Lajme nga vendi
Fillon procesi i aplikimit për licenca për punë në kopshte – kaloi në procedurë parlamentare ndryshimi në Ligjin për Mbrojtjen e Fëmijëve
Ndryshimi i ligjit për mbrojtjen e fëmijëve ka kaluar procedurën parlamentare dhe kështu nis procesi i aplikimit për licenca për të punuar në ambientet e kujdesit për fëmijët.
Konkretisht, nga muaji tetor 2023 nuk do të zhvillohet provimi profesional për marrjen e licencës për punë në ambientet e fëmijëve, provim ky që vlen për të gjithë kandidatët që dëshirojnë t’i bashkohen sistemit për përkujdesje dhe edukim të fëmijëve të moshës parashkollore.
Ministria e Politikës Sociale, Demografisë dhe Rinisë është kompetente për dhënien e licencave të punës, përkatësisht: licencë për punonjës profesional, për bashkëpunëtor profesional, për edukator, licencë për përkëdhelës dhe licencë për drejtor.
Licenca e punës e marrë nga personat që dëshirojnë t’i bashkohen sistemit të kujdesit dhe edukimit për fëmijët parashkollorë është një kriter i domosdoshëm, pra një kusht i detyrueshëm që duhet të plotësojnë, pra pa leje pune të vlefshme këta persona nuk mund të aplikojnë për punësim në kopshte, ku aktualisht kemi nevojën më të madhe për punësimin e këtij lloj kuadri në nivel shtetëror.
Ndryshimi i zgjidhjes ligjore, mundëson në situata të jashtëzakonshme, të parashikohet mënyra se si procesi i dhënies së provimeve për marrjen e licencës së punës do të vazhdojë të ecë në mënyrë të vazhdueshme, respektivisht me dhënien e provimit në letër me kohëzgjatje deri në 01.01.2026.
Me ndryshimin e ligjit, është përcaktuar se licenca e punës lëshohet në gjuhën maqedonase dhe alfabetin e saj cirilik dhe në gjuhën që e flasin 20% e qytetarëve të Republikës së Maqedonisë së Veriut dhe alfabetin e saj, si dhe se Provimi për marrjen e licencës për punë jepet në gjuhën maqedonase dhe shkrimin e saj cirilik dhe në gjuhën që flasin 20% e qytetarëve të Republikës së Maqedonisë së Veriut dhe shkrimin e saj.
Me ndryshimin e ligjit ndryshohet emri i Ministrisë së Punës dhe Politikës Sociale, emërtimi i ministrit dhe emërtimi i Komisionit Shtetëror për vendimmarrje në procedurë administrative dhe procedurë nga marrëdhënia e punës në shkallë të dytë, në përputhje me Ligjin për ndryshimin dhe plotësimin e ligjit për organizimin dhe punën e organeve të administratës shtetërore (Gazeta Zyrtare e Republikës së Maqedonisë së Veriut nr. 121/2024).
Deputeti i Frontit Evropian, Blerim Bexheti, ka deklaruar se propozim ligji për shkollim të mesëm është tërhequr falë reagimit të popullit dhe jo nga dëshira e qeveritarëve.
“Propozimi për ligjin për shkollim të mesëm nuk u tërhoq nga dëshira e qeveritarëve pa legjitimitet etnik por u tërhoq falë reagimit të fuqishëm të popullit!
Ky është një shembull i qartë i asaj se çfarë mund të arrihet kur zëri i qytetarëve dëgjohet në Kuvend dhe kur ne qëndrojmë të bashkuar për të mbrojtur të drejtat dhe interesat tona.
Maqedonia e Veriut është shtet multietnik, respekti i ndërsjellë dhe barazia midis shqiptarëve dhe maqedonasve janë gurëthemeli për stabilitet, siguri dhe një të ardhme të qëndrueshme.
Cënimi i Marrëveshjes së Ohrit nga Qeveria është i papranueshëm!”, ka shkruar Bexheti.
Pas parashtrimit te amandamenteve nga ana e koalicionit VLEN, qeveria e tërhoqi ligjin për arsim të mesëm.
“U dëshmua edhe njëherë se faktori kyç që është garantuese e interesave shqiptare është vetëm VLEN.
Ne vepruam ashtu si na ka hije. Pa zë dhe pa zhurmë. Në lexim të parë dhamë porosinë duke mos e votuar aspak, ndërsa kur duhej parashtruam amandamente. Si rezultat kemi tërheqjen e ligjit nga ana e qeverisë.
Intonimi shtetëror nuk do të bëhet në shkollat e vendit, por në Veles po, sepse BDI ka votuar pro intonimit të himnit maqedonas në atë komunë.
VLEN është garanca se nuk do të kalojnë ligje të njëanshme sikur që ka ndodhur me BDI-në në të kaluarën”, thuhet ne reagimin e koalicionit VLEN.
Lajme nga vendi
Kryetari i Kuvendit të Turqisë të hënën vizitë në Tetovë, do të ketë regjim të veçantë në komunikacion
Me datë 23 dhjetor (e hënë) në Tetovë, me rastin e qëndrimit të delegacionit zyrtar të kryesuar nga Kryetari i Kuvendit të Madh të Republikës së Turqisë, Sektori i Punëve të Brendshme Tetovës do të vendosë regjim të veçantë të qarkullimit në zonën qendrore të qytetit në periudhën prej orës 05:00 të mëngjesit deri në përfundim të vizitës zyrtare.
Gjatë kësaj periudhe do të ndalohet parkimi i automjeteve nga kryqëzimi i Bërvenicës deri te Universiteti i Tetovës, pastaj në bulevardin e “Ilindenit” nga kryqëzimi me rrugën “Kthesa e Bërvenicës” deri tek Xhamija e Larme, përgjatë rrugës “Kiro Ristoski – Drnc”, rrugën e “Lubotenit” deri tek Arabati Baba Teqe, pastaj rruga “Gjorçe Petrov” dhe “Vëllezërit Miladinovi”.
“SPB Tetovë apelon që qytetarët të hënën (23 dhjetor) të mos drejtojnë automjete në zonën qendrore pa nevojë më të madhe dhe imediate dhe të respektojnë dhe veprojnë sipas urdhrave dhe udhëzimeve të zyrtarëve policorë”, thonë nga SPB Tetovë.
Bexheti: Ligji për shkollim të mesëm u tërhoq falë reagimit të popullit
VLEN: Stopuam ligjin për arsim të mesëm
Kryetari i Kuvendit të Turqisë të hënën vizitë në Tetovë, do të ketë regjim të veçantë në komunikacion
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
-
Lajme nga vendi2 years ago
Zyra e Avokatit të Popullit në Tetovë sot do të jetë e hapur
-
Lajme nga vendi2 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve