Connect with us

Lajme nga rajoni

Lajçak: Kosova ta themelojë Asociacionin, Serbia t’i njohë simbolet e Kosovës

Published

2 hours ago

on

Përfaqësuesi i posaçëm i Bashkimit Evropian për dialogun Kosovë-Serbi, Mirosllav Lajçak, është shprehur i lumtur që Brukseli, me Prishtinën dhe Beogradin, kanë përmbyllur me sukses negociatat për zbatimin e Deklaratës së vitit 2023 për Personat e Zhdukur gjatë luftës në Kosovë.

Një ditë pas takimit të zhvilluar me kryenegociatorin e Kosovës, Besnik Bislimi, dhe me atë të Serbisë, Petar Petkoviq, Lajçak i ka lëvduar ata për, siç është shprehur, bashkëpunim të mirë dhe bisedime konstruktive trelaterale.

Lajçak ka thënë se dakordimi për zbatimin e Deklaratës për të pagjeturit ishte “një hap i rëndësishëm që përfundimisht do të sjellë një përmbyllje për familjet”.

Sipas Kryqit të Kuq, në Kosovë janë ende 1.612 persona të pagjetur nga lufta.

Emisari evropian ka paralajmëruar se Brukseli së shpejti do të jetë mikpritës i takimit të parë të një Komisioni të Përbashkët, ndërkaq Bislimi ka thënë se ky komision do të fillojë të merret me çështjet që i takojnë nga janari i 2025-tës.

Advertisement

Kosova dhe Serbia arritën marrëveshje më 2023 për Deklaratën e përbashkët për personat e zhdukur, në kuadër të dialogut për normalizimin e marrëdhënieve të ndërmjetësuar nga Bashkimi Evropian.

Zotimet që u bënë me këtë deklaratë, përfshijnë: qasje të plotë në informacione të besueshme, mes tyre edhe ato me status të klasifikuar; vënie në dispozicion të të gjitha dokumenteve me rëndësi për përcaktimin e fatit të personave të zhdukur, si dhe punë të përbashkët përmes një komisioni të kryesuar nga Bashkimi Evropian.

Por, deri tani, asnjë prej këtyre nuk është realizuar në praktikë.

Emisari evropian ka thënë se ua ka kujtuar palëve se normalizimi i marrëdhënieve nënkupton integrim në BE, dhe se dy proceset janë të ndërlidhura me njëri-tjetrin.

Lajçak ka thënë, po ashtu, se me Bislimin dhe Petkoviqin kanë diskutuar për hapat drejt zbatimit të Marrëveshjes së Ohrit: “shtensionimin, përgjegjësinë për sulmet e 2023-tës, riintegrimin e serbëve të Kosovës, themelimin e Asociacionit të komunave me shumicë serbe, njohjen e dokumenteve dhe simboleve të Kosovës”./REL

Advertisement
Related Topics:
Advertisement

Lajme nga rajoni

Bllokohen mandarinat shqiptare/ Disa vende të BE-së i kthejnë në kufi: Nivele të larta të pesticideve!

Published

34 minutes ago

on

December 18, 2024

By

Sistemi Europian i sigurisë ushqimore ka ngritur alarm ndaj ngarkesave me mandarina që vijnë nga Shqipëria.
Përgjatë javëve të fundit, Kroacia, Republika Çeke, Italia dhe Lituania, vende që kanë importuar fruta nga vendi ynë, kanë refuzuar në kufi pas analizave prodhimin shqiptar.
Mandarinat rezultojnë me mbetje të disa substancave të rrezikshme për shëndetin e njeriut dhe të ndaluara për tregtim në BE. Konkretisht, mbetje të larta të pesticideve chlorpyrifos dhe phosmet, që si efekte anësore kanë ndikimin në zhvillimin e trurit tek fëmijët, çrregullime të sistemit nervor dhe atij endokrin, si dhe rritjen e rrezikut për sëmundje të zemrës dhe kancer.
Pavarësisht se sinjalizimi i konfirmuar edhe nga Komisioni Europian është bërë në datat 29 Nëntor dhe 11 Dhjetor të këtij viti, nga Ministria e Bujqësisë dhe institucionet e kontrollit ushqimor në vend nuk ka një lajmërim zyrtar mbi sigurinë apo tërheqjen nga tregu të këtyre produkteve.
Mbetjet e pesticideve rezultojnë nga analizat 3 deri në 12 herë më të larta nga sa lejojnë rregulloret europiane, të ndryshuara që prej Shtatorit të vitit të kaluar.RTV BESA
Continue Reading

Lajme nga rajoni

SHBA i jep një tjetër “shuplakë” Sali Berishës para zgjedhjeve

Published

1 day ago

on

December 17, 2024

By

Më pak se 5 muaj para zgjedhjeve, Shtetet e Bashkuara të Amerikës janë të qartë se Sali Berisha nuk mund të jetë alternativa qeverisëse për shqiptarët.

SHBA është e qartë me mesazhin për Sali Berishën, se nuk ka asnjë lloj bashkëpunimi me persona të shpallur “non grata” për korrupsion madhor. Berishës, i cili pas fitores së Trump ka nisur thotë se do shpëtojë nga lista e zezë amerikane, SHBA ia bën të qartë se “Non Grata” nuk hiqet.

“Një opozitë e shëndetshme është pjesë me rëndësi kritike e një demokracie të gjallë. Nxis të gjitha palët të angazhohen në mënyrë konstruktive në një proces politik që është i barabartë për të gjithë. Ne i qëndrojmë pozicionit tonë të kahershëm se nuk angazhohemi me individë të përcaktuar për përfshirje në korrupsion madhor”, thuhet në deklaratën e publikuar nga Ambasada Amerikane.

Continue Reading

Lajme nga rajoni

Shoferi uli gruan e vdekur në ulësen e përparme të pasagjerit, policëve u tha se po flinte

Published

1 day ago

on

December 17, 2024

By

Rast i çuditshëm në kufirin kroat: Shoferi uli gruan e vdekur në ulësen e përparme të pasagjerit, policëve u tha se po flinte
Një austriak tentoi të transportonte trupin e një gruaje të vdekur nga Bosnja dhe Hercegovina në Kroaci, raportojnë mediat kroate.
Në fund të muajit nëntor, në pikën kufitare Gunja, në hyrje të Kroacisë nga Bosnja dhe Hercegovina, një shtetas austriak (65) ka dorëzuar në polici dokumentet e tij, si dhe dokumentet e gruas në ulësen e pasagjerit.
Policia dyshoi për pasagjeren (83), e cila ishte ulur pa lëvizur me sy mbyllur, transmeton Telegrafi.
“Policët dyshuan gjatë kontrollit kufitar, sepse ajo nuk ka qenë as komunikuese dhe as e vetëdijshme”, kanë sqaruar policia kroate në Vukovar.
Shoferi u tha se gruaja ishte duke fjetur, pas së cilës policia thirri mjeken, e cila pikërisht në pikën kufitare konfirmoi se gruaja kishte disa kohë që kishte vdekur.
“Nga hetimet e mëtejshme u konstatua se gruaja ka vdekur në territorin e Bosnje-Hercegovinës, por 65-vjeçari ka vendosur ta transferojë në Austri në këto rrethana për të shmangur formalitetet lidhur me transportin e eshtrave. Trupi i të ndjerës është marrë nga punonjësi i autorizuar i transportit funeral në Kroaci”, ka shtuar policia.
Ata kanë bërë kallëzim penal kundër shoferit për shkak të dyshimit se ka kryer vepër penale të prishjes së qetësisë, dhe pas përfundimit të hetimeve penale ia kanë dorëzuar mbikëqyrësit të kujdestarisë dhe kallëzimin penal ia kanë dorëzuar avokatit kompetent shtetëror.
Continue Reading

Më të lexuarat