Sipas të dhënave të Institutit Gjeodinamik të Observatorit Kombëtar në Athinë, tërmetet kanë ndodhur mes tre dhe pesë të mëngjesit dhe të katër aktivitetet sizmike janë karakterizuar si “të dobëta”, raportojnë mediat greke.
Në tre ditët e fundit, 550 tërmete janë regjistruar në rajonin midis Santorinit, Amorgos dhe Ios, të gjithë më të fortë se tre të shkallës Rihter dhe më i forti ishte 4.9.
Frika për tërmete të reja ka shkaktuar panik tek banorët e Santorinit, Amorgos dhe ishujve përreth.
Shumë kanë vendosur të largohen nga ishujt, duke çuar në bllokime të mëdha në portet, dhe janë planifikuar tragete dhe rrugë ajrore shtesë për ata që dëshirojnë të largohen.
Për arsye sigurie, shkollat në Santorini, Anafi, Ios dhe Amorgos do të jenë të mbyllura deri të premten.
Një takim është planifikuar edhe për sot në Ministrinë e Krizave Klimatike dhe Mbrojtjes Civile.
Në takim do të marrin pjesë përfaqësues të autoriteteve vendore, të Zjarrfikësve, të Rojës Bregdetare, të Forcave të Armatosura dhe autoriteteve të tjera kompetente.
Zyrtarët kanë vlerësuar se sizmiciteti intensiv në rajon mund të zgjasë edhe për disa ditë apo edhe javë, dhe Manolis Skordilis, profesor i sizmologjisë në Universitetin Aristotele të Selanikut, vlerësoi se situata në Santorini është jashtëzakonisht e rëndë dhe se tërmetet me magnitudë. mbi gjashtë gradë janë të mundshme.
Porti i ishullit ishte në një gjendje kaosi në agim, pasi shumë familje prisnin të hipnin në tragetin për në Pire. Tragetet Kissamos dhe Blue Star Paros operonin në linja të veçanta.
Deputeti i Lëvizjes Vetëvendosje, Dimal Basha ka publikuar pjesë të një sondazhi, ku shihetvse Vetëvendosje ka një përqindje të lartë në shumicën e komunave në Kosovë, përcjell agjencia e lajmeve INA.
Sipas këtij sondazhi, VV-ja në Ferizaj do të marë 57. 7 përqind, në Gjilan 61.8, Vushtri, 58.3, Kamenicë, 56.8 përqind, etj.
Për tre javë që kur ka filluar fushata elektorale për zgjedhjet parlamentare të 9 shkurtit, partitë politike në Kosovë janë gjobitur me 400 mijë euro për shkelje në fushatë, transmeton Anadolu.
Paneli Zgjedhor për Ankesa dhe Parashtresa (PZAP), gjobiti partitë politike 88 herë në vlerë prej 433.900 euro që nga fillimi i fushatës me 11 janar.
Shkeljet e evidentuara nga PZAP kanë të bëjnë kryesisht me shkelje të Kodit të Mirësjelljes për Subjektet Politike.
Subjekti opozitar, Lidhja Demokratike e Kosovës (LDK) është subjekti i cili ka shumën më të lartë të gjobave nga të gjitha partitë e certifikuara për zgjedhjet e 9 shkurtit 2025. Kjo parti, mori 21 gjoba nga Paneli për Ankesa dhe Parashtresa në vlerë totale prej 112.500 euro. Pothuajse, të gjitha këto gjoba ndaj LDK-së erdhën pas ankesave të partisë në pushtet, Lëvizjes Vetëvendosje.
Gjobat më të larta të shqiptuara nga ky institucion deri më 31 janar, janë dy raste me nga 20 mijë euro. Një për LDK-në dhe një për koalicionin Aleanca për Ardhmërinë e Kosovës (AAK), NISMA, Konservatorët, Intelektualët.
Partia në pushtet ka numrin më të madh të gjobave nga PZAP. Vetëvendosje ka gjithsej 22 raste, por, të cilat në shumë janë më të ulëta se të LDK-së. Vetëvendosje në total deri më 31 janar ka 101.500 euro dënime. Ankesat për partinë në pushtet u bënë nga partitë opozitare PDK, LDK dhe koalicioni AAK-NISMA.
Gjithashtu, Vetëvendosje është partia e vetme që është gjobitur deri më tani me 2.500 euro për shkak të pengimit të punës së gazetarëve.
Partia politike e tretë me më së shumti raste të gjobave të marra nga PZAP është Partia Demokratike e Kosovës (PDK). Partia më e madhe opozitare aktualisht, mori 19 dënime nga PZAP me vlerë prej 97.000 euro. Të gjitha rastet e dënimeve ndaj PDK-së, u shqiptuan si rezultat i ankesave të Vetëvendosjes.
Koalicioni AAK-NISMA, u dënua në tetë raste. Nga ankesat që iu aprovuan Vetëvendosjes me vendime të PZAP-së për këtë koalicion, shuma e gjobave deri më 31 janar arrin vlerën e 60.700 euro.
Edhe subjekti i certifikuar për zgjedhjet e 9 shkurtit, “Koalicioni për Familje”, u dënua nga PZAP në pesë raste me shumën totale 25.500 euro. Ankesat që u aprovuan, u bënë nga organizata joqeveritare “CEL Kosova dhe Dylberizim” dhe nga Vetëvendosje. Ky koalicion, në pesë raste u gjobit për shkak të shkeljes së Kodit të Mirësjelljes.
Gjithashtu, partia më e madhe e serbëve në Kosovë, Lista Serbe, u dënua në tri raste, nga dy ankesat që i bëri partia në pushtet Lëvizja Vetëvendosje dhe një organizatë joqeveritare. Lista Serbe nga fillimi i fushatës deri më 31 janar është gjobitur me 13.500 euro, për shkak të shkeljes së Kodit të Mirësjelljes.
Derisa, ka mbetur më pak se një javë para mbajtjes së zgjedhjeve parlamentare, Richard Grenell, i dërguari i presidentit amerikan Donald Trump për misione speciale, nëpërmjet një postimi në profilin e tij në X është pozicionuar kundër kryeministrit të Kosovës Albin Kurti.
Grenell në postimin e tij ka thënë se SHBA-së dhe administratës Trump i duhen partnerë të besueshëmm, duke theksuar se Qeveria Kurti në asnjërin mandat nuk ka qenë e besueshme për asnjërën administratë amerikane.
“Qeveria Kurti nuk ka qenë e besueshme gjatë mandatit të parë të Trumpit, as gjatë mandatit të Bidenit. Si republikanët ashtu edhe demokratët e kanë kritikuar vazhdimisht Kurtin për veprime njëanshme që destabilizojnë rajonin. Po ashtu edhe BE-ja dhe NATO. Komuniteti ndërkombëtar është i bashkuar kundër Kurtit”, ka shkruar Grenell.
Atij për këto deklarime, i ka reaguar edhe gazetari shqiptar Andi Bushati, përcjell Bota sot.
Bushati publikoi një fotografi të Grenellit me presidentin serb, derisa potencoi faktin se pasi kontribuoi në rrëzimin e qeverisë Kurti 1, tani po ndërhyn në fushatë elektorale.
Shkrimi i plotë
Pasi kontribuoi njëherë për rrëzimin e një qeverie të ligjshme në Kosovë, një lobist dhe pazarxhi autokratësh, si Grenell, ndërhyn sërish në fushatën elektorale. Kur dëgjon atë kupton më mirë se ç’do miku i tij në Beograd
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
