Lajme nga vendi
BDI: Më pak se 12 për qind e buxhetit për kulturën shqiptare, poshtërimi merr përmasa alarmuese
Në një komunikatë përmes rrjetit social Fejzbuk në faqen zyrtare të BDI-së, Këshilltari i Shtetëror i Ministrisë së Kulturës, Valmir Aziri reagoi ashpër se megjithëse Ministria e Kulturës dhe Turizmit promovon rritjen e buxhetit për kulturën, shqiptarët po përjetojnë një diskriminim të theksuar kulturor, pasi programet dhe fondet janë shpërndarë padrejtësisht dhe institucionet kulturore shqiptare janë margjinalizuar
Komunikata e plotë e BDI-së:
Në kohën kur Ministria e Kulturës dhe Turizmit propagandon rritjen e buxhetit për kulturën, realiteti për shqiptarët është krejt ndryshe.
Në vitin 2025, shqiptarët po përjetojnë diskriminimin më të rëndë kulturor të dy dekadave të fundit.
Programi vjetor nuk është thjesht një shpërndarje e padrejtë e fondeve, por një strategji e pastër shtetërore për të zhdukur kulturën shqiptare nga mbështetja institucionale.
Institucionet që promovojnë kulturën shqiptare janë lënë në margjina dhe janë dënuar me një buxhet minimal!
Në total, në të gjitha sektorët kryesorë të kulturës, shqiptarët nuk kanë arritur të marrin as 12% të buxhetit dhe projekteve, duke u trajtuar si qytetarë të dorës së dytë në shtetin e tyre.
Përfaqësimi ndërkombëtar: asgjësimi i pranisë shqiptare
Në vend që të mbështesë përfshirjen e artistëve shqiptarë në skenën ndërkombëtare, Ministria e Kulturës ka bërë të kundërtën: ka eliminuar shqiptarët nga çdo mundësi për të promovuar artin dhe identitetin e tyre.
245 projekte maqedonase të financuara – shqiptarët vetëm 22 projekte
40 milionë denarë për maqedonasit – shqiptarët vetëm 3.5 milionë denarë
Ky është një plan i paramenduar për t’i bërë shqiptarët të padukshëm në kulturën ndërkombëtare.
Artet vizuale: fshirja e artit shqiptar nga hapësirat publike
120 projekte maqedonase me 13 milionë denarë
16 projekte shqiptare me vetëm 1.2 milionë denarë
Për më tepër, Galeria e Arteve në Gostivar nuk ka marrë asnjë investim serioz. Mungesa e mbështetjes për këtë institucion nuk është rastësi, por një përpjekje e qartë për të ndaluar zhvillimin e artit shqiptar dhe për ta lënë atë në harresë.
Botimet: mohimi institucional i letërsisë shqiptare
320 tituj maqedonas të financuar me 39.5 milionë denarë
60 tituj shqiptarë me 6.6 milionë denarë
Përmes këtij trajtimi, letërsia shqipe trajtohet si një element i parëndësishëm, ndërsa letërsia maqedonase merr financim të pakufizuar.
Teatri dhe folklori: shuarja graduale e kulturës shqiptare
33 projekte teatrore maqedonase me 6.2 milionë denarë
7 projekte shqiptare
70 projekte folklorike maqedonase – shqiptarët vetëm 19 projekte
Kjo është një goditje e rëndë ndaj trashëgimisë artistike shqiptare dhe një strategji për të kufizuar ndikimin e kulturës shqiptare në skenën kombëtare.
Muzika: dominim i plotë monoetnik
152 projekte maqedonase – shqiptarët vetëm 35 projekte
52 milionë denarë për maqedonasit – shqiptarët vetëm 7.5 milionë denarë
Në një vend ku kultura muzikore shqiptare është një nga më të zhvilluarat, kjo ndarje e fondeve është një sulm i hapur ndaj artistëve shqiptarë.
Manifestimet dhe festivalet: ndrydhja e kulturës shqiptare
113 projekte maqedonase me 75 milionë denarë
Vetëm 7 projekte shqiptare me 16.5 milionë denarë
Kjo është prova më e qartë e diskriminimit të hapur dhe një përpjekje e drejtpërdrejtë për të shuar festivalet shqiptare.
Infrastruktura: shuarja e institucioneve shqiptare
Asnjë mbështetje për Ansamblin Muzikor Shqiptar
Asnjë përpjekje për të siguruar hapësira për Ansamblin e Këngëve dhe Valleve
Asnjë projekt serioz për ruajtjen e trashëgimisë kulturore shqiptare
Institucionet kulturore shqiptare po braktisen qëllimisht për t’i çuar drejt falimentimit dhe shuarjes.
Ky diskriminim brutal dhe segregacioni kulturor ndodh nën qeverisjen , e cila ka treguar paaftësi të plotë për të mbrojtur interesat e shqiptarëve.
Kjo është një tradhti e hapur ndaj kulturës shqiptare, ndërsa peshën e tyre politike e shohim të shuar plotësisht.
Nëse kjo politikë vazhdon, kultura shqiptare do të vazhdojë të degradohet, ndërsa shqiptarët do të mbeten spektatorë të margjinalizuar në shtetin e tyre.
Ky është momenti për një reagim të fuqishëm politik dhe shoqëror për të ndalur këtë padrejtësi sistematike
Lajme nga vendi
Çmimet e shërbimeve hotelerike në janar në nivel vjetor më të larta për 5.8 për qind
Sipas të dhënave të Entit Shtetëror të Statistikës (ESHS), indeksi i çmimeve në shërbimet hotelerike gjatë muajit janar të vitit 2025, krahasuar me muajin dhjetor të vitit 2024, është rritur për 0.2 %.
Krahasuar sipas grupeve të shërbimeve, rritje është shënuar në grupet Ushqime për 0.3 %, Pije joalkoolike për 0.1 % dhe Bujtje për 0.3 %.
Indeksi i çmimeve të shërbimeve hotelierike në janar 2025, krahasuar me të njëjtin muaj të vitit paraprak është rritur për 5.8 %.
Ministria e Politikës Sociale Demografisë dhe Rinisë informon se prej sot ka filluar pagesa e të drejtave sociale, të fëmijëve dhe mbrojtjes civile për muajin janar 2025.
Përfituesit e të drejtave në të holla që posedojnë kartelë debitore do të mund të tërheqin paratë në bankomatet e bankave, t’i shfrytëzojnë fondet për pagesa në rrjetin e shitjeve ose përmes bankingut elektronik dhe celular që nga dita e sotme 05 shkurt 2025.
Për të shmangur turmat para bankave dhe brenda ambienteve të bankave gjatë pagesës së të drejtave, për përfituesit që nuk shfrytëzojnë kartela pagesa do të kryhet në 2 grupe në të gjitha filialet dhe ekspoziturat e bankave, në përputhje me orarin e përcaktuar sipas renditjes alfabetike, sipas shkronjë së parë të mbiemrit, edhe atë:
05.02.2025– А, B, V, G, D, GJ, Е, ZH, Z, X; I, Ј, К, L, LL
06.02.2025– М, N, NJ, О, P, R, S, Т, Q, U, F, H, C, Ç, XH, SH
Lajme nga vendi
Dy herë në ditë do të mund të udhëtoni me tren në relacionin Shkup-Kumanovë dhe anasjelltas, udhëtimi zgjat rreth 40 minuta
Sot është lëshuar në funksion linja hekurudhore Shkup-Kumanovë dhe anasjelltas, shkruan Alsat.
Siç njoftoi ministri i Transportit dhe Lidhjeve, Aleksandar Nikolloski, trenat do të lëvizin dy herë në ditë, në orare 06:30 dhe 16:30, ndërkaq udhëtimi do të zgjasë 41 minuta për një drejtim.
Nikolloski tha se ka ambicie që të lëshohen linja hekurudhore për në Tetovë, Gostivar e Kërçovë.
“Ajo që është ambicia jonë e përbashkët, është që në periudhën e ardhshme unë i quaj këto trena të qytetit, pasi bëhet fjalë për distanca që nuk janë të largëta, të lëshojmë trena edhe deri në Tetovë dhe Gostivar. Gjithsesi, kemi ambicie që të kthehet tërë linja deri në Kërçovë, më tej deri në Shtip dhe Koçan, ajo është ambicia e radhës që shpresoj se për shpejtë do të mundemi të ju ftojmë këtu”, tha Aleksandar Nikolloski, ministër i Transportit.
Çmimet e shërbimeve hotelerike në janar në nivel vjetor më të larta për 5.8 për qind
RMV, sot filloi pagesa e të drejtave nga mbrojtja sociale dhe e fëmijëve
Dy herë në ditë do të mund të udhëtoni me tren në relacionin Shkup-Kumanovë dhe anasjelltas, udhëtimi zgjat rreth 40 minuta
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve