Sport

LIGA E PARË: DUELE TË “ZJARRTA” NË TETOVË DHE GOSTIVAR

Published

2 months ago

February 26, 2025

Java e dytë e sezonit pranveror dhe e 20-ta e kampionatit 2024/2025 në Ligën e parë të futbollit vendor të dielën sjell pesë duele të zjarrta si për ekipet që luftojnë kreun e tabelës ashtu edhe për ato që luftojnë për mbijetesë. Një ndeshje e “zjarrtë” pritet edhe në stadiumin buzë Sharrit aty ku do të përballen lideri aktual Shkëndija me kampionin vjeshtor Sileksin. Interesimi për këtë ndeshje është madh, ndaj edhe tifo grupi “Ballistët”pritet që të jenë në numër të madh në përkrahje të ekipit të tyre të zemrës. Nga a ana tjetër atmosfera në ekip pas fitores së madhe kundër Vardarit është në nivelin e duhur. Këtë e pohoi edhe mesfushori nigerian Adamu Alhassan para ndeshjes së nesërme me Sileksin

“Ne jemi gati për tu ngritur, ndeshja me Vardarin i takon të kaluarës, tani jemi duke menduar për Sileksin. Çdo ndeshje ne e marrim si finale, pasi duam të arrijmë atë që duam ta realizojmë. Ne jemi të koncentruar për ndeshjen e radhës kundër Sileksit. Shpresoj të ndjehemi mirë dhe të mund të luftojmë sërish më shumë se sa ndaj Vardarit. Kjo është ajo që ndjej se ekipi e ndjen. “deklaroi Adamu Alhassan

Sa i përket epilogut të kësaj ndeshje derbit nigeriani thotë se ka besim te ekipi duke u bazuar në qasjen e tyre në seancat stërvitore dhe dëshirën për tu bërë kampion

“Si që ju thash, kur shoh ekipin tonë në stërvitje sa të koncentruar jemi për tu bërë kampion, ne jemi gati të luftojmë sërish për ti bërë tifozët tanë krenar me ekipin. Shpresoj të bëjmë rezultat të mirë këtë javë kundër Sileksit dhe të luftojmë për të fituar ndeshjen. Secilën ndeshje e marrim si finale dhe jemi gati të luftojmë sërish” tha Adamu Alhassan.

Një ndeshje tepër e rëndësishme do të zhvillohet në stadiumin e qytetit në Gostivar , mes ekipit Besa të Dobërdollit dhe Gostivarit. Pas vizitës që i kanë bërë presidenti Muhamed Tairi, së bashku me Izair Eminin dhe Bujar Kadriji, të cilët e kanë shprehur mbështetjen e tyre maksimale për ekipin, ndaj edhe kundër Gostivarit mund të pritet një kthesë sa i përket rezultatit, Në tre takimet tjera të javës së 20-të takohen: AP Brera – Shkupi, Tikveshi – Pelisteri, dhe Rabotniçki – Voska Sport. Të gjitha ndeshjet fillojnë në ora 14:00.

Shaban Sinani – TV Koha

Sport

MËSOHEN EKIPET GJYSMËFINALISTE NË LIGËN E EVROPËS DHE KONFERENCË LIGË

Published

2 days ago

April 18, 2025

TetovaExpres

Me përfundimin e ndeshjeve kthyese të çerekfinaleve në dy garat e tjera evropiane si Liga e Evropës dhe Liga e Konferencës.

Në katër ndeshjet e zhvilluar mbrëmë ka pasur spektakël, me Totenham që eliminoi Eintracht Frankfurtin dhe Mançester Junajted që me përmbysje mposhti Lyonin.

Bodo/Glimt befasoi të gjithë duke eliminuar Lacion, derisa Athletic Bilbao eliminoi Ranxhersin.

Mançester Junajted , Tottenham , Bodo/Glimt dhe Athletic Bilbao janë skuadrat që kanë shkuar në gjysmëfinale të Ligës së Evropës.

Tanimë dihen edhe çiftet gjysmëfinaliste, me Mançester Junajted që do të përballet me Athletic Bilbao.

Ndërkohë gjysmëfinalja tjetër është mes Tottenham dhe norvegjezëve të Bodo/Glimt që eliminuan Lacion.

Ndërkohë në Ligën e Konferencës në gjysmëfinale kanë shkuar Fiorentina, Çelzi, Djurgarden dhe Real Betis.

Në gjysmëfinale do të takohen Chelsea – Djurgarden dhe Real Betis – Fiorentina.

Shaban Sinani – TV Koha

Sport

ATLETIKË: NESËR FILLON SEZONI I ATLETIKËS PËR VITIN 2025

Published

2 days ago

April 18, 2025

TetovaExpres

Në organizim të Federatës së Atletikës së Maqedonisë së Veriut të shtunën mbahen garat e vlefshme për Kupën e vendit në disiplinat 10 mijë metra në shtegun e stadiumit si dhe garat për Kupë në disiplinat e hedhjes, ndërsa do të organizohet edhe Turniri në disiplinat e stafetës dhe ato të kërcimeve në të gjitha kategoritë për djem dhe vajza ku pritet të marrin pjesë mbi 100 garues nga klubet anëtare të Federatës së atletikës. Në këto gara me garues të vet do të prezantohen edhe dy klubet e atletikë nga rajoni i Tetovës klubi atletikës Studenti dhe klubi atletikës Kamjani . Televizioni Koha ishte e pranishme në séancën e mbrëmshme stërvitore të klubit të atletikës Kamjani

“Këtë fund javë starton sezoni i ri 2025 me turnirët stafetore si dhe ato të hedhjeve. Ne si klub kemi bërë përgatitjet gjatë sezonit dimërorë dhe shpresojmë se këtë vit do të jemi më mirë se vitin tjetër edhe pse në kategorinë e pionierëve gjithmonë kemi qenë shumë mirë por shpresojmë të jemi edhe më mirë” deklaroi trajneri Xhemaili

Trajneri Ibraim Xhemaili në krahasim nga viti i kaluar kua ka marrë pjesë me garues të rinj, ndërsa këtë vit do të prezantohet edhe më junior ndërsa ka edhe një garues sendor që do merë pjesë garat e Kupës në 10 mijë metra. Pra këtë vit klubi i atletikës Kamjani ka qëllime më qarta

“Qëllimi i klubit tonë për këtë vit është të jemi në mesin e dy-tre klubeve më të mira për kategorinë e pionierëve dhe shpresojmë që të bëjmë ndonjë rekord tek pionierët” tha Ibraim Xhemaili

Por problemi i klubit të atletikës Kamjani si dhe klubeve tjera mbetet infrastruktura sportive

“ Po kushtet disi janë mirë shihet edhe vet nga terreni. Kemi kushte vetëm për vrapime por nuk kemi kushte për disiplinat hedhëse ose disiplinat e kërcimeve si kërcim së gjati dhe kërcim së larti . Nuk kemi kushte për të punuar në at disiplina por për at shkak shumë mirë jemi duke punuar në vrapime të shtigjeve të shkurta sprinterike. Gjithashtu edhe për shtigje të mesme kemi garues shumë të aftë nga të cilët shpresojmë të arrijnë mjaft rezultate“ tha në fund trajneri Ibraim Xhemaili

Në kë sezon të ri të atletikës talent e këtij klubi presin që s%paku të shënojnë rezultate apo rekorde personale

“Ne për këtë sezon të ri jena të përgatitura shumë për këtë javë që fillojnë garat dhe besoj se do të marrim vende dhe fitore” deklaroi Amina Zeqiri

“Ne jemi shumë të përgatitur dhe shpresojmë të kemi rezultatet shumë të mira, dhe rezultate personale” deklaroi Diar Xhemaili

Me garues të vetë në garat e nesërme të atletikës do të prezantohet edhe klubi i atletikës Studenti dhe atë me Aldin Ademin në disiplinat hedhje e shtizës, gjyles dhe diskut, Suhejb Jakupi në kërcim së gjati të dy kë kategorinë e sendorëve dhe Emir Huseini në kategorinë pionierë në hedhjen e shtizës dhe gjyles .

SHABAN SINANI – TV KOHA

Sport

LIGA E PARË: E SHTUNA ME GJASHTË NDESHJE TË ”ZJARRTA”

Published

2 days ago

April 18, 2025

TetovaExpres

Shkaku i festës së pashkëve java e 28 në ligën e parë të futbollit vendor do të zhvillohet të shtunën me fillim në ora 16:00. Kjo javë në krahasim me ato të deritanishmet karakterizohet me disa takime që vërtet mund të ndikojnë në renditjen përfundimtare si për ekipet që luftojnë kreun e tabelës ashtu edhe për ato ekipe që luftojnë mbijetesë.

Në stadiumin e qytetit në Gostivar zhvillohet derbi i pollogut mes ekipit të Besës së Dobërdollit që ka rastin e fundit për të ngjall shpresën për mbijetesë kundër liderit aktual Shkëndijës që lufton për titullin e pestë kampionë i Maqedonisë së Veriut kthyer lufton mbijetesë, andaj për tifozët e rajonit të gjitha rrugët do të çojnë te stadiumi Gostivarit në përkrahje të ekipeve të tyre të zemrës. Por futbollist Xhemail Esati tha se duke u bazuar në atmosferën që është në ekip mund të presim një ndeshje të cilësisë lartë dhe fitore

“Ndeshjet kundër Shkëndijës gjithmonë janë të vështira. Por besoj se pas kësaj humbje në Kratovë, besoj se do të kthehemi në rezultat pozitiv sepse çdo ndeshje për ne është finale dhe ne kërkojmë tre pikë për mbijetesë “ tha futbollisti Xhmail Esati

Nga na tjetër edhe futbollisti kuqe zi Vane Kërstevski tha se gjatë javës kanë punuar maksimalisht pikërisht për këtë ndeshje që të vazhdojnë rrugëtimin e fitoreve deri në arritjen e qëllimit

‘’Atmosfera tek ne është super e shkëlqyeshme. Punojmë mirë këtë javë përgatitemi për Besën. E dimë se luajmë me një ekip cilësore, por qëllimi jonë është të shkojmë atje dhe të luajmë dhe të marrim tri pikë, të mbajmë pozitën e parë, të risim diferencën prej 4 pikë me Sileksin. Shpresojmë në rezultat të përshtatshëm‘’ deklaroi Vane Kërstevski futbollist i KF Shkëndija

Përballje tejet interesante do të zhvillohet edhe në Strugë aty ku kampioni në fuqi Struga Trim Lum përballet më Gostivarin një derbi për pozitën e katërt në tabelë. Në stadiumin e Çairit Shkupi do të mundohet të ndal hovin e Sileksit, Voska Sport përballet me Vardarin, Tikveshi në Kavadar takohet me AP Brera, ndërsa Rabotniçki është nikoqire e Pelisterit .Të gjitha ndeshjet zhvillohen nesër me fillim në ora 16:00.

Shaban Sinani – TV Koha