Sport
KARATE: RMV-ja ME 35 GARUES UDHËTON NË POLONI
Në edicionin e 52-të kampionati europian i karatesë për kadet, junior dhe U-21 marrin pjesë 1208 garues nga 49 vende në mesin e të cilave edhe Maqedonia me 35 karateist
Qyteti Bielsko-Biala në Poloni nga data 8 deri më 10 shkurtë është nikoqire e edicionit të 52-të me radhë kampionati evropian i karatesë për kadetë, junior dhe U-21 ku do të marrin pjesë 1208 garues nga 49 shtete në mesin e të cilëve edhe Maqedonia e Veriut. Për këtë kampionat evropian reprezentacioni i Maqedonisë së Veriut është duke zhvilluar përgatitje intensive , këtë për TV Koha e deklaroi drejtori sportiv i reprezentacion Arlind Huseini
‘’Seancat stërvitore të reprezentacionit të Maqedonisë janë në përfundim e sipër, edhe këtë javë kemi seancën përfundimtare me reprezentacionin e Maqedonisë. Janë duke u zhvilluar në mënyrën shumë të mirë, lëndime nuk kemi, gjithçka shkon sipas planit të seleksionuesve. Kështu që presim që me datën 4 shkurt të udhëtojmë në kampionatin evropian të 52-n me radhë që mbahet Bielsko-Biala në Poloni dhe pres që realisht këto anëtar të reprezentacionit të tregojnë më të mirën për shkak se me të vërtet janë garues të shkëlqyer, talente të mirë. Një ekipi i bukur i garuesve që tregon që se do të arrijnë suksese në këtë kampionat europian‘’ deklaroi Arlind Husein drejtor sportiv i reprezentacionit
Reprezentacioni i Maqedonisë së Veriut në këtë kampionat europian për kadet, junior dhe u-21 do të përfaqësohet me formacion të kompletuar në kategorinë e meshkujve dhe femrave si në KATA ashtu edhe në KUMITE.
‘’Numëri i përgjithshëm është 35 garues, të ndarë në KATA dhe kumitë, kemi 5 seleksionues, shefi delegacionit si dhe unë si drejtor sportiv i reprezentacionit‘’ tha Huseini
Reprezentacioni ynë në këto kampionate europiane tradicionalisht ka pasur suksese ndaj edhe kësaj radhe pritet që të shënojnë rezultate të mira dhe pse jo të fitojnë edhe medalje.
‘’Unë gjithmonë jam tip i tillë që pres nga të gjithë garuesit të japin maksimumin dhe të arrin sukses për shkak se është një garë që gjithkush, çdo sportist donë të japi maksimumin , pasi gara nuk përsëritet edhe një herë. Kështu që unë ia lë at që çdo njëri prej tyre është shumë i përgatitur mirë dhe pres nga të gjithë . Këtë radhë nuk do ti ndaj pasi që të gjithë janë kampionë në kategoritë e tyre’’ tha drejtori sportiv Arlind Huseini.
Ekspedita e reprezentacionit të Maqedonisë së Veriut në karate në Poloni do të udhëton me datën 4 shkurt, ndërsa kthimi është parapa për datën 10 shkurt /SHABAN SINANI TV KOHA/
Klubi i futbollit Shkëndija në pritje të pjesës pranverore të kampionatit ku edhe do të vendoset për renditjen e përgjithshme të ekipeve, nga dita e sotme në radhët e veta ka sjell ish futbollistin e Shkupit senegalezin Fabricie Tamba. Sulmuesi 21 vjeçar te skuadra e Shkupit erdhi në fillim të kampionatit 2024/2025 dhe ka luajtur si titullar në 12 ndeshje dhe ka regjistruar 3 gola. Pas firmosi për ekipin e Shkëndijës për kanalin zyrtar të klubit është shprehur tepër i kënaqur që i bashkëngjitet ekipit tetovar
‘’Mirë fillimisht ishte befasi . Në fillim unë nuk e dija se do të luaj me këtë ekip. Kam luajtur kundër Shkëndijës, mendoj ishte në fillim të sezonit, ishte ndeshje e vështirë, dolëm me barazim 1-1. Por sigurisht unë pashë vërtet cilësi të mirë. Sigurisht se kur kam dëgjuar se ky ekip më dëshiron mua isha shumë i lumtur sepse unë vërtet dua të luaj për këtë për këtë skuadër’’
Përforcimi më i ri i Shkëndijës senegalezi Tamba ka pohuar se nuk ka njohuri për historikun e Shkëndijës por e dinë që është skuadër e madhe.
“Mirë, vërtet nuk e di storjen e plotë, por sigurisht se do të tentoj të mësoj sa më shumë që do të mundem. E di se është ekip i madh, ambicie të mëdha, edhe presion i madh. Por e di se ekipi dëshiron të jetë kampion, të fitojmë ligën sigurisht. Mendoj tani jemi në krye të renditjes dhe e di se jam këtu për atë. Jam këtu të ndihmoj ekipin sa më shumë që do të jetë e mundur, të ndihmoj ekipin të realizojë ambiciet. Mirë, mendoj se ne do t’ia dalim.”
Futbollisti Fabrice Tamba I cili nga sot edhe zyrtarisht është pjesë e ekipit tetovar që nga dita e sotme do të udhëton në Antalia për t’iu bashkangjitur ekipit në përgatitje për pjesën pranverore të kampionatit
Shaban Sinani / TV Koha
Sot zhvillohen 18 ndeshjet e raundit të tetë dhe të fundit në edicionin 2024/25 në Ligën e Kampionëve.
Fazës së ligës në Ligën e Kampionëve po i vjen fundi, pasi me ndeshjet e sotme do të mësojmë tetë skuadrat e para që kalojnë direkt në fazën tjetër dhe 16 skuadrat e tjera nga vendi i 9-25 që do të luajnë në ‘play-off’ për një vend në 1/8-tën.
Liverpuli dhe Barcelona janë dy ekipet e vetme që e kanë siguruar vendin në tetë ekipet e para, ndërsa Interit në shtëpi ndaj Monacos dhe Arsenalit në udhëtim te Girona iu nevojitet vetëm nga një pikë për të kaluar në raundin tjetër.
Një nga ndeshjet më interesante të mbrëmjes së sotme pritet të jetë ajo në mes të Mançester City -Club Brugge, ku vendasit vetëm më fitore sigurojnë një vend në play-off, teksa Paris Saint-Germain duhet të marrë së paku një barazim në udhëtim te Stuttgarti.
Milani mund të kualifikohet në mesin e tetë ekipeve të para vetëm me fitore eventuale kundër Dinamnos në Zagreb , ndërsa Atalanta rrezikon seriozisht të mbetet në ‘top 8’ pasi luan si mysafir i Barcelonës.
Ndeshje interesante në mbrëmjen e sotme prtitet edhe në të gjitha ndeshjet tjera. Të gjitha 18 duelet e sotme fillojnë në ora 21:00 . Shaban Sinani / TV Koha
Sezoni i ri i garave në atletik sipas orarit të Federatës së Atletikës hapet me disiplinat e hedhjes në fund të muajit shkurt. Dhe pikërisht për këtë klubi i atletikës Studenti i Tetovës nga java e kaluar nën drejtimin e trajnerit Bexhet Toçi kanë filluar me përgatitje intensive në sallë.
Klubi i atletikës Studenti nga Tetova, vitin e 24-të të themelimit të vet i ka filluar përgatitjet për realizimin e plan programit për vitin 2025, të hartuar nga kryesia e klubit në bashkëpunim me stafin teknik që e kryeson profesor Bexhet Toçi.
Pra, ekipi nga java e kaluar me kapacitet mesatar vijon përgatitjet në salla të mbyllura shkaku i kushteve të vështira atmosferike, megjithatë të gjithë atletët në seancat stërvitore japin gjithçka nga vetja të vetëdijshëm se vetëm në këtë mënyrë mund të realizojnë objektivin e tyre
“ Kemi filluar. Ushtrimet kanë filluar që nga java e kaluar në palestër dhe përgatitemi për sezonin e ardhshëm 2025. Stërvitjet do të jenë më intensive me përmirësimin e kohës për shkak të kushteve jo të përshtatshme klimatike në Tetovë dhe pamundësia e palestrave të nxehta. “ deklaroi Bexhet Toçi kryetar i KA Studenti.
Por ekipi krahas punës në kushtet ekzistuese këtu në Tetovë planifikon që në bazë të mundësive në fazë të përgatitjeve ta zhvillojnë në Korçë kua ka kushte ideale për përgatitje.
“ Kemi në plan si për çdo vit që shkojmë në muajin mars, kemi një udhëtim për në Korçë ku ka dy stadiume të atletikës dhe janë kushtet shumë të mira dhe kemi një ambient shumë të mirë për stërvitje” tha Bexhet Toçi
Sa i përket pjesëmarrjes në ndonjë garë apo miting që organizohet në rajon klubi i atletikës Studenti do të veprojë në bazë të mundësive dhe do të merr pjesë në garat që organizohen në Shqipëri dhe Kosovë dhe normal në të gjitha garat që do të mbahen në vend
“Kampionati shtetëror fillon me hedhjet i cili do filloj në fund të shkurtit 24 dhe 25 shkurt dhe do marrim pjesë në të gjitha ato gara ku ne do të kemi mundësi edhe materiale. Se për të shkuar pasi buxhetet e komunës dhe të shtetit janë shumë të dobëta për zhvillimin e sportit nëpër gjithësi“ tha kryetari Toçi
Edhe një çerdhe e re në Gostivar, ndahen 10 punësime të reja
Unioni i Komunave turke premton investime në Tetovë
Rruga Prizren-Tetovë, Aliu: Do të shkurtohet nga tre orë në më pak se një
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve