Lajme nga vendi
Çdo dokument elektronik i prodhuar nga një organ shtetëror mund të përdoret në formë të printuar si dokument origjinal

Me Ligjin për ndryshimin dhe plotësimin e ligjit për dokumentet elektronike, identifikimin elektronik dhe shërbimet konfidenciale, së fundmi është bërë e mundur që çdo dokument elektronik i lëshuar nga një organ shtetëror të mund të përdoret në formën e tij të shtypur, njësoj si dokumenti origjinal dhe që qytetarëve të mos u kërkohet në formë letre, siç ishte praktikë në të kaluarën, me të cilën paguanin dy herë. Megjithatë, në praktikë qytetarët ende përballen me mospranimin e dokumenteve elektronike nga disa institucione.
Ministria e Transformimit Digjital (MTD) thotë për MIA-në se është përgatitur një Udhëzues me qëllim të zbatimit korrekt të ligjit dhe nëse qytetarët hasin në mospranimin e dokumentit të tyre elektronik të shtypur nga një institucion, duhet t’i referohen ligjit i cili i detyron institucionet që ta pranojnë dokumentin sepse është njësoj i vlefshëm si origjinali.
“Ende nuk kemi bërë analiza të detajuara, sepse ndryshimet në ligj kanë ndodhur muajin e kaluar, por përdorimi i shërbimeve të portalit kombëtar të shërbimit uslugi.gov.mk është në rritje të vazhdueshme, duke gjykuar nga reagimet pozitive nga qytetarët dhe bizneset, mund të themi se janë të kënaqur me këtë mundësi. Sa i përket institucioneve, së fundi ministri Andonovski deklaroi se presim ndoshta rezistencë apo injorancë nga ana e institucioneve dhe për këtë kemi përgatitur një udhëzues ku citohet neni i ligjit i cili i jep bazë ligjore që një dokument elektronik i shtypur të njihet si i vlefshëm. Nëse qytetarët hasin në mospranim të dokumentit të tyre nga një institucion, i bëjmë thirrje që t’i referohen ligjit që i detyron institucionet të pranojnë dokumentin sepse është njësoj i vlefshëm si origjinali”, thonë nga MTD.
Përndryshe, në Maqedoninë e Veriut ka nevojë të madhe për edukim digjital, por shtetit i mungon qasja strategjike për këtë çështje, veçanërisht për qytetarët që nuk janë pjesë e arsimit formal. Për planin vjetor të Qeverisë për vitin 2025, Fondacioni “Metamorfozis” ka propozuar nismën: Krijimi i një Strategjie Nacionale për Edukim Digjital. Ofrimi më i madh i mundësive për ndërtimin e shkrim-leximit digjital dhe qëndrueshmërinë e qytetarëve të vendit ndaj kërcënimeve kibernetike vjen nga shoqëria civile, në mesin e tyre edhe Fondacioni “Metamorfozis” me aktivitetet e tyre.
Lajme nga vendi
Paga minimale mbetet çështje e hapur, pritet seancë e Këshillit Ekonomiko-Social

Këshilli Ekonomik-Social deri në fund të këtij muaji do të mbajë një seancë për të diskutuar mbi pagën minimale dhe sa do të rritet. Sipas zgjidhjes ligjore, rritja do të ishte rreth 1.800 denarë, ndërsa Lidhja e Sindikatave kërkon rritje prej 6.000 denarë duke marrë parasysh koston e jetesës, dhe kontributet për diferencën deri në 30.000 denarë, që do të ishte paga minimale, të subvencionohen nga Qeveria për një vit.
Qeveria pohon se janë dakord me zgjidhje për të cilën do të pajtohen punëtorët dhe punëdhënësit, por thonë se buxheti nuk parasheh mjete për pagë minimale 30 mijë denarë.
Nga Ministria e Ekonomisë thonë se Komisioni për përfaqësueshmëri fillimisht duhet të përcaktojë përfaqësimin e sindikatave, e më pas të caktohet seanca e Këshillit Ekonomik Social.
Komisioni i Përfaqësimit është formuar të martën dhe pritet të caktojë seancë për të përcaktuar përfaqësimin.
Lajme nga vendi
Më 14 mars, 24 vite më parë filluan krismat e para në kalanë e Tetovës, ja se si filloj lufta

Pikërisht sot më 14 mars, 24 vite më parë në Tetovë filluan krismat e para e Ushtrisë Çlirimtare Kombëtarë në Kalanë e Tetovës. Pikërisht në këtë ditë ishte thirrur një protestë masive nga shoqatat joqeveritare si ajo e ish të burgosurve dhe përndjekurve politik shqiptarë, Shoqata e Gruas Shqiptare dhe shoqata tjera.
Brohoritjet e shumë protestuesve shqiptarë ishin të shumta por e veçanta e kësaj proteste ishte pikërisht në momentin kur protestuesit brohorisën “Ndal dhunës ndaj shqiptarëve”, për një çast u zëvendësuan me brohoritjet “UÇK, UÇK”, të cilat brohoritje pasuan pas krismave të para të ushtarëve të UÇK-së në Kalanë e Tetovës, informon portali “tetova1”.
Ishte 13 marsi i vitit 2001, kur tre grupe të UÇK-së, me nga 11-12 veta u ngjitën rreth kalasë së Tetovës e cila është një pikë strategjike. Grupi i parë i luftëtarëve u vendos brenda në Kala ndërsa grupi i dytë u pozicionua në krahun e majtë të Kalasë, në vendin e quajtur Stermoll.
Grupi tjetër i ushtarëve të Ushtrisë Çlirimtare Kombëtare u përqendrua në fshatin Gajre, që i bie të jetë krahu i djathtë mbrojtës i Kalasë së Tetovës. Po atë ditë në fshatin Sellcë u instalua njësiti i parë i Logjistikës së UÇK, që do luante një rol të rëndësishëm. Këta tre grupe me nga 11-12 shqiptar do të krisnin pushkën e parë paraditen e 14 mars 2001.
Ajo pushkë nuk do të trondiste vetëm Tetovën, por të gjithë Maqedoninë. Jehona e kësaj krisme do të dëgjohej kudo.
Lajme nga vendi
(video)Nxënësit e shkollave të mesme në Tetovë sot kanë bojkotuar mësimin për shkak të ndryshimit të orarit dhe pamundësisë për të qenë të lirë gjatë kohës së iftarit.

Nxënësit e shkollave të mesme në Tetovë sot kanë bojkotuar mësimin për shkak të ndryshimit të orarit dhe pamundësisë për të qenë të lirë gjatë kohës së iftarit.Në Gjimnazin “Kiril Pejçinoviq” dhe Shkollën e Mesme Ekonomike, protestën në shenjë mbështetjeje për nxënësit e pasdites, e kanë mbajtur edhe ata që janë në paradite dhe nuk kanë mbajtur mësim pas orës së katërt. Nga Komuna e Tetovës thonë se nuk mund të bojkotohet mësimi dhe nuk mund të ndryshohet orari apo të shkurtohen orët mësimore. Sipas përgjegjësit të sektorit për arsim, shkollat do të duhet të përshtatin pushimin e gjatë dhe ta zgjatin atë për kohën e iftarit, duke siguruar që nxënësit të kenë kohë të mjaftueshme për të konsumuar ushqimin.“Asesi nuk ka pasur ndonjë njoftim apo lajmërim zyrtar nga ana e themeluesit apo Komunës së Tetovës për shkurtimin e mësimeve apo rikthimin e orarit normal. Sipas nenit 27 të ligjit për mësimdhënie të mesëm, është përcaktuar se ora mësimore zgjat 45 minuta dhe themeluesi nuk mund të ndërmarrë një veprim të tillë për shkurtimin e orëve mësimore, pasi neni 23 i Ligjit për Arsimin e Mesëm përcakton se mund të ndërpriten dhe shkurtohen orët mësimore vetëm për shkak të fatkeqësive natyrore apo pandemive,” tha Nazmi Dauti, përgjegjës i sektorit për arsim në Komunën e Tetovës.Ndryshe, shkollat e mesme kanw adatuar vet orarin në mënyrë që gjatë kohës së iftarit të mund të jetë i zgjatur pushimi“Shkollat e mesme kanë bërë adaptimin e orarit, në mënyrë që gjatë kohës së iftarit të mund të jetë i zgjatur pushimi i njohur brenda shkollave dhe asesi nuk duhet të ndërpritet procesi edukativo-arsimor, qoftë për arsye fetare, ashtu edhe për arsye ligjore. Kështu që nxënësit dhe prindërit, pasi kishin paralajmëruar bojkotin e procesit edukativo-arsimor, duhet të dinë se nuk mund të bojkotohet ai, pasi kjo është e papranueshme,” shtoi ai.Dauti theksoi se Inspektoriati Shtetëror i Arsimit nuk ka dalë me ndonjë prononcim në lidhje me këtë çështje, por Komuna e Tetovës ka informuar të gjitha drejtoritë e shkollave për të përshtatur pushimin e gjatë me kohën e iftarit, dhe nxënësit, pas kësaj, do të duhet të vazhdojnë mësimin deri në përfundim të orarit të plotë pa ndërprerje. TV KOHA
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve