Deklarata e nënkryetarit të VMRO-DPMNE-së se “bashkëpunimi i një partie shqiptare me BDI-në është vetëvrasje politike” nuk është gjë tjetër veçse:

• dëshmi e ambicies së tyre të rrezikshme për të bërë inxhiniering të skenës politike shqiptare, me synim krijimin e një strukture shqiptare marionetë nën kontroll – dhe njëkohësisht,

• dëshmi e urrejtjes dhe  hakmarrjes  së tyre ndaj BDI-së dhe shqiptarëve – për qëllime  të thella  gjeopolitike, antieuropiane dhe shoviniste.

Pse kjo urrejtje dhe hakmarrje ndaj BDI-së dhe shqiptarëve?

E para, sepse BDI e integroi vendin në NATO – një hap që i shqetësoi sponsorët e tyre rusë dhe nuk lejoi që vendi të ankorojë në “botën serbe”.

Advertisement

E dyta, sepse BDI e mbajti të gjallë perspektivën europiane të vendit – gjë që i trembi oligarkët që shpresonin se, duke e mbajtur vendin jashtë BE-së, do të ruanin monopolin mbi privatizimet e tyre kriminale.

E treta, sepse përmes agjendës europiane, vendi është vendosur nën vëzhgim të rreptë përmes Kapitujve 23 dhe 24, që lidhen me sundimin e ligjit. Kjo i tremb politikanët e korruptuar që shpresonin të vazhdojnë aktivitetet e tyre në errësirën e mungesës së monitorimit.

E katërta, sepse BDI e zbatoi Marrëveshjen Kornizë, e cila solli barazi mes të gjitha komuniteteve – diçka që shqetësoi bërthamat nacionaliste që ëndërronin për epërsi etnike mbi qytetarët e tjerë.

E pesta, ambicia për të krijuar një strukturë shqiptare marionetë që do t’i shërbejë politikave antieuropiane, diskriminuese dhe shoviniste  të kësaj qeverie antishtetërore.

Këto janë arsyet e vërteta të fobisë së tyre ndaj BDI-së – sepse BDI promovon një shtet të barabartë, mbron karakterin multietnik, hapi portat euroatlantike dhe e largoi vendin nga projektet autoritare dhe antieuropiane.

Advertisement

VMRO-DPMNE nuk do të vendosë më kurrë për përfaqësimin politik të shqiptarëve.

Shqiptarët do të vendosin vetë.

Në Shkup sot do të mbahet “Marsh për engjëjt”, i organizuar nga familjet e viktimave në zjarrin tragjik në diskoteken “Puls” në Koçan. Organizatorët paralajmërojnë se marshi do të fillojë para Prokurorisë në orën 12:05, si simbolikë për reagimin e vonuar të institucioneve, do të vazhdojë drejt sheshit “Maqedonia” dhe do të përfundojë para Kuvendit.

“Ne meritojmë përgjigje, nuk jemi njohës të drejtësisë dhe procedurave ligjore dhe për këtë arsye nuk e kuptojmë se si ekspertët e ligjit ndalojnë dhe më pas lirojnë. A janë ata të vetëdijshëm për besimin tashmë plotësisht të tronditur në punën institucionale deri më tani me ‘kap dhe liro’, pa një shpjegim të qartë për atë procedurë ligjore, dhe çfarë po krijohet në mendjet tona që janë në prag të vetëshkatërrimit”, thuhet në raportin me shkrim nga familjet.

Në thirrje ata theksojnë se edhe më tutje do të kërkojnë përgjigje për vdekjen e dhunshme të fëmijëve të tyre, ndërsa për pjesëmarrje në marsh ju bëjnë thirrje të gjithë qytetarëve të Maqedonisë.

Nga Prokuroria dje u bënë thirrje familjeve të viktimave që, nëse dëshirojnë të mësojnë më shumë rreth të gjitha aspekteve të procedurës hetimore, të takohen sot me prokurorin publik dhe prokurorët që merren me lëndët.

“Nëse të afërmit e viktimave kanë një interes të tillë, ata mund të caktojnë përfaqësuesit e tyre (maksimumi një anëtar të familjes së secilës viktimë) të cilët do të takohen me Prokurorin Publik të Republikës së Maqedonisë së Veriut dhe prokurorët që po merren me lëndët, theksohet në informacionin nga Prokuroria.

Advertisement

Familjarët e viktimave në zjarrin në diskotekën “Puls” deri më tani kanë mbajtur katër marshe protestuese në Koçani në të cilat u bënë thirrje institucioneve që janë përgjegjëse për funksionimin e sistemit në vend, që të mos i shmangen përgjegjësisë.

Në zjarrin më 16 mars e kanë humbur jetën 62 persona, nga të cilët fillimisht 59, ndërsa edhe tre të tjerë si pasojë e lëndimeve të rënda të pësuara në aksidentin. Gati 200 persona u lënduan, prej të cilëve pjesa më e madhe pas ndihmës së parë të ofruar, u dërguan jashtë vendit për mjekim. Disa nga të vdekurit dhe të lënduarit ishin edhe anëtarët e grupit muzikor “DNK” që përformoi atë mbrëmë.

Për tragjedinë është duke u zhvilluar një hetim i gjerë, ku janë përfshirë 13 prokurorë, dhe sipas autoriteteve, është kryer një numër i madh bastisjesh, janë marrë në pyetje dëshmitarë dhe janë mbledhur mbi një mijë prova materiale.

Hetimi përfshin mbi 60 individë dhe tre persona juridikë, përfshirë ish-ministra të ekonomisë, kryetarë aktualë dhe ish-kryetarë të bashkisë së Koçanit, ish-drejtorë të Inspektoratit të Tregut, oficerë policie, drejtorë aktualë dhe ish-drejtorë të Drejtorisë për Mbrojtje dhe Shpëtim….

Advertisement

Me hetimin janë përfshirë mbi 60 persona fizik dhe juridik, përfshirë ish-ministra të Ekonomisë, kryetarë aktualë dhe ish-kryetarë të komunës së Koçanit. ish-drejtorë të Inspektoratit të Tregut, nëpunës policor, drejtorë aktualë dhe ish-drejtorë të Drejtorisë për mbrojtje dhe shpëtim.

Nga 2 maji i vitit 2025, Institucioni publik Parku kombëtar Mali Sharr do të fillojë sistemin për pagesën e hyrjes së automjeteve në territorin e parkut, duke dërguar një SMS porosi ose duke skanuar kodin QR. Duhet të paguajnë të gjithë vizitorët që drejtojnë automjete në rrugët e lejuara nëpër park, ndërsa janë të liruar nga pagesa banorët e fshatrave, pronarët e pronave private si dhe personat juridikë të regjistruar në territorin e PK Mali Sharr.

“Duke dërguar një SMS porosi për hyrjen e automjetit, ju kontribuoni drejtpërdrejt në mbrojtjen e natyrës së Malit Sharr dhe ndihmoni në ruajtjen e këtij thesari unik natyror për brezat e ardhshëm. Përpjekjet strategjike të IP Parku kombëtar Mali Sharr synojnë të sigurojnë që vizitorët që nuk lënë gjurmë ekologjike të mos paguajnë për hyrjen në Parkun kombëtar”, thuhet në njoftimin e sotëm për shtyp nga PK Mali Sharr.

Qytetarët mund të paguajnë duke dërguar një SMS porosi nga telefoni i tyre me kategorinë e automjetit dhe numrin e regjistrimit në numrin e telefonit 144 – 555 ose duke skanuar kodin QR, të zgjedhin kategorinë e automjetit dhe të fusin të dhënat. Për motoçikletat dhe makinat, tarifa është 150 denarë, ndërsa 250 denarë për furgon dhe minibus deri në 20 vende. Autobusët dhe automjetet e rënda të mallrave do të duhet të paguajnë nga 450 denarë.