Lajme nga vendi

Kasami:Kemi investitorë të interesuar për Kodrën e Diellit

Published

7 hours ago

March 1, 2025

Kanë kaluar më shumë se dy vjet që kur kompania italiane ‘TechnoAlpin’ në vitin 2022 prezantoi planin dhe projektin për zhvillimin e qendrës turistike ‘Kodra e Diellit’.Për dy vite me radhë negociatat janë zvarritur dhe pa epilog deri më tani, ndërsa institucionet e vendit e kanë mbajtur këtë temë ‘top sekret’ për opinionin, duke dhënë shumë pak informata për procesin.Nderkaq për më shumë se dy dekada pushteti lokal dhe ai qendror paralajmërojnë gjetjen e investitorit për Kodrën e Diellit. Por edhe përkundër bisedimeve me investitorë të mundshëm, nuk ka hapa konkret.Por, më optimist në këtë drejtim është Kryetari I komunës së Tetovës Bilall Kasami i cili thekson se ka komunikime me investitorë të cilët janë të interesuar të investojnë në këtë Kodrën e Diellit. ‘’Po patjetër që punojmë intensivisht. Jemi në komunikim të rregullt me disa investitorë të cilët janë të interesuar që të investojnë këtu me çka do krijohen kushte edhe më të mira që ky konkurrim dhe kjo garë të bëhet taman një garë ndërkombëtare. Më konkretisht kemi komunikim të rregullt me investitor do të kisha thënë iatliano-austriak dhe po ashtu kemi edhe komunikime me investitorë nga vendet e gjirit si do kisha thënë nga Katari, Emiratet e Bashkuara por edhe nga vendet tjera. Ne besojmë që do të gjejmë investitorin më të mirë me çka Kodra e Diellit do të ketë shkëlqimin që e ka pasur’’ deklroi Kasami.Kasami thotë se plani i detajuar urbanistik për Kodrën e Diellit është drejt finalizimit, ndërsa është parakusht për dhënie me koncesion të Kodrës së Diellit. Në Kodrën e Diellit nuk u ndërtua as parkingu në kate. Kasami u arsyetua se kompetencat i ka Ministria e Transportit dhe drejtoria që menaxhon me Kodrën e Diellit.TV KOHA

Lajme nga vendi

Marketet më të padisiplinuara mund të mbyllen

Published

7 minutes ago

March 1, 2025

TetovaExpres

Ekipet e Inspektoratit të Tregut kanë konstatuar disa parregullsi gjatë kontrolleve në markete te tregtarët me pakicë, ndërsa mund të ketë dënime si mbyllje e marketeve, deklaroi sot zëvendësministri i Ekonomisë dhe Punës, Marjan Risteski.“Në terren ndodhen rreth 50 ekipe të Inspektoratit të Tregut. Po kontrollohen marketet, farmacitë, kudo ku shitet me pakicë. Janë konstatuar disa parregullsi. Ka parregullsi në etiketimin e produkteve me zbritje, në përcaktimin e marzheve, çmimeve, në evidencën e kontabilitetit… Javën e ardhshme do të shqiptohen gjoba për më të padisiplinuarit dhe nuk përjashtohet mbyllja e disa marketeve, që është një nga masat e fundit në Ligjin për Tregti”, theksoi Risteski.Javën e ardhshme Inspektorati do t’i kontrollojë të gjithë distributorët dhe importuesit më të mëdhenj në vend. Komisioni për Mbrojtjen e Konkurrencës po punon për mbledhjen e provave për shpalljen e të ashtuquajturës “bashkim kartelesh”. “Masat dhe vendimet janë marrë për të mbrojtur standardin e jetesës së qytetarëve. Me masat janë përfshirë 102 grupe produktesh ose rreth 1 200 produkte. Tregtarët duhet të mësohen të jenë të disiplinuar, t’i respektojnë masat e destinuara për qytetarët. Si Ministri e Ekonomisë dhe Punës dhe si Inspeksion Shtetëror i Tregut, kudo që do të konstatojmë mospërputhje në vendimet që cenojnë të drejtat e qytetarëve, do të dënohen në mënyrë rigoroze”, theksoi Risteski.

Lajme nga vendi

BDI:Nëse preket gjuha shqipe, nuk ka zgjedhje lokale

Published

7 hours ago

March 1, 2025

TetovaExpres

Koalicioni VLEN i cilëson si dëshpëruese paralajmërimet e kreut të BDI-së Ali Ahmeti për siç thonë bojkot të zgjedhjeve lokale, shkruan Alsat.Sipas VLEN, Ahmeti e përdor si alibi çështjen e Ligjit për përdorimin e gjuhëve pasi ka humbur besimin te qytetarët.“Ali Ahmeti dje nga Likova vetë e konfirmoi: BDI po përgatit bojkotin e zgjedhjeve lokale. Po ashtu, e pranoi atë që ne e kemi thënë prej kohësh. Iniciativa për Ligjin për Përdorimin e Gjuhës Shqipe para Gjykatës Kushtetuese është kurth i fshehur i BDI-së, me të cilin dëshirojnë të përfitojnë politikisht duke dashur t’i shkaktojnë dëm VLEN-it. Ali Ahmeti nuk ka më opsion. Anketat e tyre e konfirmojnë të vërtetën e hidhur – shqiptarët nuk duan më t’i votojnë”, thonë nga VLEN.Kreu i BDI-së opozitare, Ali Ahmeti, mbrëmë porosit që nëse Gjykata Kushtetuese e prek Ligjin për Përdorimin e Gjuhëve, nuk do të ketë zgjedhje lokale, të cilat janë të planifikuara të mbahen në tetor të këtij viti.“Unë kam bërë një prononcim me njerëzit, kam shumë takime me popullin dhe kam thënë në qoftë se preket Ligji i Gjuhës, nuk ka zgjedhje lokale dhe nuk mund të vendosen kuti për t’u mbajtur zgjedhjet lokale. Nëse preket Ligji i Gjuhës dhe Ligji i Gjuhës nuk është i Bashkimit Demokratik për Integrim, Ligji i Gjuhës është edhe i atyre që do lindin, derisa të lind dielli”, tha Ahmeti.Kërkesa e BDI-së, është që bashkë me zgjedhjet lokale të mbahen edhe zgjedhjet parlamentare pasi sipas tyre, VLEN është përfshirë në qeveri edhe pse nuk i ka fituar zgjedhjet e fundit parlamentare dhe për këtë, u mungon legjitimiteti.

Lajme nga vendi

VLEN: Pensionistët përfitues të 5.000 denarëve më shumë nga qeverisja 8-mujore

Published

7 hours ago

March 1, 2025

TetovaExpres

Nga fillimi i muajit mars pensionistët do të marrin 2.500 denarë shtesë në llogaritë e tyre. Kjo është rritja e dytë brenda tetë muajve qeverisje me 2.500 denarë. 5.000 denarë brenda periudhës sa jemi në qeverisje janë para shtesë për të gjithë pensionistët tanë. Nga 180 euro sa ishte pensioni më i ulët kur morëm qeverisjen, e kemi rritur në gati 300 euro për më pak se një vjet. Kjo është ajo që qytetarët kanë nevojë, vepra konkrete dhe jo fjalë boshe.

Rritja e pensioneve vërteton angazhimin tonë për rritjen e cilësisë së jetës për qytetarët e kategorive më të ndjeshme të shoqërisë. Me rritjen e vazhdueshme të pensioneve Koalicioni VLEN, vërteton se ne kemi mendjen te përmirësimi i jetës dhe rritja e standardit jetësor.

Ka kaluar koha kur kemi dëgjuar vetëm premtime boshe dhe fjalë të cilat na kanë dërguar në tunel pa dalje. Nëpërkëmbja e pensionistëve dhe luajtja me dinjitetin e tyre mbetet në të kaluarën. Tani angazhimi për pensionistët do të vazhdoj tutje edhe më fuqishëm.

Tani është koha e veprave konkrete dhe të prekshme për të gjithë kategoritë e qytetarëve. Fokusi ynë është te përmirësimi i standardit ekonomik të familjeve tona.

VLEN për pensionistët! VLEN për qytetarët!