Connect with us

Lajme nga vendi

Gashi për ditën e Alfabetit: E vlerësoj këtë festë dhe gjuhën shqipe si gurthemel të shoqërisë dhe diversitetit etnik

Published

on

Kryetari i Kuvendit Afrim Gashi ka uruar Ditën e Alfabetit. Ai ka thënë se në Ditën e Alfabetit të gjuhës shqipe kujtojmë dhe nderojmë këtë moment historik, që shënon përfundimin e Kongresit të Manastirit dhe mishëron identitetin e popullit shqiptar.

“Si Kryetar i Kuvendit të Maqedonisë së Veriut, ku shqiptarët janë popull shtetformues, e vlerësoj këtë festë dhe gjuhën shqipe si gurthemel të shoqërisë dhe diversitetit etnik, ndërsa angazhohem për të siguruar që ajo të trajtohet me barazi dhe respekt në çdo nivel të jetës institucionale dhe shoqërore. Ndërkaq, për mua si shqiptar kjo ditë paraqet një thelb të pashkëputur të identitetit tim, që më bën krenar. Të gjithë shqiptarëve kudo në botë, gëzuar 22 Nëntorin!”, shkruan Gashi.

Lajme nga vendi

Është arrestuar drejtori i një institucioni shëndetësor, dyshohet për ryshfet prej 20.000 euro

Published

on

Një aksion i fundit policor ka çuar në arrestimin e Muhsin Arifit, drejtor i Spitalit të Specializuar për Mjekësi Geriatrike dhe Paliative në Shkup dhe njëherazi kryetar i degës së Aleancës për Shqiptarët në Saraj.

Arifi dyshohet së bashku me një ndërmjetës, ka kërkuar dhe marrë një ryshfet prej 20,000 eurosh për të siguruar vendosjen e një personi të sëmurë dhe të pamundur në një institucion geriatrik.

Ky akt që ka tronditur opinionin publik dhe ka ndezur reagime të forta në rrjetet sociale dhe në skenën politike.

Muhsin Arifi është figurë e njohur në radhët e Aleancës për Shqiptarët, partia që udhëhiqet nga Arben Taravari. Arrestimi i tij ka vënë në siklet këtë subjekt politik, i cili prej vitesh ka ndërtuar profilin e vet mbi luftën kundër korrupsionit.
Ende nuk ka një reagim zyrtar nga vetë partia.

Continue Reading

Lajme nga vendi

ASH: Hetuesia le ta zbardh rastin, kemi paralajmëruar edhe zyrtarët tanë ska kompromis me korrupsionin!

Published

on

Duke pasur parasysh se personi M.A është propozuar nga ASH për zgjidhje të përkohshme për drejtor të ISHP Spitali i Specializuar për Mjekësi Geriatrike dhe Paliative “13 Nëntori Shkup”, konsiderojmë të nevojshme të njoftojmë si në vijim: ASH u bën thirrje organeve kompetente shtetërore që në një procedurë të shpejtë dhe efikase të sqarojnë të gjitha rrethanat që kanë të bëjnë me ngjarjen konkrete penale. Kushdo që ka shkelur ligjin duhet të mbajë përgjegjësi, pavarësisht nga përkatësia etnike, fetare apo politike. Dhënia e drejtësisë duhet të jetë jo selektive dhe në përputhje me të gjitha mekanizmat dhe vlerat themelore kushtetuese dhe ligjore.

Aleanca për Shqiptarët mbetet fuqishëm e përkushtuar në luftën kundër korrupsionit dhe në reformimin rrënjësor të sistemit shtetëror, me qëllim që të gjitha dukuritë devijante të minimizohen. Populli shqiptar nuk meriton të përfaqësohet nga persona që eventualisht përpiqen të pasurohen në mënyrë të paligjshme mbi vuajtjet shëndetësore të qytetarëve. Kjo është e papranueshme dhe bie ndesh me parimet që ne përfaqësojmë.

Organet partiake të Aleancës për Shqiptarët do të ndërmarrin të gjitha hapat statutare të nevojshme për ruajtjen e imazhit dhe integritetit të partisë.

Continue Reading

Lajme nga vendi

“Zënka nuk ka… Dua që në fund VLEN të fitojë” – tha Taravari në Click Plus

Published

on

Kryetari i Aleancës për Shqiptarët, pjesë e koalicionit VLEN, Arben Taravari në Click Plus  tha se brenda koalicionit VLEN nuk ka zënka dhe keqkuptime. Taravari shtoi se në zgjedhjet lokale dëshiron që koalicioni VLEN të dal me rezultat më të mirë.

“Jo zënka nuk ka. Keqkuptime nuk ka, por kemi divergjenca të qëndrimeve. Çdo herë kur kam hyrë në një garë kam dashur që të dalim sa më mirë. Përsëri në këtë garë politike në zgjedhjet lokale dua që si koalicion si VLEN të dalim me rezultat më të mirë. Prandaj nuk është me rëndësi përqindja e kandidatëve aspak. Hajde i testojmë emrat, kush janë më të mirë prej atyre vendbanimeve me të cilët mund të fitohet, jam i gatshëm që ASH le të ketë 1 komunë 2 komuna ose hiç komuna. Nuk është kjo me rëndësi. Në fund VLEN të fitojë”, tha Arben Taravari – kryetar i ASH-së.

Continue Reading

Më të lexuarat