriut është një nga 14 vendet që duhet të shqyrtohet nga grupi punues i RUP-së gjatë seancës së ardhshme, e cila do të mbahet nga 29 prilli deri më 10 maj. Rishikimi i parë, i dytë dhe i tretë i RUP-së për Maqedoninë e Veriut u mbajtën përkatësisht në maj 2009, janar 2014 dhe janar 2019”, njoftojnë nga Zyra e OKB-së në Shkup.
Grupi i Punës për RUP përbëhet nga 47 shtete anëtare të Këshillit të të Drejtave të Njeriut, secili nga 193 shtetet anëtare të OKB-së mund të marrë pjesë në shqyrtimin e vendit.
RUP është një proces që përfshin një rishikim periodik të të dhënave mbi situatën e të drejtave të njeriut në të 193 vendet anëtare të OKB-së.
Lajme nga vendi
“Mbushja e kutive në Likovë” – VLEN thonë se ankesa është pranuar nga Gjykata Administrative
Nga koalicioni VLEN thonë se Gjykata Administrative ka pranuar ankesën e tyre në lidhje me vendvotimin për zgjedhjet presidenciale në Likovë ku, siç pretendojnë nga atje, ka pasur mbushje të kutive.
“Gjykata Administrative dje ka pranuar ankesën tonë në lidhje me vendvotimin në Likovë ku ka pasur mbushje të kutisë nga ana e njerëzve të afërt të bartësit të listës së BDI-së sipas mënyrës të quajtur treni bullgar”, thonë nga VLEN.
Nga atje thonë se Gjykata Administrative ka pranuar ankesën e koalicionit VLEN, ndërsa vendimi i KSHZ-së për këtë vendvotim anulohet dhe do të rishikohet.
Nga atje kërkojnë që vjedhësit e votës të dalin para gjykatësit.
Të shpallësh qytetar nderi një person që ka bërë pasurinë e tij prioritet mbi të gjitha, duke neglizhuar çështjet tona kombëtare është marrëzi.
Nuk ka asgjë më të marrëzishme se të shpallësh qytetar nderi një person që ka shkelur mbi idealin e të tjerëve, duke e kthyer veten në një pengesë të avancimit të çështjes shqiptare në Maqedoninë e Veriut. Ata që shohin pushtetin si një mjet për të vënë nën këmbë çdo vlerë njerëzore duhet të kthehen në shembuj të asaj që nuk duhet të ndiqet.
Çmenduria më e madhe është të kujdesesh për një individ i cili nuk ka tjetër qëllim veçse krimin! Shpallja qytetar nderi një person të dyshuar për kriminalitet është si të pranosh një virus në trupin e shoqërisë sonë.
Kjo është koha për të nderuar ata që e meritojnë, dhe të heqim dorë nga çmenduritë që po e zhytin vendin në errësirë.
Këshilli i OKB-së për të Drejtat e Njeriut do të diskutojë për situatën në Maqedoni
“Mbushja e kutive në Likovë” – VLEN thonë se ankesa është pranuar nga Gjykata Administrative
Të shpallesh qytetar nderi nga njeriu më i korruptuar në Shqipëri
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi1 year ago
Kovaçevski paralajmëroi drejtor të ri të Drejtorisë për Zbatimin e Sanksioneve