Sport
KARATE: RMV-ja ME 35 GARUES UDHËTON NË POLONI
Në edicionin e 52-të kampionati europian i karatesë për kadet, junior dhe U-21 marrin pjesë 1208 garues nga 49 vende në mesin e të cilave edhe Maqedonia me 35 karateist
Qyteti Bielsko-Biala në Poloni nga data 8 deri më 10 shkurtë është nikoqire e edicionit të 52-të me radhë kampionati evropian i karatesë për kadetë, junior dhe U-21 ku do të marrin pjesë 1208 garues nga 49 shtete në mesin e të cilëve edhe Maqedonia e Veriut. Për këtë kampionat evropian reprezentacioni i Maqedonisë së Veriut është duke zhvilluar përgatitje intensive , këtë për TV Koha e deklaroi drejtori sportiv i reprezentacion Arlind Huseini
‘’Seancat stërvitore të reprezentacionit të Maqedonisë janë në përfundim e sipër, edhe këtë javë kemi seancën përfundimtare me reprezentacionin e Maqedonisë. Janë duke u zhvilluar në mënyrën shumë të mirë, lëndime nuk kemi, gjithçka shkon sipas planit të seleksionuesve. Kështu që presim që me datën 4 shkurt të udhëtojmë në kampionatin evropian të 52-n me radhë që mbahet Bielsko-Biala në Poloni dhe pres që realisht këto anëtar të reprezentacionit të tregojnë më të mirën për shkak se me të vërtet janë garues të shkëlqyer, talente të mirë. Një ekipi i bukur i garuesve që tregon që se do të arrijnë suksese në këtë kampionat europian‘’ deklaroi Arlind Husein drejtor sportiv i reprezentacionit
Reprezentacioni i Maqedonisë së Veriut në këtë kampionat europian për kadet, junior dhe u-21 do të përfaqësohet me formacion të kompletuar në kategorinë e meshkujve dhe femrave si në KATA ashtu edhe në KUMITE.
‘’Numëri i përgjithshëm është 35 garues, të ndarë në KATA dhe kumitë, kemi 5 seleksionues, shefi delegacionit si dhe unë si drejtor sportiv i reprezentacionit‘’ tha Huseini
Reprezentacioni ynë në këto kampionate europiane tradicionalisht ka pasur suksese ndaj edhe kësaj radhe pritet që të shënojnë rezultate të mira dhe pse jo të fitojnë edhe medalje.
‘’Unë gjithmonë jam tip i tillë që pres nga të gjithë garuesit të japin maksimumin dhe të arrin sukses për shkak se është një garë që gjithkush, çdo sportist donë të japi maksimumin , pasi gara nuk përsëritet edhe një herë. Kështu që unë ia lë at që çdo njëri prej tyre është shumë i përgatitur mirë dhe pres nga të gjithë . Këtë radhë nuk do ti ndaj pasi që të gjithë janë kampionë në kategoritë e tyre’’ tha drejtori sportiv Arlind Huseini.
Ekspedita e reprezentacionit të Maqedonisë së Veriut në karate në Poloni do të udhëton me datën 4 shkurt, ndërsa kthimi është parapa për datën 10 shkurt /SHABAN SINANI TV KOHA/
Me përfundimin e ndeshjeve kthyese të çerekfinaleve në dy garat e tjera evropiane si Liga e Evropës dhe Liga e Konferencës.
Në katër ndeshjet e zhvilluar mbrëmë ka pasur spektakël, me Totenham që eliminoi Eintracht Frankfurtin dhe Mançester Junajted që me përmbysje mposhti Lyonin.
Bodo/Glimt befasoi të gjithë duke eliminuar Lacion, derisa Athletic Bilbao eliminoi Ranxhersin.
Mançester Junajted , Tottenham , Bodo/Glimt dhe Athletic Bilbao janë skuadrat që kanë shkuar në gjysmëfinale të Ligës së Evropës.
Tanimë dihen edhe çiftet gjysmëfinaliste, me Mançester Junajted që do të përballet me Athletic Bilbao.
Ndërkohë gjysmëfinalja tjetër është mes Tottenham dhe norvegjezëve të Bodo/Glimt që eliminuan Lacion.
Ndërkohë në Ligën e Konferencës në gjysmëfinale kanë shkuar Fiorentina, Çelzi, Djurgarden dhe Real Betis.
Në gjysmëfinale do të takohen Chelsea – Djurgarden dhe Real Betis – Fiorentina.
Në organizim të Federatës së Atletikës së Maqedonisë së Veriut të shtunën mbahen garat e vlefshme për Kupën e vendit në disiplinat 10 mijë metra në shtegun e stadiumit si dhe garat për Kupë në disiplinat e hedhjes, ndërsa do të organizohet edhe Turniri në disiplinat e stafetës dhe ato të kërcimeve në të gjitha kategoritë për djem dhe vajza ku pritet të marrin pjesë mbi 100 garues nga klubet anëtare të Federatës së atletikës. Në këto gara me garues të vet do të prezantohen edhe dy klubet e atletikë nga rajoni i Tetovës klubi atletikës Studenti dhe klubi atletikës Kamjani . Televizioni Koha ishte e pranishme në séancën e mbrëmshme stërvitore të klubit të atletikës Kamjani
“Këtë fund javë starton sezoni i ri 2025 me turnirët stafetore si dhe ato të hedhjeve. Ne si klub kemi bërë përgatitjet gjatë sezonit dimërorë dhe shpresojmë se këtë vit do të jemi më mirë se vitin tjetër edhe pse në kategorinë e pionierëve gjithmonë kemi qenë shumë mirë por shpresojmë të jemi edhe më mirë” deklaroi trajneri Xhemaili
Trajneri Ibraim Xhemaili në krahasim nga viti i kaluar kua ka marrë pjesë me garues të rinj, ndërsa këtë vit do të prezantohet edhe më junior ndërsa ka edhe një garues sendor që do merë pjesë garat e Kupës në 10 mijë metra. Pra këtë vit klubi i atletikës Kamjani ka qëllime më qarta
“Qëllimi i klubit tonë për këtë vit është të jemi në mesin e dy-tre klubeve më të mira për kategorinë e pionierëve dhe shpresojmë që të bëjmë ndonjë rekord tek pionierët” tha Ibraim Xhemaili
Por problemi i klubit të atletikës Kamjani si dhe klubeve tjera mbetet infrastruktura sportive
“ Po kushtet disi janë mirë shihet edhe vet nga terreni. Kemi kushte vetëm për vrapime por nuk kemi kushte për disiplinat hedhëse ose disiplinat e kërcimeve si kërcim së gjati dhe kërcim së larti . Nuk kemi kushte për të punuar në at disiplina por për at shkak shumë mirë jemi duke punuar në vrapime të shtigjeve të shkurta sprinterike. Gjithashtu edhe për shtigje të mesme kemi garues shumë të aftë nga të cilët shpresojmë të arrijnë mjaft rezultate“ tha në fund trajneri Ibraim Xhemaili
Në kë sezon të ri të atletikës talent e këtij klubi presin që s%paku të shënojnë rezultate apo rekorde personale
“Ne për këtë sezon të ri jena të përgatitura shumë për këtë javë që fillojnë garat dhe besoj se do të marrim vende dhe fitore” deklaroi Amina Zeqiri
“Ne jemi shumë të përgatitur dhe shpresojmë të kemi rezultatet shumë të mira, dhe rezultate personale” deklaroi Diar Xhemaili
Shkaku i festës së pashkëve java e 28 në ligën e parë të futbollit vendor do të zhvillohet të shtunën me fillim në ora 16:00. Kjo javë në krahasim me ato të deritanishmet karakterizohet me disa takime që vërtet mund të ndikojnë në renditjen përfundimtare si për ekipet që luftojnë kreun e tabelës ashtu edhe për ato ekipe që luftojnë mbijetesë.
Në stadiumin e qytetit në Gostivar zhvillohet derbi i pollogut mes ekipit të Besës së Dobërdollit që ka rastin e fundit për të ngjall shpresën për mbijetesë kundër liderit aktual Shkëndijës që lufton për titullin e pestë kampionë i Maqedonisë së Veriut kthyer lufton mbijetesë, andaj për tifozët e rajonit të gjitha rrugët do të çojnë te stadiumi Gostivarit në përkrahje të ekipeve të tyre të zemrës. Por futbollist Xhemail Esati tha se duke u bazuar në atmosferën që është në ekip mund të presim një ndeshje të cilësisë lartë dhe fitore
“Ndeshjet kundër Shkëndijës gjithmonë janë të vështira. Por besoj se pas kësaj humbje në Kratovë, besoj se do të kthehemi në rezultat pozitiv sepse çdo ndeshje për ne është finale dhe ne kërkojmë tre pikë për mbijetesë “ tha futbollisti Xhmail Esati
Nga na tjetër edhe futbollisti kuqe zi Vane Kërstevski tha se gjatë javës kanë punuar maksimalisht pikërisht për këtë ndeshje që të vazhdojnë rrugëtimin e fitoreve deri në arritjen e qëllimit
‘’Atmosfera tek ne është super e shkëlqyeshme. Punojmë mirë këtë javë përgatitemi për Besën. E dimë se luajmë me një ekip cilësore, por qëllimi jonë është të shkojmë atje dhe të luajmë dhe të marrim tri pikë, të mbajmë pozitën e parë, të risim diferencën prej 4 pikë me Sileksin. Shpresojmë në rezultat të përshtatshëm‘’ deklaroi Vane Kërstevski futbollist i KF Shkëndija
Përballje tejet interesante do të zhvillohet edhe në Strugë aty ku kampioni në fuqi Struga Trim Lum përballet më Gostivarin një derbi për pozitën e katërt në tabelë. Në stadiumin e Çairit Shkupi do të mundohet të ndal hovin e Sileksit, Voska Sport përballet me Vardarin, Tikveshi në Kavadar takohet me AP Brera, ndërsa Rabotniçki është nikoqire e Pelisterit .Të gjitha ndeshjet zhvillohen nesër me fillim në ora 16:00.
Shaban Sinani – TV Koha
BE: Është thelbësore për Kosovën ta formojë shpejt Qeverinë e re
Taravari konfirmon bisedën telefonike me Ahmetin
MPB: Gjatë festave të Pashkëve fotografimi për dokumentet personale do të bëhet pa termin
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve