Ministria e Bujqësisë dhe Zhvillimit Rural në Shqipëri, ka dhënë një deklaratë për publikun në lidhje me situatën e mandarinave shqiptare dhe praninë e mundshme të pesticideve. Sipas Ministrisë, mbi 85% e prodhimit të mandarinave shqiptare është shitur me sukses në tregun e brendshëm dhe ndërkombëtar, dhe të gjitha analizat e kryera kanë rezultuar pozitive, pa mbetje të pesticideve.

Deklarata thekson gjithashtu se inspektimet dhe analizat e rregullta janë të vazhdueshme, me qëllim që të sigurohet cilësia dhe siguria e mandarinave dhe produkteve të tjera bujqësore. Ministria ka bërë thirrje për konsumatorët dhe fermerët të raportojnë çdo rast të paligjshmërisë, në mënyrë që të mbrohet integriteti i zinxhirit të furnizimit ushqimor dhe të ruhet besimi tek produktet shqiptare.

Të paktën gjashtë fëmijë kanë mbetur të plagosur dhe jozyrtarisht njëri prej tyre ka humbur jetën, pasi një djalë 15-vjeçar, i armatosur me thikë, ka hyrë në shkollën fillore në lagjen Preçko të Zagrebit dhe ka sulmuar fëmijët dhe një mësuese, raporton HRT.

Ngjarja ka ndodhur rreth orës 10:00 dhe sulmuesi është ndaluar nga policia.

Siç raportojnë mediat lokale, fëmijët janë nxjerrë nga shkolla menjëherë pas incidentit ndërsa në vendngjarje ndodhen ekipet e policisë dhe emergjencave.

Policia konfirmoi se kishte një lajmërim, por Zyra e marrëdhënieve me publikun është në pritje të informacioneve nga terreni, raportojnë mediat kroate.

Agjencia e Statistikave të Kosovës ka prezantuar sot rezultatet e para përfundimtare të regjistrimit të popullsisë.

Drejtori i ASK-së, Avni Kastrati në fjalimin e tij tha se gjatë procesit ka pasur përfshirje të politikanëve, e shumë figurave të njohura.

“Nga regjistrimi i vitit 2024 del se Kosova ka 1,586,659 banorë rezidentë. Besoj që regjistrimi ia ka arritur qëllimit, dhe ka kaluar ashtu siç kanë qenë pritjet”, u shpreh Kastrati.

Gjithashtu, ai u shpreh se stafi ka qenë i përgatitur dhe aktiv në procesin e regjistrimit të popullsisë.

Gjatë prezantimit të këtyre të dhënave u paraqit edhe një video me disa momente gjatë punës së tyre disa muajsh.

Advertisement