Connect with us

Lajme nga vendi

Qarkullimi në rrugët shtetërore zhvillohet pa probleme, kryesisht në rrugë të thata.

Published

on

Nga data 15.11.2024 fillon detyrimi ligjor për posedimin e detyrueshëm të pajisjeve dimërore në automjete, pavarësisht nga kushtet aktuale të motit. Ky detyrim do të zgjasë deri më 15 mars 2025. Mund të lexoni më shumë informacion në këtë lidhje.

Qarkullimi në rrugët shtetërore zhvillohet pa probleme, kryesisht në rrugë të thata.

Intensiteti i qarkullimit në rrugët jashtë qendrave të qyteteve është mesatar. Në vendkalimet kufitare nga ana e Maqedonisë nuk ka më vonesa për hyrje dhe dalje nga vendi.

AMSM rekomandon shpejtësi të rregulluar të lëvizjes, respektim të sinjalistikës në komunikacion dhe menaxhim të kujdesshëm të mjeteve, veçanërisht në rrugët nëpër lugina, lugina lumore dhe gryka, ku ka mundësi për rrëshqitje të dheut. Kjo veçanërisht vlen për segmentet Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.

REGJIMI I KOMUNIKACIONIT SEZONAL: Rruga Ohër – Resnjë, përmes Parkut Kombëtar Galiçicë, është e mbyllur për qarkullim për të gjitha llojet e automjeteve nga data 15.11.2024.

Advertisement

Lajme nga vendi

Në 30-vjetorin e Universitetit të Tetovës, Fakulteti i Arteve e hapi ekspozitën “30 Vjet Art”

Published

on

Në kuadër të përvjetorit të 30-të të Universitetit të Tetovës, një sërë aktivitetesh dhe ngjarjesh festive janë organizuar për të shënuar këtë moment të rëndësishëm. Njëra prej këtyre ngjarjeve është edhe ekspozita grupore e mësimdhënësve të Artit Figurativ nga Fakulteti i Arteve, e cila u realizua, më 26 nëntor 2024, në galerinë “Çifte Hamam” në Shkup. Ky aktivitet është organizuar në përkujdesjen e kuratores Prof. Dr. Jëlldëz Asani dhe kritikut të artit Prof. Dr. Mixhait Pollozhani, si pjesë e pandashme e këtij jubileu të rëndësishëm për Universitetin e Tetovës.

Këtë event me prezencën e tij e nderoi Rektori i Universitetit të Tetovës, Prof. Dr. Jusuf Zejneli i cili i përshëndeti mësimdhënësit për këtë organizim madhështor për nder të 30-vjetorit të Universitetit të Tetovës. Ky jubile, në thelb, është një dëshmi e fuqishme e angazhimit të Universitetit për arsimin e lartë dhe një thirrje për të gjithë ata që janë pjesë e tij, për të vazhduar të punojnë me pasion dhe përkushtim, duke kontribuuar për një të ardhme akoma më të ndritur.

Fjalë rasti pati edhe njëri nga themeluesit e Fakultetit të Arteve, profesor Miftar Memeti i cili foli për sfidat dhe sukseset e Fakultetit ndër vite.

Po ashtu edhe profesor Mixhait Pollozhani duke u bazuar në vështrimin e përgatitur në parathënien e katalogut, shkurtimisht diskutoi mbi konceptet dhe idetë që qëndrojnë pas punimeve të realizuara për ekspozitën nën moton “30 Vjet Art dhe Art”

Ndërsa profesoresha e Historisë së artit, Jëlldëz Asani si kuratore dhe koordinatore e ekspozitës theksoi se ky event është një moment i veçantë, pasi për herë të parë janë bashkuar të gjithë artistët e artit figurativ të Fakultetit të Arteve të Universitetit të Tetovës në Galerinë Kombëtare të Maqedonisë – “Çifte Hamam”, edhe pse secili prej tyre ka pasur ekspozita individuale në galeri prestigjioze nëpër botë. Po ashtu ana tjetër e mirë e kësaj ekspozite lidhet me strukturën e pjesëmarrësve prej tre brezash artistësh, disa prej të cilëve janë themelues dhe ndërtues të këtij institucioni të shenjtë arsimor, kurse pjesën tjetër e përbëjnë krijues dhe mësimdhënës që gjatë këtyre 30 viteve të kaluara kanë dalë nga dyert e Universitetit të Tetovës.

Advertisement

Për ta prezantuar veten dhe Fakultetin në mënyrën më dinjitoze, mësimdhënësit vendosën që veprat të jenë në përputhje me karakterin stilistik dhe dorëshkrimin e tyre krijues. Veprat brenda mureve të galerisë “Çifte Hamam” reflektojnë një manifestim të jetës, përpjekjeve njerëzore dhe evolucionit të artit dhe krijimtarisë. Ekspozita është një rezultat i dinamizmit të krijimtarisë, pasioneve që lidhen me identitetin kulturor dhe artistik, dhe një thirrje për të reflektuar mbi vlerat që na bashkojnë.

Pra me këtë event, ne dëshirojmë të tregojmë se mësimdhënësit e Fakultetit të Arteve synojnë të arrijnë të njëjtat ideale si themeluesit tanë—të jemi një krenari e kombit. Prandaj, le të jetë kjo ekspozitë një shprehje e përkushtimit tonë për ruajtjen dhe promovimin e vlerave tona kulturore dhe kombëtare, si dhe një burim frymëzimi për brezat e rinj në zhvillimin e rrugëtimit të tyre artistik.

Në këtë ngjarje ishin të pranishëm Kryetari i Senatit të Universitetit të Tetovës Prof. Dr. Kenan Ferati, dekani i Fakultetit të Arteve, Prof. Ord. Senad Abduli, mësimdhënësit e Fakultetit të Arteve, si dhe artdashës dhe studentë të cilët i dhanë jehonë të madhe aktivitetit në fjalë.

Continue Reading

Lajme nga vendi

Prej nesër mot kryesisht i vranët me reshje të shiut dhe borës

Published

on

Nën ndikimin e masës ajrore të lagësht dhe të ftohtë prej nesër deri të hënën paradite moti do të jetë kryesisht i vranët, me paraqitje të mjegullës dhe me reshje të kohëpaskohshme të shiut, të cilat në disa vende dhe veçanërisht në perëndim dhe jug do të jenë më të rrëmbyeshme dhe më të dendura (mbi 50 l/m2), informojnë nga Drejtoria për Punë Hidrometeorologjike.

Nga aty shtojnë se në male reshjet do të jenë të borës, ndërsa të shtunën në vendet më të larta dhe në disa vende më të ulëta do të jenë të shiut dhe borës. Në male do të formohet shtresë e borës, ndërsa veçanërisht të shtunën në pjesët perëndimore shtresa e borës do të krijohet edhe në disa pjesë të vendeve më të ulëta.

Continue Reading

Lajme nga vendi

Gashi: Kuvendi është i gatshëm për ndryshimet kushtetuese, sapo të arrihet marrëveshja politike

Published

on

Kryetari i Kuvendit, Afrim Gashi, tha se amendamentet për futjen e bullgarëve në Kushtetutë në Kuvendin e Maqedonisë do të kalojnë shumë lehtë, por, për të filluar procedura nevojitet që të arrihet një marrëveshje politike.

I pyetur nëse publiku duhet të presë ndryshime kushtetuese deri në Vitin e Ri, Gashi tha se gjithçka është gati.

“Publiku i di pikëpamjet e shumicës politike në vend. Sa i përket Parlamentit, sapo të ketë një marrëveshje politike, jemi gati të fillojmë procedurën. Mendoj se kemi dy të tretat, mendojmë se procesi në Kuvend do të shkojë shumë lehtë dhe do ta zbatojmë, por varet nga momenti politik”, tha Afrim Gashi, kryetar i Kuvendit. /Alsat.mk

Continue Reading

Më të lexuarat