Lajme nga vendi
Pse nuk guxon të formohet qeveri pa Vetëvendosjen?
Shkruan: Naser Selmani
Zgjedhjet në Kosovë përfunduan, rezultatet dihet, dilema është kush do të formojë qeverinë e re. Rezultati është i qartë si loti. Lëvizja Vetëvendosje fitoi me mbi 40 për qind të votave. Ajo ka thuajse dyfish më shumë vota se partia e dytë, PDK. Kosovarët folën qartë, qeverinë e re duhet ta drejtojë kryeministri aktual, Albin Kurti.
Ajo që Kurti nuk mori mbi 50 për qind të votave nuk tregon se ai ka humbur mbështetjen e kosovarëve. Përkundrazi dëshmon pjekurinë e kosovarëve, që kërkojnë ta testojnë Kurtin në një rrafsh tjetër, aftësinë për të formuar një qeveri koalicioni me bazë të gjerë sepse kështu e kërkojnë rrethanat politike në Kosovë, në rajon dhe në Evropë.
Prandaj Kurti duhet ta jetë i gatshëm për kompromise me PDK, të krijojë një qeveri të qëndrueshme me mbështetje të fuqishme në Parlament. Vetëm kështu qeveria e re mund të jetë e gatshme të përballojë sfidat e reja.
Priten reforma të brendshme që do të përmirësojnë jetën e kosovarëve dhe të menaxhojë me sukses bisedimet për normalizimi i raporteve me Serbinë.
Përveç kësaj, rajoni pritet të kalojë nëpër turbulenca të reja, sepse politika serbe do të përpiqet të shfrytëzojë raportet e ftohta mes administratës së presidentit Tramp dhe Bashkimit Evropian për luftën në Ukrainë, e cila detyrimisht do të ketë ndikim edhe mbi zhvillimet në vendet e Ballkanit perëndimor.
Realisht mund të pritet që presidenti serb Aleksandar Vuçiq, ta aktualizojë sërish idenë e Botës serbe, e cila nuk është asgjë tjetër përveç se ambalazhim ndryshe i idesë së Serbisë së Madhe duke dashur që problemet e brendshme me protestat e studentëve ti bartë në vendet fqinje.
Kosova nuk e ka luksin të formojë qeveri pa Kurtin e as Kurti nuk duhet të formojë qeveri pa mbështetje të fortë në Kuvend. Kurti duhet të mësojë të punojë bashkë me opozitën, ndërsa opozita të pranojë atë si faktor i pashmangshëm.
Të izolosh Kurtin, do të thotë të refuzosh realitetin dhe ti shkaktosh telashe vetes dhe Kosovës.
Kosovarët presin sjellje të përgjegjshme nga drejtuesit politik, të udhëhiqen prej interesat e vendit, e jo prej inateve personale.
Urojmë që opozita të tejkalojë tundimin, për pak pushtet, të rrezikojë shtetin.
Të mos përsërisin gabimin e mbretit Zog dhe Enver Hoxhës, të kërkojnë ndihmën e Beogradit për të eliminuar kundërshtarin politik sepse do të ju kushtojë shtrenjtë.
Këtë tradhti kurrë nuk do të ua falin shqiptarët!
Lajme nga vendi
Mickoski në SHBA kërkon garanci për ndryshimet kushtetuese, Aggeler: Uashingtoni s’mund ta bëjë këtë, nuk jemi pjesë e BE-së
Ambasadorja amerikane në Shkup, Angela P. Aggeler tha se SHBA-të nuk mund të japin garanci se nuk do të ketë kushte të tjera ndaj Maqedonisë së Veriut në rrugën drejt BE-së, shkruan TV21. Edhe pse Mickoski thotë se këtë po e kërkon gjatë vizitave në SHBA, Aggeler thotë se i vlerëson vizitat e kryeministrit dhe ministrave, por që kjo kontribuon vetëm në marrëdhëniet bilaterale mes dy shteteve.
“Uashingtoni nuk jep garanci në rrugën drejt BE-së, sepse nuk jemi pjesë e Bashkimit Europian. Mendoj se është një diskutim që është duke ndodhur dhe që ka ndodhur me zyrtarë të lartë në BE, por do të them se jam e kënaqur që kryeministri dhe pjesëtarët e Kabinetit të tij janë në Uahsington. Kjo është një marrëdhënie e rëndësishme dhe mendoj se fakti që ishte atje disa herë pas marrjes së funksionit si kryeministër dhe disa ministra të tjerë, kjo flet për afërsinë e marrëdhënieve dhe shumë mënyra që ne, si SHBA dhe Maqedoni e Veriut, mund të bashkëpunojmë në mënyrë bilaterale”, tha Aggeler.
Sekretari shtetëror në Ministrinë e Mjedisit Jetësor dhe Planifikimit Hapësinor, Resmi Ejupi, e vizitoi SHFK Ismail Qemali në Çair, ku sot nën moton “Unë jam eko–heroi i ri”, u mbajtë punëtoria edukative ekologjike për nxënësit më të vegjël në kuadër të fushatës multimediale kombëtare “Ndryshimi pozitiv”.
Në punëtori, nxënësve iu dhanë pako me lojëra, libra për t’u ngjyrosur, ngjitëse dhe mjete të tjera edukative që do t’i ndihmojnë ata të mësojnë për rëndësinë dhe metodat e përzgjedhjes së mbeturinave në mënyrë krijuese. Mësimi interaktiv u mbështet nga një video e shkurtër në të cilën nxënësit u njohën me mënyrat e përzgjedhjes dhe asgjësimit të duhur të mbeturinave.
Të rinjët treguan interes të madh për përmbajtjet e ofruara në paketat edukative dhe nga ndërveprimi me fëmijët u kuptua se, falë promovimit të aktiviteteve ekologjike dhe futjes së eko-përmbajtjes në programin arsimor, tashmë po rritet vetëdija te të rinjët për ndarjen e mbeturinave dhe mbrojtjen e mjedisit në përgjithësi.
Në hyrje të shkollës u vendos përgjithmonë një tabelë me moton “Unë jam eko–heroi i ri”, e cila do t’i motivojë nxënësit dhe vizitorët të zhvillojnë shprehi pozitive dhe do t’u kujtojë se secili prej nesh ka një rol të rëndësishëm në mbrojtjen dhe sigurimin e një mjedisi të pastër dhe të shëndetshëm.
Mickoski në SHBA kërkon garanci për ndryshimet kushtetuese, Aggeler: Uashingtoni s’mund ta bëjë këtë, nuk jemi pjesë e BE-së
Mexhiti: Hfz. Sadudin Sulejmani ishte emblemë e fesë islame dhe krenari për Shkupin
Nxënësit e shkollës fillore Ismail Kemali në Çair mësojnë se si të bëhen eko-heronj
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve