Kryetarja aktuale e Qytetit të Shkupit, Danella Arsovska nuk do të kandidoj për një mandat të ri. Në deklaratën për media dhënë sot pas pranimit të gjashtë autobusëve të rinj ekologjikë për nevojat e NQP-së, Arsovska tha se gjendja në vend është tejet e polarizuar dhe se nuk planifikon të bashkëpunojë me njerëz që dinë vetëm të sabotojnë dhe bllokojnë.

Do doja që së paku një herë të tregojnë para qytetarëve se atë që thonë, do të mund ta realizojnë në mënyrë që në zgjedhjet e ardhshme të kenë mbështetje. Kur kam kandiduar për kryetar komune kam pasur mbështetjen e VMRO-DPMNE-së e cila fatkeqësisht nuk arriti ta tejkalojë veten… Faleminderit, por me njerëz të tillë që dinë vetëm të sabotojnë dhe të bllokojnë nuk do të doja asnjëherë të bashkëpunoj”, ka thënë Arsovska.

E pyetur nëse me zhvillimet e fundit në NQP ka filluar fushata për zgjedhjet lokale, Arsovska tha se nuk do të hyjë në agjendat politike, por se qytetarët janë të vetëdijshëm të mund të vlerësojnë se kush janë ata që mundën ta zgjidhin problemin me transportin publik në tre vitet e fundit.

“Nëse dikush thotë se këtë problem do ta zgjidh vitin e ardhshëm pas zgjedhjeve lokale, pyeteni pse nuk e ka zgjidhur deri tani. Sepse Këshilli është ai që ka mundur vendimin për furnizimin e autobusëve të rinj ta miratojë tre vjet më parë. Pse nuk është miratuar një vendim i tillë duhet t’i pyesni ata. Të mund pa vendim të Këshillit, Qyteti i Shkupit të funksionojë dhe të mund të bënte furnizim publik, deri tani do të ishte bërë”, ka thënë Arsovska.

Kryetari i Bashkimit Demokratik për Integrim, z. Ali Ahmeti, sot në Zagreb, takoi ambasadorin e Norvegjisë në Kroaci z. Arne Bjornstad.

Kryetari Ahmeti dhe Ambasadori norvegjez diskutuan për situatën politike në rajon, integrimit europian të Maqedonisë së veriut, marrëveshjen e Ohrit dhe sundimin e ligjit.

Kryetari Ahmeti informoi ambasadorin norvegjez që pas zgjedhjeve presidenciale dhe parlamentare në Maqedoni të veriut, nuk u respektua vullneti i qytetarëve shqiptarë nga mandatari.

Stabiliteti dhe siguria në vend burojnë nga Marrëveshja e Ohrit e cila rregullon marrëdhëniet midis komuniteteve dhe garanton paqen, sigurinë dhe stabilitetin.

Prandaj, gjuha shqipe nuk duhet të preket me diktat politik të qeverisë pa legjitimitet etnik.

Advertisement

Z. Ahmeti shprehu shqetësim edhe nga largimi nga perspektiva europiane dhe tensionini i marrëdhënieve me fqinjtë.

Ahmeti theksoi që në rajon nevojitën dy procese historike, e para, pajtim historik shqiptaro-serb me njohje reciproke të Kosovës dhe Serbisë si dhe marrëveshje rajonale e të gjithë fqinjëve, Bulgarisë, Greqisë, Serbisë, Shqipërisë dhe Kosovës për mos cënim të integritetit teritorial të Maqedonisë së veriut.

Buxheti i përgjithshëm për projekte të informacionit dhe komunikimit të Ministrisë së Transformimit Digjital për vitin 2025 është më i madh për 200 për qind, në krahasim me vitet e kaluara – prej 154 milionë denarë në vitin 2023, 182 milionë denarë në vitin 2024, në 365 milionë denarë në vitin 2025, informoi sot zëdhënësja e Qeverisë, Maria Miteva. 

Qëllimi ynë si Qeveri, theksoi Miteva, është ta transformojmë shoqërinë e Maqedonisë së Veriut në shoqëri digjitale.

“Transformimi digjital nënkupton lidhje më të fuqishme dhe të ardhme më të mirë për të gjithë ne. Për këtë për vetëm disa muaj pas marrjes së pushtetit parashikuam 80 shërbime të reja elektronike, lidhje të rritur të institucioneve dhe fokus në sigurinë kibernetike. Përmes këtyre projekteve dhe investimit në digjitalizim e sigurojmë pozitën tonë në botën digjitale”, theksoi Miteva.

Në pjesën e projekteve individuale për vitin 2025 është paraparë ndërtim i data qendrës bashkëkohore primare të të dhënave në Shkup, ku të gjitha organet e administratës shtetërore do të bashkëvendosin pajisjet e tyre.

“Me këtë shteti do të realizojë kursime të rëndësishme për shërbime të bashkëvendosjes. Kjo nënkupton përfshirje të ftohjes, sisteme të sigurisë, sisteme zjarrfikëse, mbikëqyrje dhe mirëmbajtje të hapësirave, ndërsa nga ana tjetër do të mundësojë ndalesë të transformimit digjital”, deklaroi Miteva.

Advertisement

Shuma e pritur e përgjithshme e projektit, theksoi Miteva, është deri 40 milionë euro, ndërsa me Buxhetin për vitin 2025 janë paraparë dy milionë euro për përgatitje të studimit të fizibilitetit dhe vërtetimit të lokacionit dhe mënyrës së sigurimit të qëndrueshmërisë.

Janë siguruar edhe 40 milionë denarë në Buxhet edhe përmes fondeve të tjera projektuese. Miteva paralajmëroi se Qeveria do të punojë në digjitalizimin e shërbimeve publike më të shfrytëzuara për qytetarët dhe kompanitë – kërkesa të dërguara në mënyrë elektronike dhe marrjen e dokumenteve të nevojshme përmes kompjuterit ose telefonit të mençur.

“Digjitalizohet marrja e shtetësisë në MPB, shërbimet në Drejtorinë për Udhëheqjen e Librave Amë, Fondit të Sigurimit Pensional dhe Invalidor dhe Kadastrës. Kjo nënkupton se do të sigurojmë më shumë se 200 shërbime të reja në portalin e uslugi.gov.mk, që do ta dyfishojë numrin e shërbimeve në dispozicion”, deklaroi Miteva.

Përmes projektit në vlerë prej 60 milionë denarë do të punohet edhe në lidhjen sistematike të institucioneve për ndarjen e dokumenteve. Për momentin vetëm 20 institucione shfrytëzojnë sistem të përbashkët për punë elektronike, ndërsa me projektin ai numër do të rritet për të paktën 10.

Advertisement