Lajme nga vendi
Nuk u dekretua nga Presidentja – Ligji për mbrojtjen e fëmijëve, nesër sërish në seancë plenare

Ligji për mbrojtjen e fëmijëve nesër sërish në seancë plenare. Ky ligj vjen për herë të dytë, pasi herën e parë nuk u dekretua nga presidentja Gordana Siljanovska Davkova me arsyetimin se nenet 9 dhe 10, nuk ishin të harmonizuara sipas nenit 5 të Kushtetutës. Deputeti nga radhët e VLEN, Halil Snopçe, për Alsat njoftoi se licencat për nëpunësit e çerdheve, do të mund të merren edhe në gjuhën shqipe.
“Ne nuk do të shtojmë amendamente tjera për shkak se kishte një pengesë kushtetuese, është rregulluar por ajo që është e garantuar, që në të kaluarën s’ka qenë e tani është, shqiptarët do t’i nënshtrohen provimeve edhe me shkrim edhe në formë elektronike, në gjuhën amtare shqipe”, tha Halil Snopçe – VLEN.
Përpos gjuhës maqedonase dhe gjuhës shqipe, licenca do të mund të merret edhe në gjuhët tjera, gjegjësisht, në gjuhën që do ta kërkojë vet kandidati.
“Testimi do të mund të bëhet në gjuhën maqedonase si dhe në gjuhën që kandidati do ta zgjedhë derisa licenca do të jepet në gjuhën maqedonase dhe në gjuhën në të cilin kandidati do të kërkojë t’i jepet. Dallimi është se këtë herë ndryshimet janë në përputhje me kushtetutën përshkak se herën e kaluar ishin gabim dhe nuk mundësonin përdorimin e asnjë gjuhe, gjegjësisht ligji siç ishte miratuar ishte tërësisht i pazbatueshëm. Me këto ndryshime, do të mund të jetë i zbatueshëm në praktikë”, u shpreh Bojan Stojanovski – VMRO-DPMNE.
Ky ligj fillimisht ishte votuar më 24 dhjetor. Mos dekretimi i këtij ligji herën e parë u përshëndet nga LSDM dhe E Majta, ndërsa nga BDI thanë se qëllimi i presidentes ishte për të cenuar të drejtat e shqiptarëve./ Alsat.mk
Lajme nga vendi
Paga minimale mbetet çështje e hapur, pritet seancë e Këshillit Ekonomiko-Social

Këshilli Ekonomik-Social deri në fund të këtij muaji do të mbajë një seancë për të diskutuar mbi pagën minimale dhe sa do të rritet. Sipas zgjidhjes ligjore, rritja do të ishte rreth 1.800 denarë, ndërsa Lidhja e Sindikatave kërkon rritje prej 6.000 denarë duke marrë parasysh koston e jetesës, dhe kontributet për diferencën deri në 30.000 denarë, që do të ishte paga minimale, të subvencionohen nga Qeveria për një vit.
Qeveria pohon se janë dakord me zgjidhje për të cilën do të pajtohen punëtorët dhe punëdhënësit, por thonë se buxheti nuk parasheh mjete për pagë minimale 30 mijë denarë.
Nga Ministria e Ekonomisë thonë se Komisioni për përfaqësueshmëri fillimisht duhet të përcaktojë përfaqësimin e sindikatave, e më pas të caktohet seanca e Këshillit Ekonomik Social.
Komisioni i Përfaqësimit është formuar të martën dhe pritet të caktojë seancë për të përcaktuar përfaqësimin.
Lajme nga vendi
Më 14 mars, 24 vite më parë filluan krismat e para në kalanë e Tetovës, ja se si filloj lufta

Pikërisht sot më 14 mars, 24 vite më parë në Tetovë filluan krismat e para e Ushtrisë Çlirimtare Kombëtarë në Kalanë e Tetovës. Pikërisht në këtë ditë ishte thirrur një protestë masive nga shoqatat joqeveritare si ajo e ish të burgosurve dhe përndjekurve politik shqiptarë, Shoqata e Gruas Shqiptare dhe shoqata tjera.
Brohoritjet e shumë protestuesve shqiptarë ishin të shumta por e veçanta e kësaj proteste ishte pikërisht në momentin kur protestuesit brohorisën “Ndal dhunës ndaj shqiptarëve”, për një çast u zëvendësuan me brohoritjet “UÇK, UÇK”, të cilat brohoritje pasuan pas krismave të para të ushtarëve të UÇK-së në Kalanë e Tetovës, informon portali “tetova1”.
Ishte 13 marsi i vitit 2001, kur tre grupe të UÇK-së, me nga 11-12 veta u ngjitën rreth kalasë së Tetovës e cila është një pikë strategjike. Grupi i parë i luftëtarëve u vendos brenda në Kala ndërsa grupi i dytë u pozicionua në krahun e majtë të Kalasë, në vendin e quajtur Stermoll.
Grupi tjetër i ushtarëve të Ushtrisë Çlirimtare Kombëtare u përqendrua në fshatin Gajre, që i bie të jetë krahu i djathtë mbrojtës i Kalasë së Tetovës. Po atë ditë në fshatin Sellcë u instalua njësiti i parë i Logjistikës së UÇK, që do luante një rol të rëndësishëm. Këta tre grupe me nga 11-12 shqiptar do të krisnin pushkën e parë paraditen e 14 mars 2001.
Ajo pushkë nuk do të trondiste vetëm Tetovën, por të gjithë Maqedoninë. Jehona e kësaj krisme do të dëgjohej kudo.
Lajme nga vendi
(video)Nxënësit e shkollave të mesme në Tetovë sot kanë bojkotuar mësimin për shkak të ndryshimit të orarit dhe pamundësisë për të qenë të lirë gjatë kohës së iftarit.

Nxënësit e shkollave të mesme në Tetovë sot kanë bojkotuar mësimin për shkak të ndryshimit të orarit dhe pamundësisë për të qenë të lirë gjatë kohës së iftarit.Në Gjimnazin “Kiril Pejçinoviq” dhe Shkollën e Mesme Ekonomike, protestën në shenjë mbështetjeje për nxënësit e pasdites, e kanë mbajtur edhe ata që janë në paradite dhe nuk kanë mbajtur mësim pas orës së katërt. Nga Komuna e Tetovës thonë se nuk mund të bojkotohet mësimi dhe nuk mund të ndryshohet orari apo të shkurtohen orët mësimore. Sipas përgjegjësit të sektorit për arsim, shkollat do të duhet të përshtatin pushimin e gjatë dhe ta zgjatin atë për kohën e iftarit, duke siguruar që nxënësit të kenë kohë të mjaftueshme për të konsumuar ushqimin.“Asesi nuk ka pasur ndonjë njoftim apo lajmërim zyrtar nga ana e themeluesit apo Komunës së Tetovës për shkurtimin e mësimeve apo rikthimin e orarit normal. Sipas nenit 27 të ligjit për mësimdhënie të mesëm, është përcaktuar se ora mësimore zgjat 45 minuta dhe themeluesi nuk mund të ndërmarrë një veprim të tillë për shkurtimin e orëve mësimore, pasi neni 23 i Ligjit për Arsimin e Mesëm përcakton se mund të ndërpriten dhe shkurtohen orët mësimore vetëm për shkak të fatkeqësive natyrore apo pandemive,” tha Nazmi Dauti, përgjegjës i sektorit për arsim në Komunën e Tetovës.Ndryshe, shkollat e mesme kanw adatuar vet orarin në mënyrë që gjatë kohës së iftarit të mund të jetë i zgjatur pushimi“Shkollat e mesme kanë bërë adaptimin e orarit, në mënyrë që gjatë kohës së iftarit të mund të jetë i zgjatur pushimi i njohur brenda shkollave dhe asesi nuk duhet të ndërpritet procesi edukativo-arsimor, qoftë për arsye fetare, ashtu edhe për arsye ligjore. Kështu që nxënësit dhe prindërit, pasi kishin paralajmëruar bojkotin e procesit edukativo-arsimor, duhet të dinë se nuk mund të bojkotohet ai, pasi kjo është e papranueshme,” shtoi ai.Dauti theksoi se Inspektoriati Shtetëror i Arsimit nuk ka dalë me ndonjë prononcim në lidhje me këtë çështje, por Komuna e Tetovës ka informuar të gjitha drejtoritë e shkollave për të përshtatur pushimin e gjatë me kohën e iftarit, dhe nxënësit, pas kësaj, do të duhet të vazhdojnë mësimin deri në përfundim të orarit të plotë pa ndërprerje. TV KOHA
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve