Lajme nga vendi
Vitin e ardhshëm do të vazhdojë ndërtimi i bulevardit “Bllagoja Toska”
Përderisa një pjesë e bulevardit “Bllagoja Toska” është drejt përufundimit, kurse një pjesë është përfunduar, për vazhdimin e të njejtit, këtë vit nuk do të ketë lëvizje konkrete. Të paktën këto janë informacionet zyrtare që vijnë nga pushteti lokal në Tetovë. Bëhet fjalë për vazhdimin e bulevardit nga Shkolla e Mesme Tekstile e deri tek lidhje me bulevardin “Ilinden”, ku momentalisht rruga është tepër e ngushtë dhe e dëmtuar dhe krijohet kaos vazhdimisht. Vazhdimi i këtij bulevardi është nevojë e kohës dhe urgjente për të lehtësuar komunikacionin në pjesët tjera të qytetit të Tetovës, thonë banorët e kësaj lagje.
“Duhet të bëhet, por nuk besojmë se ndonjëherë do të ndërtohet. Do të lehtësonte komunikacionin shumë për këtë pjesë ku jetojmë ne, por edhe për vet qytetin”, thotë një banorë i kësaj lagje.
Pas përfundimit të një pjese të këtij bulevardi, ende nuk ka informacione të sakta se kur mund të vazhdojë ndërtimi që do të zvogëlonte dukshëm kaosin në trafikun rrugor brenda në rrugët e qytetit, por kryetari i Komunës së Tetovës, Bilall Kasami është shprehur se vitin e ardhshëm do të jetë prioritet ky bulevard, por nëse e merr besimin edhe njëherë në zgjedhjet lokale që do të mbahen në tetor të këtij viti.
“Për vitin 2025 është në plan vazhdimi i bulevardit ‘Bllagoja Toska’, tek kazerma e qytetit, ashtu që kemi edhe vendim në fakt, ka kompani, operatorë që duhet të përmbyllë ato punë dhe jemi në fazën përfundimtare të përcaktimit të eksproprijimit të atyre pronave që ishin problematike dhe sigurisht dhe punimet tjera në qytet për riparimin e rrugëve, kurse sa i përket vazhdimit të bulevardit nga Shkolla e Mesme Tekstile e deri në bulevardit e Ilindenit, do të jetë në prioritet nga viti 2026”, tha kryetari Kasami.
Rikujtojmë se vetëm për një pjesë të vazhdimit të këtij bulevardi u deshën një dekadë, ndërsa për pjesën tjetër të mbetur me gjasë do të duhen edhe shumë vite, duke patur parasysh se për projektet kapitale gjithmonë ka ngecje administrative, por edhe mungesë fondesh. Në ndërkohë, gati se dy dekada në pjesën ku duhet të ndërtohet pjesa e fundit e bulevardit “Bllagoja Toska” nuk jepen leje për ndërtim, ndërsa ka mbi 10 objekte që duhet të rrënohen. Disa prej objekteve u është bërë edhe vlerësim shumë vite më parë, por nuk ka informacione të sakta se deri në cilën fazë është bërë shpronësimi.
Komisioni Rregullator për Energjetik ka njoftuar se me vendimin e fundit janë rritur çmimet e derivateve të naftës.
Çmimi i shitjes me pakicë të benzinës ЕUROSUPER BS-95 dhe ЕUROSUPER BS-98 si dhe të EURODIZELIT (D-E-V) rritet për 2,00 den/litër.
Sipas vendimit çmimi i shitjes me pakicë të ЕUROSUPER BS-95 është 73,50 den/litër, çmimi i shitjes me pakicë të ЕUROSUPER BS-98 është 75,50 den/litër, ndërsa çmimi i shitjes me pakicë të EURODIZELIT (D-E-V) është 66,00 den/litër.
Çmimi i shitjes me pakicë të VAJIT EKSTRA TË LEHTË PËR AMVISËRI (EL-1) rritet për 1,50 den/litër, kështu që çmimi i shitjes me pakicë të VAJIT EKSTRA TË LEHTË PËR AMVISËRI (EL-1) është 65,50 den/litër.
Çmimi i shitjes me pakicë të Мazutit М-1 SU rritet për 0,375 den/kg, kështu që çmimi i shitjes me pakicë të Mazutit M-1 SU është 37,155 den/kg.
Ministri i Ekonomisë dhe Punës, Besar Durmishi në një dalje për media tha se masat për uljen e çmimeve kanë dhënë rezultat. Durmishi bëri të ditur se së bashku me Inspektoratin Shtetëror të Tregut do të dalin në teren. Siç bëri të ditur nesë vërehet se ka rritje të çmimeve, Durmishi paralajmëroi masa më rigorize.
“Në pjesën e ushqimeve dhe pijeve, janë zvogëluar çmimet. Informacionet i kemi se këtë muaj, muajin prill të dhënat tregojnë se çmimet në pjesën e ushqimit dhe pijeve janë ulur, kështu që masat kanë dhënë rezultat. Tutje, në bashkëpunim me Inspektoratin Shtetëror të Tregut do të jemi në teren, do t’i shohim çmimet, nëse ka devijim nga ana e marketeve, nëse kemi rritje enorme të çmimeve, normalisht që do të shkojmë sërish me masa të reja. Nëse nuk sillen siç duhet tregtarët, ose i rrisin çmimet do të ketë sërish masa rigoroze, nga ato që kemi tani”, deklaroi Besar Durmishi – ministër i Ekonomisë dhe Punës.
Në organizim nga Shoqata Malore Sportive “BESA” nga Çellopeku dje realizoi “Marshin Promovues” me moton “Çellopeku 2025” ku morën pjesë mbi 350 bjeshkatar nga 22 shoqata Anëtare të Unionit të Shoqatave Bjeshkatare dhe bjeshkatar nga Kosova e Lugina e Preshevës Para nisjes së marshit në stadiumin e “Besa Arena” u mbajt një ceremoni ku kishte edhe fjalime të rastit
Marshi u realizua për gjatë një shtegu në rrethinën e fshatit Çellopek, në rajonin e malit të thatë, në një gjatësi prej 12 km dhe disnivel prej 500 metrave.
Kryetari I Shoqatës Malore Sportive “Besa” nga Çellopeku Muharem Osmani tha se pë Çellopekun kjo ditë do të mbahet mend shumë gjatë .
‘Marshi i sotëm bëhet për shoqatën që e kemi themeluar pa një viti d.m.th të promovohet Shoqata e fshatit Çellopek, ii kemi afrua të gjitha shoqatat Bjeshkatare Shqiptare në të gjitha trojet tona, Faleminderit të gjithë që kanë marrë pjesë . Ndihem shumë krenar’’ deklaroi kryetari i Shoqatës Muahrem Osmani
Njeriu më meritor për organizimin e këtij marshi që përkon me një vjetorin e themelimit të Shoqatë Malore Sportive ‘Besa‘tha se kjo ditë d nga banorët e Çellopekut do të mbahet mend
“ Sot Çellopeku ka një ngjarje shumë të madhe. Sot organizojmë tubim të gjithë bjeshkatarët nga trojet shqiptare. Si anëtare e Unionit të Shoqatave Shqiptare ky event ka hyrë në kalendarin e Unionit të Shoqatave Bjeshkatare’’, tha organizatoro Jusuf Bejtullai
Në cilësinë e organizatorit Bejtullai falënderoj të gjithë atë që e kanë përkrahur realizimin e këtij marshi promovues.
“ Gjithë ky manifestim nuk do të mund të organizohej pa përkrahjen e bashkëfshatarëve të mi si këtu ashtu edhe nga diaspora. Veçanërisht ndërmarrjet që i kemi për rreth na kanë ndihmua “ tha Jusuf Bejtullai
Kryetari i i Unionit të Shoqatave Bjeshkatare fari Rexhepi tha se kjo ditë është historike për Çellopekun por edhe për Unionin që ka një bashkëpunim të shkëlqyeshëm mes shoqatave .
‘’Mendoj se bashkëpunimi është në nivelin e duhur , gjithmonë mund të jete edhe më mirë sa i takon bashkëpunimit në kuadër të Shoqatave të Unionit është i shkëlqyeshëm dhe po ashtu tentojmë të vëmë nj bashkëpunim të shkëlqyeshëm edhe me Shoqatat tjera në Maqedoni dhe në rajon’’ deklaroi Fari Rexhepi kryetar i Unionit të Shoqatave Bjeshkatare
Pasi bjeshkatarët përfunduan ecjen malore, në stadiumin e fshatit kishte u mbajt një program artistik ,ndërsa për të gjithë pjesëmarrësit u shtrua një drekë tradicionale. Organizatori për të gjithë ata që kanë kontribuar në organizimin dhe afirmimin e këtij ngjarje të rëndësishme për Çellopekun, ndau edhe mirënjohje, Me Mirënjohje u nderua edhe Televizioni Koha
Shaban SINANI – TV KOHA
Mashtroi qindra qytetarë shqiptarë, arrestohet 23-vjeçari francez në Tiranë! Prezantohej si filiali i një banke!
Shtrenjtohen çmimet e derivateve të naftës
Vitin e ardhshëm do të vazhdojë ndërtimi i bulevardit “Bllagoja Toska”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve