Me një akademi solemne sot është shënuar 30 vjetori i themelimit të Universitetit të Tetovës. Në këtë akademi, ishin të pranishëm përfaqësues të Këshillit Koordinues të Diasporës shqiptare, ambasadorë të shteteve përkrahëse të këtij universiteti, përfaqësues të qeverisë, rektorë të universiteteve tjera, drejtues të bashkësisë fetare islame, profesorë, veteranë të arsimit, familjarë të dëshmorit të arsimit shqipe Abdylselam Emini dhe shumë mysafirë tjerë. Në fjalën e tij para të pranishme rektori I Universitetit të Tetovës Jusuf Zejneli, tha se sot festojmë vitin jubilar të një institucioni arsimor, i cili u themelua nga guximi, vullneti dhe përkushtimi i popullit tonë, në një kohë kur ideja për një universitet në gjuhën shqipe përballej me sfida dhe kundërshtime të mëdha. Ai më tej tha se Universiteti i Tetovës nuk është vetëm ndërtesë por është simbol i përpjekjeve dhe i besimit të një kombi në fuqinë e dijes. DeklarataNë ndërkohë, përfaqësuesi i Këshillit Koordinues të Diasporës shqiptare Mark Gjonaj tha se është I emocinuar që ndodhet në këtë përvjetor për shkak se populli shqiptar gjithandej ka një gjuhë, një kulturë, një traditë .Deklarata Mark Gjonaj Këshillit Koordinues të Diasporës shqiptareNdërkohë, pronari I kompanisë ecolog, filantropi I njohur zotëri Lazim Destani, është shprehur I kënaqur që sot ndodhet në përvjetorin e 30 të themelimit të Universitetit të Tetovës. Deklarata Në këtë përvejtor, senati i Universitetit të Tetovës I ka ndarë çmimin doktor Honoris Causa, ish politikanit dhe veprimtarit Nevzat Halili, për veprimtarinë e tij të çmuar në mbështetje të çështjes kombëtare shqiptare, për kontributin në fushën e arsimit, politikës e jetës publike, si dhe për përkrahjen e përhershme për themelimin e Universitetit të Tetovës. Deklarata NevzatKy aktivitet është pasuruar edhe me një program të pasur artistik të përgatitur enkas për 30 vjetorin e themelimit të Universitetit të Tetovës.

Përfaqësues të Këshillit Koordinues të Diasporës, këtyre ditëve po qëndrojnë në Tetovë.Fillimisht ata janë takuar me kryetarin e komunës së Tetovës Bilall Kasami. Pas takimit, Kasami tha se bashkë me përfaqësuesit e këshillit koordinues është diskutuar për projekte konkrete, për mundësitë e investimeve dhe për të ndërtuar një Tetovë më të mirë, ku siç tha Kasami aty ku çdo kontribut vlen dhe çdo ide bëhet realitet.“Përfaqësuesve të këshillit koordinues ua prezantova Tetovën si një vend ku ata dhe gjithë afaristët mund të investojnë. Diaspora jonë nuk është thjesht një mbështetje nga larg, por partner strategjik për zhvillimin ekonomik, kulturor dhe shoqëror të qytetit tonë. Shumë prej investimeve që kanë marrë formë sot janë falë mbështetjes dhe dashurisë së tyre për vendlindjen. Bashkëpunimi jonë nuk do të ndalet këtu. Jemi të vendosur që përmes një komunikimi të hapur, projekteve të përbashkëta dhe transparencës, ta bëjmë Tetovën një qytet të zhvilluar, modern dhe të denjë për të gjithë”, tha Kasami.Në ndërkohë, pjesë e këtij këshilli është edhe pronari i kompanisë Ecolog Lazim Destani.Ai tha se qëllimi i qëndrimit të tyre në Tetovë është shënimi i përvjetorit të 30 të Universitetit të Tetovës, por që kanë takuar kryetarin e komunës për të folur edhe për projekte për zhvillimin e Tetovës.“Është kënaqësi që sot Tetova të ketë një numër të madh të këshillit koordinbes të diasporës, një diasporë që përfshinë shumë vende duke filluar prej Australisë e më tej.Ne jemi sot në Tetovë për nder të 30 vjetorit të Universitetit të Tetovës, dhe e pranuam me kënaqësi ftesë, por ishte e pamundur që të mos e vizitojmë komunën e Tetovës, sepse në të ardhmen si dsiasporë do të kemi një bashkëpunim shumë të ngushtë duke përfshirë edhe rrjetet e biznesit, me qëllim që një ditë Tetovën ta shohim duke lulëzuar si një qytet evropian”, tha Destani.Mark Gjonaj, poashtu Përfaqësues i Këshillit Koordinues të Diasporës theksoi se rëndësia e këtij takimi është që në të ardhmen, shqiptarët që ndodhen në diasporë, jo vetëm të vizitojnë Tetovën por edhe të investojnë.“I ftoj të gjithë shqiptaët që jo vetëm ta vizitojnë Tetovën, e ta shohin se sa ka përparuar, se është një vend i shenjtë për kombin tonë, por duhet që të shohin edhe me investuar në Tetovë, Pra, ata duhet që të përkrahin iniciativat që i ka kryetari dhe të vazhdojë të përparojë kombi ynë kudo që jemi”, tha Gjonaj. Në ndërkohë, përfaqësues të Këshillit Koordinues të Diasporës, kanë marrë pjesë në akademinë e shënimin e 30 vjetorit të Universitetit të Tetovës. TV KOHA

Në tetë komunat më të mëdha të vendit urbanizmi është sektori më i prekur nga korrupsioni. Sabina Fakiq nga Qendra për komunikim qytetar tha se rezultatet e një hulumtimi trevjeçar të kryer në këto komuna rezulton se rreziku nga korrupsioni ka të bëj me dhënien e lejeve për ndërtim, shitjen e parcelave ndërtimore e deri te shfrytëzimi i objekteve sportive.

“Shumica e komunave kanë Planin e Përgjithshëm Urbanistik më të vjetër se 20 vjet, edhe pse dokumentet e planifikimit duhet të zgjasin deri në 10 vjet. Planet e detajuara urbane në pjesën më të madhe, d.m.th., edhe dy të tretat e të gjitha komunave ndryshohen me kërkesë të personave fizikë dhe juridikë, që do të thotë se komunat nuk planifikojnë fare planifikim urban, por është pasojë e interesave të kompanive të ndërtimit dhe individëve”, deklaroi Sabina Fakiq, Qendra për komunikim qytetar.

Ajo theksoi se në bazë të rreziqeve të konstatuara të korrupsionit në të gjitha këto komuna, Qendra ka përgatitur një propozim për masat që duhet të ndërmarrin komunat në periudhën e ardhshme për uljen e korrupsionit.

“Reduktimi i korrupsionit është vërtet një sfidë në kushtet kur jemi dëshmitarë se me dekada mungon sanksionimi i korrupsionit. Në kushtet kur korrupsioni rezulton një biznes “profitabël”, nuk mund të presësh nga pala tjetër që të mund të ndikosh në çdo masë siç janë propozimet tona në drejtim të prezantimit të politikave të reja dhe forcimit të kapaciteteve të stafit për të vepruar me integritet dhe të mos lejojnë që t’i nënshtrohen ryshfetit dhe të kenë konflikt interesi”, tha Sabina Fakiq, Qendra për komunikim qytetar.

Manastiri, Kërçova, Kumanova, Negotina, Strumica, Tetova, Çairi dhe Shtipi janë komunat të cilat u përfshinë në hulumtimin Mbrojtja nga korrupsioni, perspektiva dhe zgjidhje në nivel lokal i cili u realizua me ndihmën e Mbretërisë së Holandës. /Alsat.mk

Advertisement